Te fundit
UEFA cakton arbitrat që do vendosin drejtësi në finalen e “Champions League” dhe “Europa League”
12 Maj 2021, 18:25Sport
TEMA
Komiteti i Arbitrave i UEFA-s ka njoftuar edhe bilbilin që do të vendosë drejtësi në ndeshjen më të rëndësishme të sezonit futbollistik. Antonio Miguel Mateu Lahoz do të gjykojë finalen e Ligës së Kampionëve mes Manchester City dhe Chelsea. Ndeshja do të luhet të shtunën 29 maj në orën 21.00 dhe vendi do të konfirmohet së shpejti.
Spanjolli 44-vjeçar, një arbitër ndërkombëtar që nga viti 2011, do të drejtojë finalen e tij të parë të Ligës së Kampionëve pasi ishte zyrtari i katërt në finalen e vitit 2019 mes Tottenham Hotspur dhe Liverpool në Madrid, Spanjë. Ai ka drejtuar gjashtë ndeshje të Ligës së Kampionëve këtë sezon, duke përfshirë edhe ndeshjen e parë të çerekfinaleve mes Bayern Munchen dhe Paris Saint-Germain. Mateu Lahoz gjithashtu u zgjodh kohët e fundit nga UEFA si një nga gjyqtarët e EURO 2020.
Në finale, Mateu Lahoz do të ndihmohet nga bashkatdhetarët Pau Cebrián Devis dhe Roberto Díaz Pe’rez del Palomar, ndërsa një tjetër spanjoll, Carlos del Cerro Grande, do të jetë ‘arbitri i katërt. Roli i ndihmësit në video i arbitrit (VAR) i është caktuar Alejandro Jose ‘Hernández Hernández (Spanjë), i cili do të shoqërohet nga bashkatdhetarët e tij Juan Martínez Munuera dhe Íñigo Prieto López de Cerain. Paëel Gil (Poloni) kompleton formacionin VAR.
Cle’ment Turpin, arbitri francez, do të jetë njeriu që do të gjykojë finalen e Europa League mes Villarreal dhe Manchester United, që do të luhet në Gdansk Stadium, në Poloni, të mërkurën e 26 majit në orën 21:00. Komiteti i Arbitrave i UEFA-s i ka besuar kështu një gjyqtari që është në arenën ndërkombëtare që nga viti 2010. Këtë sezon, francezi 38-vjeçar ka drejtuar shtatë ndeshje në Champions, si dhe kthimin e 1/16 të Europa League mes Psv Eindhoven dhe Olympiacos FC.
Turpin, që është zgjedhur edhe në trupën e arbitrimit në Euro 2020, do të marrë pjesë në një finale UEFA për herë të dytë në karrierë: në vitin 2018, në fakt, ai ishte arbitri i katërt i finales së Champions League mes Real Madrid dhe Liverpool, i luajtur në Kiev (Ukrainë).
Në finalen e këtij viti të Europa League, Turpin do të ndihmohet nga bashkatdhetarët Nicolas Danos dhe Cyril Gringore. Arbitri i katërt, Slavko Vincic, është nga Sllovenia. Roli i Asistentit të Arbitrit në Video i është caktuar francezit François Letexier, i cili do të bashkëpunojë me bashkatdhetarët Jerome Brisard dhe Benjamin Pages. Hollandezi Paulus van Boekel plotëson ekipin e Var.
Lini një Përgjigje
Më të lexuarat
24 oret e fundit
Javen e fundit
Blog Tema
