Yuri Kim: SHBA do ndërmarrë masa të ashpra dhe vendosë sanksione ndaj individëvë të korruptuar

Shtëpia e Bardhë i shpalli luftën kundër korrupsionit si një përparësi themelore të interesave të sigurisë kombëtare të Shteteve të Bashkuara.

Në një postim në Twitter, ambasadorja amerikane në vendin tonë Yuri Kim shprehet se SHBA do të ndërmarrë hapa të mëtejshëm për të kërkuar llogari ndaj individëve të korruptuar, organizatave kriminale dhe të tjerëve.

“Presidenti amerikan Joe Biden sot vendosi zyrtarisht luftimin e korrupsionit si një interes thelbësor i sigurisë kombëtare të SHBA.

Qeveria e SHBA-së do të ndërmarrë më shumë hapa për të kërkuar llogari ndaj individëve të korruptuar, organizatave kriminale dhe të tjerëve.

Hapat do të përfshijnë forcimin dhe ndërtimin e sanksioneve anti-korrupsion si; forcimi i veprimit të zbatimit të ligjit; dhe rritjen e mbështetjes për shoqërinë civile, mediat, organet shtetërore dhe lokale, partnerët ndërkombëtarë dhe aktorët e tjerë të mbikëqyrjes dhe llogaridhënies”, thekson ambasadorja Kim

Përmes një memorandumi presidenti Biden thotë se “administrata amerikane do të udhëheqë përpjekjet për të nxitur qeverisje të mirë, transparencë në sistemet financiare të Shteteve të Bashkuara dhe globale, si dhe për të parandaluar dhe luftuar korrupsionin brenda dhe jashtë vendit”.

Me përfshirjen e luftës anti-korrupsion në përparësitë e saj, administrata Biden angazhohet të ndërmarrë hapa të rinj për të vënë para përgjegjësisë individët e korruptuar, organizatat kriminale transnacionale dhe aktorë të tjerë të përfshirë në veprimtari të paligjshme.

“Kjo përfshin forcimin dhe ndërtimin e sanksioneve që synojnë luftë kundër korrupsionit sipas Ligjit Magnitsky dhe kompetencave të tjera të ngjashme; dhe përforcimin e masave penale ose civile, të tilla si Nisma Departamentit të Drejtësisë për Rimarrjen e Pronave të Siguruara përmes Kleptokracisë”.

Në dokument thuhet se “korrupsioni dëmton besimin e publikut, pengon qeverisjen efektive, deformon tregjet dhe qasjen e drejtë në shërbime; saboton përpjekjet për zhvillimin; kontribuon në brishtësinë e vendeve, ekstremizmin dhe migrimin kombëtar; dhe u siguron udhëheqësve autoritarë një mjet për të minuar demokracitë në të gjithë botën.”

“Kur udhëheqësit vjedhin nga shtetasit e vendeve të tyre ose oligarkët shpërfillin shtetin ligjor, ngadalësohet rritja ekonomike, thellohet pabarazia dhe bie besimi tek qeveria”, vazhdon memorandumi.

Shtëpia e Bardhë thotë se kostoja financiare e korrupsionit është marramendëse, duke gërryer 2 – 5 përqind nga prodhimi global i brendshëm bruto.

“Korrupsioni kërcënon sigurinë kombëtare të Shteteve të Bashkuara, barazinë ekonomike, përpjekjet globale kundër varfërisë dhe zhvillimit, dhe vetë demokracinë. Por duke parandaluar dhe luftuar në mënyrë efektive korrupsionin dhe duke demonstruar avantazhet e një qeverisjeje transparente dhe të përgjegjshme, ne mund të sigurojmë një avantazh kritik për Shtetet e Bashkuara dhe demokracitë e tjera”, shprehet presidenti Biden.

Memorandumi u kërkon agjencive kryesore të administratës që të koordinojnë dhe të mbështesin përpjekjet e anti-korrupsionit, të luftojnë financimet e paligjshme, të vënë aktorët e korruptuar para përgjegjësisë, të ndërtojnë partneritete ndërkombëtare dhe të përmirësojnë ndihmën e huaj.

Dokumenti thotë se kjo gjithashtu nënkupton rritjen e mbështetjes për forcimin e aftësive të shoqërisë civile, medias, organeve shtetërore dhe lokale, partnerëve ndërkombëtarë dhe aktorëve të tjerë të mbikëqyrjes dhe llogaridhënies.

“Korrupsioni shkatërron demokracinë nga brenda dhe gjithnjë e më shumë përdoret si instrument nga shtetet autoritare për të minuar institucionet demokratike”, thuhet në dokument.

Administrata amerikane angazhohet “të godasë parajsat fiskale dhe financimet e paligjshme, që kontribuojnë në pabarazinë e të ardhurave, financimin e terrorizmit dhe rrisin ndikimin e huaj keqdashës”, thuhet në dokument.

Bujar Nishani: Basha s’më heq dot nga PD, tani na tregon përralla e thotë se do rrëzoj Ramën në shtator. Unë jam për betejë, për luftë

21:55 Politika

Mustafa Nano: Më shqetësojnë këto vizitat e shpeshta të Ramës në Turqi

21:45 Politika

“Brenda bandave", Artan Hoxha zbulon hartën e kuqe: Arsyet e vrasjeve në Vlorë, Elbasan dhe Shkodër

21:05 Politika

Një PD për Malajzinë

20:34 Politika

Edith Harxhi rrëzon Bashën: Zgjedhjet e 25 prillit i fitoi PS dhe nuk janë vjedhur, ato i kanë njohur edhe ndërkombëtarët

20:23 Politika

Frazeologjia proletare e ish-regjimit te PD: Basha, sërish me “ballin lart”

20:12 Politika

Diskreditimi amerikan i Sali Berishës dhe si po sillet PD

20:00 Politika

Pas Agron Shehajt, edhe Fatbardh Kadilli takon ambasadoren Yuri Kim (asnjë fjalë pë Berishën)

19:30 Politika

Portali i familjes Berisha sulmon Yuri Kim: Marrëdhëniet e saj me shqiptarët janë tronditur, i duhen këshilltarë më të mirë

18:58 Politika

Bardh Kadilli kritika Bashës: S’largohet qeveria duke thirrur ‘Rama ik’

18:26 Politika