Te fundit
Eli Fara dhe... Adem Jashari në Amerikë
24 Maj 2021, 08:52Politika
TEMA
Nga Enver Robelli
Për aq sa dihet Adem Jashari nuk ka qenë kurrë në Amerikë. Por nga sot e tutje, sipas Top Channel-it nga Tirana dhe portaleve që e kanë përhapur “lajmin”, shikuesit e lexuesit shqiptarë duhet të besojnë se Adem Jashari ka qenë në Amerikë.
Ky është titulli i lajmit të Top Channel: “Rrëfehet Eli Fara: Adem Jashari më kërkoi elegjinë për Enver Hoxhën, por…”. Portalet e kanë qëndisur këtë titull: “Eli Fara rrëfen takimin me Adem Jasharin në Amerikë: Më kërkoi t’i këndoja elegjinë për Enver Hoxhën, por me një kusht…”.
Eli Fara nuk e jep asnjë dëshmi se e ka takuar Adem Jasharin në Amerikë. Ajo krejt historinë e tregon kështu: kam kënduar në një restorant në Amerikë, viti 1996, në rendin e parë ishte një person që më thanë se e adhuron muzikën time, pastaj unë pyeta kush ishte, më thanë “quhet Jashar”.
Dhe ky “Jashar”, të cilit Eli Fara nuk ia përmend emrin, i paskësh kërkuar këngëtares nga Korça të këndojë “elegjinë për Enver Oxhën” (Hoxhën).
Eli Fara thotë se këtë elegji (apo këngë) e ka kënduar më 1985 pas vdekjes (së Enver Hoxhës) dhe, sipas saj, ka qenë një këngë “shumë, shumë e bukur”. Kështu, me lehtësi, kthehet Enver Hoxha në studiot televizive shqiptare, jo si diktator, por si hero i këngës, vendit dhe kuvendit.
Në vitin 2021! Dhe për ta bërë më “atraktiv” diktatorin shpiket një “Jashar”, i cili nga mediat shndërrohet në Adem Jashar. Hajde tash një grumbull klikimesh, kush bëhet merak për verifikimin e lajmit. Mjafton që Eli Fara e ka thënë. Një lajm që tingëllon si i dalë nga perandoria e fantazisë.
Përralla e Eli Farës vazhdon: ajo thotë se nuk mund ta kuptonte këtë “Jasharin” që e pëlqente këngën për Enver Hoxhën, ndërsa kishte qenë në burg në kohën e “monizmit”. Nga ligjërimi i saj nuk merret vesh ku ka qenë në burg “Jashari” – në Shqipëri apo në Jugosllavi.
Thotë se “Jashari” i paskësh kërkuar ta këndojë këngën por ta heq atë strofën për Enver Hoxhën. Qe edhe një bonus nga përralla e Eli Farës që u bë lajm nacional: ajo tha se ky “Jashari” (pra, Adem Jashari) i paskësh thënë Eli Farës se: “Kam bërë shtatë aksidente dhe të shtatat i kam bërë me CD-në tënde në makinë”.
Paramendojeni Adem Jasharin duke e humbur kontrollin mbi veturë sepse e kanë entuziazmuar së tepërmi këngët si “Sa të deshte lalka ty”, “Kur nata Korçën e mbulon…”, “Qeraxhi i Grebenesë”, “Eja në prehër”, “As e vogël, as e madhe”.
Paramendojeni Adem Jasharin jo duke dëgjuar këngë me çifteli për Azem Bejtën, por këngë dehëse nga tavernat e Korçës – dhe këtë ai e paskësh bërë në vitin 1996, në Amerikë. Atje madje paska ndërhyrë edhe në redaktimin e një kënge të Eli Farës.
Për aq sa dihet dhe në bazë të dëshmive të bashkëkohësve dhe atyre që e kanë njohur Adem Jasharin në vitet 90-të: në vitin 1996 Adem Jashari tashmë ishte kthyer nga Shqipëria në Kosovë dhe po merrej me organizimin e rezistencës së armatosur kundër terrorit serb. Por ndoshta ka qenë edhe në Amerikë – njëkohësisht. E ka parë Eli Fara. Ka folur me të. Dhe i ka treguar se ka bërë shtatë aksidente duke dëgjuar këngët e Eli Farës.
10 komente në “Eli Fara dhe… Adem Jashari në Amerikë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Robell ndoshta ai mund te kete qene Jashar sikunder ti Enver,ndaj nuk e kuptoj se perse je ne “kontradite”,konkurence me Top Chanelin!!!!!Ku eshte ndryshimi i Topit nga Ty ,ku te dy palet pergojoni patedrejte figure e Adem Jasharit ne dy forma te ngjashme.Shkrim per shkrim mund te beje kuzhdo,sikunder lajm per lajm nga ndonje media vizive.
Ky Robelli gjithmone ne shkrimet e tij ka nje helm te fshehur antishqiptar
Jamë i mendimit se ky Rrobelli ka qenë ndoshta ende është shrytëzusi i ndimave sociale në Zvicër kisha patur dëshirë një prononcim me fakte i tij kundër mendimit
Ka qene si :-Doni me per Belulin..Kur hyri ne mes te flakeve dhe shpetoi Belul Gjeraqinen.
Edhe Adem Jashari ne bresherine e predhave ka marre diskun e Eli Fares,e ka fshehur ne nje vend,,qe te mos demtohet.
Dava torobelli, e shqeteson Enveri, nder kosovaret e keqinj e antishqiptar. Lere Enverin, merru me Rugoven e Milloshin.
Na keni bere t’ju urrejme te t’u shohim si antishqiptare.
Kur te analizohet e te thuhet c’ka bere Enveri apo Edi per Kosoven, atehere fol sa e si te duash, tani qepe ti bashke me torobellet e tu.
O Enver, pse nuk e nderron emrin.
ske faj ti o koqe po kane gazetat shqipe qe te lejojne te shprehesh publikisht
Do ket Qene Mediihoxha
Historia eshte plotesisht e vertete. Jashari, fatkeqesisht ka ndruar jete, dhe ma ka treguar me gojen e tij kete histori. Une nuk po e publikoj mbiemrin e tij, por Jashari ishte nga Jugu i Shqiperise, i persekutuar politik, kishte bere dy here burg politik, njeri i nderuar dhe i respektuar. Kam pasur fatin te punoj me te ne USA.
Ai me ka treguar se i kerkoi kengetares ta kendonte kengen , por pa e permendur emrin e diktatorit. Kjo per hir te se vertetes.
Robelli se ka keq qe ironizon kazanin tone mediatik, qe emrin Jashar e kthen ne Adem Jashar. Po kultura jone behet e padurushme kur mbrijne komentuesit medioker dhe nisin e vjellin ndaj Robellit. Sipas mesuesit, Jashari paska qene person real po pa Ademin. Pastaj hajde ndiqi keto media, po deshe.