Mesazhet: Ndërkombëtarët veçuan qartazi Ramën e Bashën, nga Sali Berisha e Ilir Meta

Ditën që presidenti i Republikës, Ilir Meta tha se do të përdorte dekretin e tij “për Shqipërinë e shqiptarëve” dhe “vdekjen e tradhtarëve” per njohje zgjedhjesh pas paralajmërimit nga PS se do ta shkarkonte, folën ata; ndërkombëtarët, të etiketuar rëndom si “tradhtar” nga kreu i shtetit.

E mërkura ishte dita e tyre. As e Ilir Metës me humorin e tij të lëkundur sipas kohës dhe reagimit politik, as e kandidatëve se kush të kalojë kë, as e shqetësimit të ndonjë dege të PD-së për të “ruajtur” karrigen e Lulzim Bashës e as e dikujt tjetër për ta shkarkuar atë.

Ishte dita e ndërkombëtarëve dhe mesazhit të qartë që ata përcollën.

Në një vend kur ende nuk kemi praktika elektorale të konsoliduara, ku nuk kalojmë zgjedhje pa turbullira politike e sociale, ku nuk njohim pjekurinë elektorale e aq më shumë përgjegjësitë për rezultatin, folën ata.

Duke filluar nga Departamenti amerikan i Shtetit se zgjedhjet ishin legjitime dhe rezultati duhet të pranohej, tek ambasadorja amerikane Yuri Kim me të njëjtin mesazh,  e deri tek përfaqësuesit e tjerë diplomatike në Tiranë.

Të gjithë në radhë me të njëjtën devizë. Të njihej rezultati i zgjedhjeve, por mbi të gjitha të punohej për një bashkëpunim mes Bashës dhe Ramës.

Si rrallë herë ambasadorët veçuan dy politikanë në këto zgjedhje dhe jo pa qëllim.

Për ata ishin Edi Rama që “siguroi fitoren” dhe Lulzim Basha që “bëri fushatë frymëzuese”.

Konfiguracioni politik për ta sa duket është i qartë; Rama dhe Basha.

Ndërkombëtarët, që çuan ekipet e tyre të vëzhgimit më 25 Prill, i “certifikuan” zgjedhjet nga ana e tyre, thanë se Rama i fitoi ato, kërkuan që rezultati të njihej, nxitën organet ligjzbatuese të verifikonin çdo akuzë për shit-blerje të votës, kërkuan hetim për të gjitha parregullsitë e pretenduara, mbështetën raportin paraprak të OSBE-ODIHIR dhe mbi të gjitha i treguan Lulzim Bashës se ai tanimë duhet të bëjë një opozitë të fortë në Kuvend.

Në një kohë kur kryetari i PD-së nuk e ka thënë ende fjalën e tij nëse do t’i njohë apo jo zgjedhjet, kur drejtues politik të emëruar drejtpërdrejt prej tij po artikulojnë qartazi se nuk do t’i njohin ato, në një kohë kur po paralajmërohen dosje manipulimi zgjedhjesh me kërkesën për sërish zgjedhje pas një viti,  ndërkombëtarët vunë pikat mbi “I”.

Ata i kërkuan Edi Ramës atë që i kërkohet rëndom çdo kryeministri; vijimin e reformave.

Por nuk bënë të njëjtën gjë me Lulzim Bashën.

Duke e mikluar për fushatën model që ndoqi, duke ia njohur meritën për forcimin e partisë në zgjedhje që sipas tyre u reflektua në rezultat, ata i kërkuan Bashës udhën që duhet të marrë; opozitarizëm dhe kontribut aktiv për  ligje dhe vendime që kërkojnë shumicë të cilësuar.

Askund Ilir Meta, askund Monika Kryemadhi…Sepse mesazhi ishte për Lulzim Bashën. Që si rrallë herë e vunë në një peshore politike me Edi Ramën…(SI)

FOTOT/ Rama nxjerr pamjet: Lungomore 2 në Vlorë drejt përfundimit

12:09 Politika

Urim i veçantë për Ramën nga partitë e majta europiane: Përgëzojmë fitoren! Vullneti i shqiptarëve ishte i qartë

12:01 Politika

VIDEO/ Demokrati i revoltuar në lot: Oi, oi o Lulzim Basha, durohet Rama të na q*** edhe katër vjet të tjera

11:58 Politika

Thirrja për të njohur rezultatin: Pas takimit me Rama, Yuri Kim do të takohet edhe me Bashën

11:47 Politika

Nikoll Lesi: Na futën golin. Ky Pandi Majko tani të fillojë punë në ndonjë ndërmarrje private, meqë thotë kam dy diploma

11:42 Politika

Bujar Nishani: Lulzim Bashës i kishte humbur 'çelësi' gjatë fushatës, të kërkojë falje dhe të japë dorëheqjen

11:42 Politika

Manjani kundër Kryemadhit për rrënimin e LSI: Gabimet euforike të drejtuesve çuan në dështim

11:36 Politika

Julian Deda: Ju lumshin duart që votuat ndryshimin, ju të tjerët do pendoheni që s’u bëtë pjesë e historisë

11:29 Politika

Lulzim Basha arrin fitoren e vetme në këto zgjedhje, thyen herësin në Tiranë e "mbron" mandatin

11:27 Politika

"Basha boll", demokratët sërish në derën e selisë blu për të protestuar kundër liderit të PD

11:25 Politika