Te fundit
Astrit Patozi: Marr përgjegjësinë dhe dorëhiqem nga drejtimi i Bindjes Demokratike
2 Maj 2021, 12:52Blog
TEMA
Nga Astrit Patozi
Duke falenderuar edhe një herë kandidatët, mbështetësit dhe të gjithë votuesit e Bindjes Demokratike në zgjedhjet e 25 prillit, kam vendosur të marrë të gjitha përgjegjësitë për mosarritjen e objektivave tona elektorale dhe të dorëhiqem nga drejtimi i partisë.
Fakti që ne bëmë një betejë dinjitoze dhe qytetare, në mesin e një polarizimi ekstrem, që erdhi nga egërsia dhe ashpërsia e forcave kryesore politike, nuk mund të shërbejë në asnjë rast si justifikim për askënd prej nesh, por sidomos për mua që udhëhoqa fushatën. E kemi ditur që në fillim se në kohë lufte njerëzit nuk kanë mundësi të dëgjojnë muzikë, por nuk kemi ndërmend të fshihemi prapa rrethanave të vështira dhe të pazakonta.
Që nga dita e parë e krijimit të partisë, por sidomos gjatë kësaj fushate, pata fatin dhe privilegjin të njoh dhe bashkëpunoj me njerëz të shkëlqyer, politikanë me eksperiencë apo edhe të rinj të supermotivuar, të cilët më kanë mbushur me besim se ky është një investim, që nuk do të tretet. Unë i inkurajoj ata të gjithë që ta vazhdojnë edhe më të vendosur këtë rrugëtim politik, i cili ka në epiqendër respektin për disa vlera dhe parime të qenësishme si dhe dëshirën për t’i shërbyer vendit dhe interesit publik.
Nuk mendoj se është koha për t’u dekurajuar, sepse ne i kemi ditur dhe marrë parasysh vështirësitë që në nisje të këtij projekti politik. Askush prej nesh nuk kishte keqkuptimin se rezultati do të arrihej me një të rënë të sopatës dhe asnjëherë nuk e kishim menduar se Bindja Demokratike ishte projektuar për vetëm një palë zgjedhje. Ndryshe, do të kishte qenë e pandershme dhe e padenjë për të gjithë ata shqiptarë, që e mbështetën dhe i besuan asaj.
Dorëheqja ime është një akt moral përgjegjësie, por kurrërrësesi dorëzim. E kemi shpallur që në ditën e parë të themelimit se Bindja Demokratike nuk është një njeri, as një grup personash, e aq më pak pronë apo ndërmarrje biznesi e dikujt. Ajo është një ide e bukur për të ndryshuar mënyrën e drejtimit të Shqipërisë, pasi ne mendojmë se ajo keqqeveriset për shkak të një sistemi të kapur, që ka mbyllur të gjitha shtigjet e konkurrencës së lirë.
Ndaj unë do të vijoj të mbetem një mbështetës i palodhur i kësaj ideje, si njeri politik dhe qytetar i angazhuar, sepse jam i bindur që është e vetmja rrugë për të pasur një atdhe më të drejtë, më pak të korruptuar, më të jetueshëm, dhe me një qeveri që shërben dhe nuk sundon.
I uroj fat dhe sukses Bindjes Demokratike në sfidat e radhës, si një projekt serioz që, sipas meje, ka për qëllim ndryshimin strukturor të politikëbërjes në këtë vend, i cili ka qenë që në fillim dhe duhet të vijojë mbetet sërish në dispozicion të ripërtëritjes të së djathtës dhe të opozitës në Shqipëri.
10 komente në “Astrit Patozi: Marr përgjegjësinë dhe dorëhiqem nga drejtimi i Bindjes Demokratike”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Bravo Patozi! Me ne fund ia arrite ditës te dorehiqesh si kryetar partie. Arritje e madhe per nje parti inekzistente dhe dike qe vetem per politike nuk ja qull fare… Si ti edhe Zhelefina palmet dinit te tundnit per Berishen. Salianji, kokrra e mashtruesit mori vota me shume se ju. PDja e mbushur plot me plera.
Hahde shnet ,te fala Lulit….:
Hahde shnet ,te fala Lulit….:
Sa i madh është Patozi. Krijoi partinë për të legjitimuar zgjedhjet lokale, që gjasme ka altrnativë, pra që nuk janë moniste. Dhe tani në zgjedhjet parlamentare, ky dhe Jozefina kishin si mision të hiqnin sa më shumë vota nga PD me të pakënaqurit që nuk votonin dot PS. Partiçka koti, pa vlerë, pa vota. Tani patozi mund të shkojë e të kalojë pushimet në vilën që ka në Lalëz, ky i “ndershmi i dynjasë”!
Po ti nga vetvetja dorehiqesh o ty mbyllte mendja ty mbyllte ?!!!
Kto jan dhe qesharak! Nuk bejn dot as skuader kalceto, formojn dhe parti per te rrjepur lek nga taksapaguesit. Ik puno, mjaft shitet pordh.
Hajt se po dorehiqem dhe une nga partia ime
Partia ime e dashur e perbere nga mua dhe vetja ime
Une po dorehiqem dhe po le veten time te vazhdoje luften per demokraci
Zgjedhjet treguan qe ne Shqiperi jane vetem dy parti PD-ja dhe PS-ja.
Te tjeret jane mbushesa.
?????????????
Moooooos! Do na iki Titi!