Te fundit
Policia e Çikagos publikon videon: Oficeri qëllon me armë 13-vjeçarin, teksa ngre duart
16 Prill 2021, 09:10Lifestyle
TEMA
Janë rritur tensionet në Çikago, pasi policia publikoi një video në të cilën një oficer qëlloi një 13-vjeçar, duke e vrarë atë.
Në videon që zgjat disa sekonda, shihet polici duke ndjekur djalin të quajtur Adam Toledo, në një rrugicë dhe duke e urdhëruar atë të ndalet dhe të hedhë poshtë armën që kishte në dorë.
Videoja e kamerave të trupit tregon policin duke bërtitur përpara se të qëllonte 13-vjeçarin, i cili ndërsa ngre duart goditet me plumb në gjoks në 29 mars.
Djali nuk duket se mban një armë në sekondën kur u qëllua, por videoja e policisë tregon një pistoletë afër vendit ku ai ra.
Protesta të vogla u mbajtën të enjten në mbrëmje rreth Çikagos, disa orë pasi kryetari i bashkisë bëri thirrje për qetësi. Ai e konsideroi videon “torturuese dhe pikëlluese”.
Publikimi i videos vjen pas të shtënave fatale të policisë në 11 prill ndaj Daunte Wright nga një oficer në një periferi të Minneapolis.
Lini një Përgjigje
Më të lexuarat
24 oret e fundit
Javen e fundit
Blog Tema
