Te fundit
Shefi i NATO-s përballet me sfidën e rritjes së buxhetit të aleancës
8 Mars 2021, 16:29Bota
TEMA
Sekretari i përgjithshëm i NATO-s, Jens Stoltenberg mund të dështojë të bindë aleancën për të forcuar ndjeshëm buxhetin e saj të përbashkët të mbrojtjes, një element kryesor i një plani për të ringjallur organizatën.
Sipas burimeve, shumë nga 30 aleatët e kanë bërë të qartë javët e fundit se ata nuk janë të gatshëm të mbështesin reformat e gjera.
Aleanca e Mbrojtjes Transatlantike zakonisht vepron mbi parimin e konsensusit, çka e bën të pamundur një rregullim të madh të modelit të financimit për parandalimin e përbashkët dhe përpjekjet e mbrojtjes.
Stoltenberg prezantoi paketën e tij të mundshme të reformës “NATO 2030″ aleatëve muajin e kaluar, e përpiluar pas një përplasjeje ndërmjet anëtarëve.
”Shtytja do të mbështeste, për shembull, dislokimet e aleatëve në krahun lindor të bllokut me Rusinë, si me policinë ajrore, vendosjet detare dhe manovrat e përbashkëta”, theksoi kreu i aleancës.
Aktivitetet e NATO-s, të tilla si ato në Detin e Zi ose rajonet baltike, paguhen të gjitha nga ata aleatë që dërgojnë trupa ose pajisje aktualisht.
”Nxitja e investimeve do të ndihmonte gjithashtu në ekuilibrimin e kostove midis aleatëve”, tha Stoltenberg, një arsye grindjesh midis partnerit me shpenzimet më të mëdha, Shtetet e Bashkuara të Amerikës, dhe aleatëve të tjerë, veçanërisht Gjermanisë.
”Mbështetja për sigurinë e përbashkët dhe mbrojtjen kolektive duhet të jetë e vetëkuptueshme dhe jo e lidhur me para të gatshme”, thonë aleatët që kundërshtojnë rritjen e buxhetit për NATO-n.
Lini një Përgjigje
Më të lexuarat
24 oret e fundit
Javen e fundit
Blog Tema
