Te fundit
Zgjedhjet e 25 Prillit, BE mesazh partive: Kandidoni njerëz me integritet, qytetarët presin një fushatë me debate. Larg sulmeve provokuese
4 Shkurt 2021, 21:52Politika
TEMA
Teksa nuk na ndajnë shumë muaj nga zgjedhjet e 25 prillit, Bashkimi Europian në Tiranë vjen me një mesazh për politikën shqiptare.
Përmes një reagimi në faqen zyrtare të ‘Facebook’, delegacioni i BE-së thekson se vlerëson punën e deritanishme në vendin tonë për përmirësimin e integritetit të zgjedhjeve siç është miratimi i ligjit të dekriminalizimit apo dhe marrëveshja e 5 Qershorit.
Sipas Ambasadës së BE-së, drejtuesit e partive kanë përgjegjësinë ligjore dhe morale për të siguruar që listat të përbëhen nga kandidatë me integritet. Sipas delegacionit, qytetarët shqiptarë presin një fushatë cilësore që ofron një debat të informuar dhe propozime politikash, dhe larg sulmeve provokuese.
MESAZHI I BE:
Në Ditën Ndërkombëtare të Zgjedhjeve, ne vlerësojmë punën e kryer për të përmirësuar integritetin e zgjedhjeve në #Shqipëri ??.
Miratimi i ligjit të dekriminalizimit, marrëveshja e qershorit dhe reforma zgjedhore që zbaton rekomandimet e OSCE/ODIHR kanë qenë piketa të rëndësishme.
BE-ja i ka mbështetur fuqimisht këto arritje. Me afrimin e ditës së zgjedhjeve, drejtuesit e partive kanë përgjegjësinë ligjore dhe morale për të siguruar që listat të përbëhen nga kandidatë me integritet.
Qytetarët shqiptarë meritojnë ligjvënës të cilët plotësojnë standarde të larta integriteti dhe të cilët do ta çojnë Shqipërinë më pranë BE-së.
Qytetarët shqiptarë gjithashtu presin një fushatë cilësore që ofron një debat të informuar dhe propozime politikash, dhe larg sulmeve provokuese.
1 komente në “Zgjedhjet e 25 Prillit, BE mesazh partive: Kandidoni njerëz me integritet, qytetarët presin një fushatë me debate. Larg sulmeve provokuese”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Dmth BE vlereson marrveshjet dhe konsensuset qe ne çdo kohe jane spekultaive dhe nuk vlereson ndertimin e shtetit ligjor demokratik. Gjithmone keto 30 vjet marrveshjet dhe konsensuset e Sali Berishes dhe te tjereve kane sjelle gjendjen e sotme te Shqiperise dhe shqiptareve. Po te ishte vleresuar zbatimi ligjit demokratik dhe ndertimi shtetit ligjor, gjendja do te ishte krejt ndryshe, por keto u kane interesuar politikaneve bajate shqiptare qe s’dinin te beni pune te tjeter veç te ishin politikane pa politike. Politika eshte shkenece po keta e kane kthyer ne intrige qe kur thone diçka banale apo çpifese shprehen: bera politike!!!!!! Kjo eshte çudia se si trajtohet politika dhe kush e ben.