Te fundit
Fushata elektorale, Çupi: Meta duhet shkarkuar, po bën fushatë. Andoni: PD nuk ofron alternativën e opozitës
5 Prill 2021, 17:46Politika
TEMA
Për analistët, Ben Andoni dhe Frok Çupi, Kolegji Zgjedhor mori vendimin e duhur për fletën e votimit me numra pasi ky model aplikohet në shumë vende të botës përfshirë edhe Kosovën. Analistët komentuan dhe ecurinë e fushatës ku vlerësuan Partinë Socialiste se po respekton masat ndaj pandemisë në rrespekt të jetës së qytetarëve, ndërsa për PD mendojnë se nuk ka sjellë atë alternativë që prisnin shqiptarët.
Propozimin e Partisë Socialiste që fleta e votimit të jetë me numra, analistët e cilësojnë të duhurën për votuesin.
“Por, fleta edhe kaq është e ngatërruar për votuesin, jo më me emra. Palët të flisnin për detajet teknike sepse kjo dallon ndershmërin që kanë për zgjedhjet. Por, në këtë formë mendoj se është e thjeshtë për publikun”, thotë Andoni.
“E pa printueshme me gjithë emrat e kandidatëve dhe një rëndesi psikologjike për votuesin, çdo votues është i ndërgjegjshëm se çfarë numri ka kandidati dhe partia që preferon”, thotë Çupi.
Sipas analistit, Ben Andoni, fushata e Partisë Socialiste është më racionale, kurse fushata që po zhvillon PD ka mungesa.
“Në këtë zgjedhje PS i thërret gjykimit racional, referuar atë ç’ka ka sjell këto 8 vite. Bashës i mungon substancë, mendoj se libri nuk i ka dhënë impaktin që ai ka besuar, pasi njerëzit presin alternativë të dukshme”, tha Andoni.
“Çështja e rëndësishme është fakti që një parti tenton të fitojë vota, jeton me vdekjen e njerëzve, shfrytëzon ato për gjithçka. Kemi të bëjmë me dy fronte, atë që do shtetin, pra fronti qytetar dhe pjesa tjetër që është në kaos”, tha Çupi.
Ndërkohë, analistët bashkohen në një pikë, se presidenti Ilir Meta ka braktisur rolin e tij kushtetues dhe është përfshirë në fushatë.
“Presidenti është duke e shfrytëzuar në dukje këtë situatë. Diskursi i tij me PS nuk është normal, pasi në këto zgjedhje duhet të jetë garant, por unë shoh sikur ai do që këto zgjedhje të kenë një lloj damke”, u shpreh Andoni.
“Presidenti po bën fushatë të drejtëpërdrejtë, duke goditur kryeministrin që në fakt kërkon ta ulë në tavolinë për ti kërkuar diçka. Meta po luan si opozitar, ne jemi pa president dhe bën fushatë për partinë e tij, në një shtet të konsoliduar prej kohësh, presidenti duhet shkarkuar pasi ka humbur çdo gjë”, u shpreh Çupi.
Nga zgjedhjet e 25 prillit mungojnë edhe 20 ditë dhe me përjashtim të disa rasteve sporadike nuk janë shënuar incidente apo dhunë, ndërsa ndërkombëtarët bëjnë thirrje që votuesit të mos e shesin votën.
1 komente në “Fushata elektorale, Çupi: Meta duhet shkarkuar, po bën fushatë. Andoni: PD nuk ofron alternativën e opozitës”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Asht e turpshme se sigrımbullon Basha me te vetet njerez, sidomos disa te rinje te hunit e litarit me makina e flamure, duke u pague karburantin me krijue nji pershtypje te rreme sikır presin mesian. Shum zgjidhje e trashe, tashme e dale boje dhe askush nuk e çan kryet se çka thot. Vete Basha mban maske dhe nga ana tjeter gabon rande qe mbledh disa njerez pa maska qe i paguen veç per egon e tij. Nuk e kuptoj kujt i vlen kjo butafori, me pasoja per ata qe mbledh.
A thue Rama nuk ka njerez? Ai ka edhe ma shum se PD-ja, por mendoj se ai po tregohet ma serioz, nuk rrezikon njerezit por i ruen dhe bravo i qofte sepse po vaksinon popullaten. Ai flet me qetesi. Shpalos alternativen dhe shihet qarte se ne takime i vijne ajka e njerzve per ta ndigju. Ai nuk çirret, nuk ban poza te peshtira qe nuk ngrohin askend.
Ne kete paraqitje, shoh epersine e Rames per balle Bashes.
Kurr nuk ka votue majtas por ksaj radhe do e votoj familjarisht Ramen, per ato qe ka ba e ato qe premton me ba, por edhe pse keshtu na e keshillojne kolloset e Kombit Tinka Kurti e Bert Ndrenika.
Taki