Ankimimet zgjedhore, KAS vendos të hapë 24 kuti në Berat. Rrëzon kërkesat e PD-së

Komisioni i Ankimeve dhe Sanksioneve (KAS) vendosi të hapë 24 kuti votimi të Qarkut Berat të ankimuara nga Lëvizja Socialiste për Integrim. Hapja e kutive do të bëhet për të marrë në cilësinë e provës të materialeve zgjedhore si procesverbalet e votimit, raportin e pajisjes së identifikimit elektronik, regjistrin e zgjedhësve me nënshkrimet etj.

LSI ka kërkuar pavlefshmërinë e zgjedhjeve në këto qendra votimi e për rrjedhojë, pavlefshmërinë në të gjithë Qarkun e Beratit dhe përsëritjen e zgjedhjeve.

Krahas kësaj, me shumicë votash, anëtarët e KAS vendosën të rrëzojnë kërkesën e Partisë Demokratike për të marrë prova shtesë nga organe të tjera shtetërore si Prokuroria e Posaçme kundër Krimit të Organizuar dhe Korrupsionit.

Hetimi për pretendimin e manipulimeve në Qarkun e Beratit do të përfshijë edhe kryqëzimin e të dhënave të pajisjes së identifikimit elektronik me listën e pjesëmarrëve në zgjedhje në Qarkun e Beratit nën argumentin e verifikimit të votimit të shumëfishtë apo votimit familjar.

Hapja e kutive të 24 qendrave të votit është parashikuar të bëhet ditën e hënë në ambientet e Komisionit Qendror të Zgjedhjeve.

Ivi Kaso, përfaqësuesi i Partisë Demokratike në KQZ, e ka quajtur të paligjshëm vendimin e KAS për të pranuar si prova vetëm disa nga materialet e dorëzuara nga ky subjekt politik.

Duke folur për gazetarët pas mbledhjes, Kaso tha se “KAS e ka detyrim ligjor që t’i vërë në dispozicion palëve garuese në zgjedhje prova që ata vetë nuk kanë mundur t’i sigurojnë”.

“PD i është drejtuar institucioneve për t’i kërkuar këto prova, por provat nuk janë vënë në dispozicion dhe nuk besoj se do i vihen ndonjëherë në dispozicion opozitës. Detyrimi është i qartë që provat t’i vihen në dispozicion procesit ankimor dhe sa kohë këto prova nuk disponohen, procesi nuk mund të jetë i plotë, i qartë dhe çdo mosmarrëveshje zgjedhore nuk mund të zgjidhet në mënyrë të drejtë”, u shpreh Kaso.

“KQZ ka detyrimin të administrojë çdo që gjë që palët garuese në proces zgjedhor dhe ankimuese, nuk kanë patur mundësi ta sigurojnë dot vetë. Gjithçka që ka pretenduar PD-ja e ka të provuar dhe provat i ka të depozituara në KAS, një pjesë e të cilave janë bërë publike.

Ne kemi pretenduar që dimensioni i plotë i gjithçkaje që ka ndodhur do të publikohet dhe do të vijë në vëmendjen e publikut në tryezën e KQZ vetëm pasi të administrohet i gjithë dokumentacioni që ata refuzojnë që ta ndajnë me PD, mediat dhe aktorë të tretë”, shtoi Kaso.

Negociatat, Greqia kundër ndarjes së Shqipërisë nga Maqedonia e Veriut

10:34 Politika

VIDEO/ "Me shpatë do ju presim duart", si kërcënonte kandidati i LSI në Berat gjatë numërimit

10:18 Politika

Nazarko: Me skemën e Ramës Shqipëria është pa port, Porto Romano do jetë më keq se klasiku që është tani

09:25 Politika

Parashikimet për fundin e Izraelit

09:16 Politika

Grida Duma sulmon Imamin: Nuk e njihja por e mbrojtja më 2013 kur Rama donte ta fuste në burg! 'Kutia e Pandorës', një kapak pusete

22:25 Politika

Arben Imami: Lulzim Basha nuk na zhgënjen asnjëherë, megjithëse Edi Rama thotë se është djalë i mirë

21:54 Politika

Partia Demokratike është në pikë të hallit

21:12 Politika

PD emëron kryetar ish të dënuarin për shpërdorim detyre: E kallzoi penalisht, tani Leskaj me firmën e Bardhit e ka vartës në PD dhe ndjek procedurën e emërimit

20:56 Politika

“Kënaqësi të takoj një mik të vjetër”, Veliaj dhe Arvizu bëhen bashkë në Uashington

20:41 Politika

Koka e Bashës nuk i zgjidh hallet e opozitës, thjesht i kamuflon ato

19:52 Politika