Te fundit
Zbulohet kontrata mes Bashkisë së Tiranës dhe FRD për zyrat: Kontrate vetëm 1-vjeçare, ka skaduar para 4 vitesh
13 Mars 2021, 11:20Politika
TEMA
Kontrata e lidhur mes Bashkisë së Tiranës dhe Partisë Fryma e Re Demokratike për dhënien në përdorim të disa zyrave për t’u përdorur për seli ka mëse 4 vite që ka përfunduar.
Sikurse mund të shihni edhe nga këto dokumente, kontrata e lidhur për dhënien në përdorim të zyrave që ndodhen në godinën e Bashkisë së Tiranës që më parë ka qenë ish selia historike e PD është lidhur më 3 mars 2016 me afat vetëm një vit. Kjo kontratë jo vetëm që ka përfunduar, por nuk është rinovuar më nga palët.
Në nenin 5 kontratës, thuhet se ajo lidhet me një afat 1-vjeccar dhe hyn në fuqi menjëheerë në momentin e marrjes në dorëzim të sendit, ku është mbajtur edhe një procesverbal për gjendjen dhe sendet në ato zyra.
Por edhe pse kontrata ka skaduar, FRD e drejtuar nga Sali Shehu vijon të mbajë të uzurpuara zyrat në katin e tretë të godinës së Bashkisë së Tiranës ku ndodhen edhe shumë zyra të tjera që ofrojnë shërbime publike për qytetarët.
Godina në të cilën Fryma e Re Demokratike ka selinë e saj është në pronësi të Bashkisë së Tiranës.
Ajo i ka kaluar në pronësi të bashkisë në vitin 28.8.2013 me anë të një VKM-je të miratuar nga vetë ish kryeministri Sali Berisha dhe marrë në dorëzim nga Lulzim Basha, aso kohe Kryetar Bashkie. Që prej atij viti ndërtesa, që është në pronësi të Bashkisë së Tiranës, përdoret nga kjo e fundit për të ofruar një sërë shërbimesh ndaj qytetarëve. Në këtë godinë, ndodhen zyrat e Agjencisë së Mbrojtjes së Konsumatorit (AMK), disa sektorë të burimeve njerëzore, si dhe disa zyra të drejtorisë juridike.
Në katin e tretë të saj ishin dhe zyrat e FRD-së, e cila duhet t’i lirojë ato edhe për një tjetër arsye, pasi kjo parti nuk ka më përfaqësim në Parlament. Ligji për partitë politike përcakton qartë se bashkitë duhet t’u sigurojnë seli vetëm partive politike që kanë deputetë në Kuvendin e Shqipërisë. Në këtë rast, FRD-ja jo vetëm nuk e plotëson këtë kusht por dhe kontrata e përdorimit I ka skadar prej 4 vitesh, prandaj duhet të lirojë zyrat në katin e tretë të godinës.
7 komente në “Zbulohet kontrata mes Bashkisë së Tiranës dhe FRD për zyrat: Kontrate vetëm 1-vjeçare, ka skaduar para 4 vitesh”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Polici Leshi! pse se hodhen nga kati i trete ate qe godiste policet?
Bamir Topi besoj se nuk e ka problem financiar qe t’i shlyeje borxhin popullit te Bashkise se Tiranes.
Pra per 4 vjet FRD ka marre zyre publike vetem e vetem se perkhrahte Erion Veliajn ne Tirane?! Nese kontrata ka skaduar para 4 vjetesh kjo vetem thellon shkeljen dhe abuzimin e Bashkise dhe zyrtaret qe e kane lejuar duhen hetuar menjehere.
Moralisht mund te jetë e gabuar, por ligjerisht eshte e drejte.
Ky mund te ishte diskutimi për t’i nxjerre bojën nje njeriu pa parime morale si Erion Veliaj.
Por Basha dhe Meta nuk mund ta bejne dot kete lloj beteje.
Ata bejne ç’eshte e mundur per te Ramën dhe Veliajn de duken me mire nga ç’jane.
Ne qofte se une marr nje pistoletë dhe vras kriminelin me te madh te qytetin tim, te cilin e dine te gjithe qe eshte kriminel, çfare mendoni ju se do ndodhë? Do vije policia dhe do me jape medalje? Natyrisht qe do me arrestojne, dhe do ha nja 15 vjet per vrasje.
Prandaj, fakti që Mua nuk me pëlqen fare Veliaj si njeri, nuk do te thote qe une te bashkohen me paligjshmerine e Sali Qenit dhe Ilir Ndyresires.
Qe bashkia Tiranes eshte ne pronen e saj kte se ve kush ne dyshim por fakti se u kujtuan tani vjen ere…..dhe ska femije qe se kupton
Kur nuk ka kontrat cfare kerkon FRD dhe Presidenti? Politika dhe Meta jane mesuar ta perdorin pushtetin jo sipas ligjit, po sipas qejfit. Pushtet te pakufishem.
E drejtë është. Ç’ju desh atyre të hynin në koalicion me PD ?? Do vazhdonin të rrinin prapë aty e askush s’do i ngacmonte se kush pyet për kontrata tek ne. Interesi politik prevalon. Budallenj.