Te fundit
Maturantët kthehen në shkolla, Komiteti Teknik: Masat e tjera mbeten në fuqi siç janë
31 Mars 2021, 14:56Sociale
TEMA
Komiteti Teknik i Ekspertëve ka vendosur që maturantët do të kthehen në klasa dhe nuk do të bëjnë më mësim online.
Ndërsa në lidhje me masat e tjera vijojnë të mbeten ende në fuqi edhe për një javë tjetër.
Kryetarja e komitetit Teknik, Mira Rakacolli, bëri të ditur se situata paraqitet e stabilizuar, por delikate.
“Komiteti u mblodh për të vlerësuar indikatorët javorë. Situata në vend paraqitet e stabilizuar, me një ulje të lehtë incidencës, por sërish mbetet delikate”, u shpreh Rakacolli.
Më tej, Rakacolli theksoi se masat do të mbesin të pandryshuara, të paktën deri në javën e ardhshme.
“Mbi shifrat që kemi dhe mbi analizën e shkaqeve dhe situatave, ekspertët mendojnë situata mbetet e qëndrueshme në atë tendencë e vënë re që para një javë për uljen e lehtë të incidencës dhe në numrin e jetëve të humbura, por shifrat përsëri nuk janë aty ku duhet të jenë për të liruar situatën.
Prandaj kemi menduar se masat të shikohen javën e ardhshme, me përjashtim të faktit, që maturat të fillojnë mësimin në klasë”.
Lini një Përgjigje
Më të lexuarat
24 oret e fundit
Javen e fundit
Blog Tema
