Te fundit
Shembet trau në kantierin e Amazon, humb jetën shqiptari dhe plagosen 5 të tjerë
29 Prill 2021, 18:42Bota
TEMA
Një aksident tragjik i mori jetën një shqiptari dhe la të plagosur 5 persona të tjerë në Itali. Bëhet fjalë për një ngjarje të ndodhur mëngjesin e kësaj të enjteje, në një kantier ndërtimi në Alessandria të Piemontes.
Viktima është identifikuar nga mediat italiane si Flamur Alsela, 51-vjeç. Ai mësohet se ishte përgjegjës i firmës që po punonte për ndërtimin e qendrës së re të logjistikës së kompanisë Amazon, në periferi të Alessandria.
Shqiptari i cili jetonte në Chiari ndodhej së bashku me 5 punëtorë të tjerë kur një prej trarëve u shemb, për shkaqe ende të paqarta, duke e goditur 51-vjeçarin, i cili gjeti vdekjen në vendin e ngjarjes, ndërsa të plagosurit u dërguan me urgjencë në spital. Një prej tyre mësohet se është në gjendje më të rëndë.
Për ngjarjen e rëndë reagoi edhe vetë Amazon që shprehu ngushëllimet për familjen e viktimës dhe të plagosurve ndërsa u shpreh se është në dispozicion të autoriteteve kompetente, për të ndihmuar në zbardhjen e rrethanave të kësaj ngjarje të rëndë.
1 komente në “Shembet trau në kantierin e Amazon, humb jetën shqiptari dhe plagosen 5 të tjerë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
NGUSHELLIME FAMILJES
KAM MBI 30 VJET EMIGRIM DHE NUK KAM PARE INDIANE.KINEZE APO EDHE ZEZAKE(no offence) TE PUNOJNE NE NDERTIM
EDHE ITALIANET PARA 50 VJETEVE
SHQIPTARET E SHKRETE.