Te fundit
Programi për arsimin, Basha përgjigje me Xhaferrajn: I dështuari Rama trumbeton me të madhe tallje, veç me ne përmirësohet cilësia e rrogave
16 Mars 2021, 13:18Politika
TEMA
Kryetari i PD Lulzim Basha ka zgjedhur t’i përgjigjet kundërshtarit të tij politik Edi Rama përmes kandidatit për deputet Ferdinand Xhaferraj.
Ai ka reaguar nëpërmjet një postimi në rrjetet sociale ndaj programit të shpalosur sot nga kryeministri Edi Rama për Arsimin. Ai e cilëson këtë si një tallje publike, duke theksuar se në dy mandate qeveria e drejtuar nga Rama nuk u ka rritur asnjë qindarkë rrogave të mësuesve. “Në këtë vit elektoral, i dështuari Edi Rama trumbeton me të madhe se gjoja u ka rritur rrogat me 32%, por edhe kjo joreale”, shkruan Xhaferraj.
Postimi i plotë:
“Si politikan dhe si i angazhuar prej vitesh drejtpërdrejtë në arsimin e lartë, jam i zhgënjyer nga tallja publike që Edi Rama bëri sot në shpalosjen e të ashtuquajturit program të Partisë Socialiste për Arsimin. Në tetë vite ai nuk u shtoi asnjë qindarkë rrogave të mësuesve. Në këtë vit elektoral, i dështuari Edi Rama trumbeton me të madhe se gjoja u ka rritur rrogat me 32%, por edhe kjo joreale.
Në mandatin 4 vjeçar të Lulzim Bashës si Kryeministër, rroga e mësuesve do të jetë minimumi 700 euro. Edukatorët e Kombit do të kenë mundësinë të bëjnë një jetë dinjitoze, njësoj si kolegët e tyre në shtetet përreth.
Edi Rama me tam-tame thotë se gjoja në universitete është vendosur meritokracia. Kryeministri më i keq që ka njohur historia pluraliste tenton të mashtrojë shqiptarët, sikur ata ta kenë harruar përfshirjen e drejtuesve të bandave më të rrezikshme në zgjedhjet e drejtuesve të universiteteve. Bandat e komanduara nga Rama arritën deri aty sa të marrin peng profesorë dhe kandidatë për Rektor.
Sistemi i Maturës Shtetërore është një dështim i plotë dhe më mirë se të gjithë këtë e dinë maturantët dhe familjarët e tyre. Mjafton të kujtojmë personazhin e “TURIT”.
Me Edi Ramën arsimi shqiptar ka pësuar vetëm regres.
Me Partinë Demokratike Shqipëria Fiton Arsimin!”
4 komente në “Programi për arsimin, Basha përgjigje me Xhaferrajn: I dështuari Rama trumbeton me të madhe tallje, veç me ne përmirësohet cilësia e rrogave”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Une e besj ,sepse ky permiresoi rrezet e dielliet e reren e plazhit e jo me rrogat e arsimtareve …..
1000 ministra arsimi me ardh nuk jane me te dobte se lindita nikolla qyqja dhe besa shahini viktima ma posht arsimi shendetesia drejtesia ekonomia nuk kan qene noj her plus numri larte i azilantave sipaa okb per 2020 e ka shqipnia le te dalin rama prap me batuta çobanesh e tuj shtramu kundershtaret me karrikatura tuj bullizu narkomani si orungutan
Cfare jane keta idiot te lindur,doli ky kllufi,qe ben diellin dhe henen,hajde trap,hajde
Ti mor “burre”(me zerin shume te holle), nuk ishe as per kryetar treni ne hekurudhe e jo te japesh mend me foton e Bashes ne mur.