Te fundit
Manastirliu i “shpëton” SPAK-ut: U verifikua për blerjen e kiteve dhe respiratorëve, por dyshimet janë për anëtarët e komisioneve
22 Janar 2021, 20:17Politika
TEMA
Një ministre e kabinetit Rama prej muajsh ka qenë nën lupën e prokurorisë së Posaçme SPAK.
Ogerta Manastirliu është verifikuar për një kohë të gjatë nga prokurorët antikorrupsion, por në përfundim SPAK nuk e gjeti në shkelje sa i takon ngritjes së dy komisioneve të cilat u angazhuan për blerjen e kiteve për testet covid dhe për blerjen e respiratorëve.
Për të dyja këto tenderime komisionet dyshohen se kanë shpërdoruar detyrën pasi këto njësi janë blerë përtej vlerës reale të tregut ndërkombëtar.
Por sipas burimeve pranë SPAK, hetimi i deritanishëm ka provuar se kitet e testeve për covidin dhe respiratorët janë blerë me çmime tre herë më të lartë se sa tregu real.
Një test sipas SPAK është blerë nga 6 deri në 9 dollarë ku duhet të shtohen edhe kostot e transportit , pagesave doganore dhe shpenzimeve të tjera.
Nga një sërë veprimesh hetimore burimet e SPAK tregojnë për TCH se shkresat doganore vërtetojnë se si kompania e cila u përzgjodh fituese importoi përmes një kompanie tjetër nga Korea e Jugut ngarkesën me 20 paketa me 50 kite secili.
Komisioni i ngritur në kushtet e gjendjes së jashtëzakonshme të shkaktuar nga covid dyshohet se nuk ka verifikuar çmimet e kiteve në çmimet e botuara, por i është referuar vetëm ofertave të paraqitura nga operatorët ekonomike.
Edhe për 54 respiratorët ,me një çmim 6400 euro secili , vlera e tyre rezulton tre herë më e lartë se tregu ndërkombëtar.
Në këtë mënyrë pohojnë burimet e prokurorisë krijohen dyshime se anëtaret e dy komisioneve kanë shpërdoruar detyrën.
Por sa kohë Manastirliu nuk është personi që autorizoi fillimin e procedurës , dhe as nënshkroi kontratat e lidhura, SPAK nuk ka kompetencë të hetojë më tej .
Sa më sipër krijohen dyshime se sipas Prokurorisë së posaçme për anëtarët e komisioneve që pritet t’i kalojnë për kompetencë prokurorisë së kryeqytetit për dyshimet e shpërdorimit të detyrës.(TCH)
1 komente në “Manastirliu i “shpëton” SPAK-ut: U verifikua për blerjen e kiteve dhe respiratorëve, por dyshimet janë për anëtarët e komisioneve”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ore te gjithe e dine se qysh ne kohen e Berishes Kryeminister
Drejtuesi Institucionit me VKM nuk prrfshihet ne vendim marje, por i lihet ” Komisionit te ” fakireve” te vendosi”..Por po prape nuk ka njeri qe nuk e di se Komisioni me levozhgat dhe frutin dihet kush e mer. Hajde po te duadh kundershto drejtuesin/ Ministrin per te mos mare pjese ne Komisiin Tenderi. Mundet dhe te fluturosh si ” shperblim”. Kjo ka qene eshte dhe gjasat jane qe kshu do vazhdoje. Prandaj o prinder mos i lejoni ose ndalojini femijet tuaj te behen viktima te Vilaposeduesve, makinaveluksoposeduesve, cashposeduesve
dhe çdo pasurie tjeter. Behuni ju te SPAK te sinqerte te pakten