Parodia e “Turit të Kontestimit” të Lulzim Bashës: Nga KAS, te Kolegji, ja skandalet e “juristëve” të PD

Nga Ylli Pata

Lulzim Basha, pasi konsumoi “fitoren e madhe” apo edhe “fitoren brenda në kuti”, deklaroi se PD do të ndërmarrë “turin e kontestimit” të 25 prillit, për të mbledhur dhe demonstruar provat e “masakrës zgjedhore”.

Në publik, PD nuk ka publikuar asnjë provë, asnjë alibi, asnjë të dhënë që të arrijë në një qasje, ku dikush qoftë edhe brenda opozitës, të mendojë se Lulzim Basha mund të ketë humbur ndonjë mandat zgjedhor.

I ashtuquajturi “turi i kontestimit” nuk u krye asnjëherë, por edhe në institucione, siç është Komisioni Qendror i Zgjedhjeve, argumentet e PD-së kanë qenë skandaloze dhe të pambështetura.

Gazeta “TemA” ka siguruar një përmbledhje të arsyetimeve të KAS mbi rrëzimet e ankimimeve të PD-së.

Në këto argumente, KAS në mënyrë të qartë bën të ditur se për të shpallur të pavlefshëm një proces në një qendër, në një KZAZ apo në një qark, duhet të plotësohen kushte të përcaktuara ligjërisht.

E këtu, KAS sjell ndërmend nenin 160 të Kodit Zgjedhor i cili përcakton si shkaqe për shpalljen e pavlefshmërisë së zgjedhjeve:

“a)shkelje të ligjit, të cilat kanë cënuar rëndë procesin zgjedhor ose tërësi shkeljesh të ligjit, të cilat mund të kenë cënuar procesin zgjedhor në një masë të tillë, që mund të ketë ndikuar në ndarjen e mandateve në zonën zgjedhore;

b)fatkeqësi natyrore në përmasa të tilla, që kanë penguar pjesëmarrjen e zgjedhësve në votim; ose

c) mosfillim i votimit apo pezullim i tij për më shumë se pesë orë”.

Ndërkaq, nga ana tjetër, KAS, duke ju referuar argumentit për votat e pavlefshme thekson se numri i përgjithshëm i tyre në një qark, nuk prek apo ndikon në ndarjen e mandateve. Shpjeguar thjeshtë: Numri i votave të pavlefshme nuk e plotëson numrin e duhur të votave që suhet për një mandat deputeti në qark.

Sipas pikës 2 të nenit 161 të Kodit Zgjedhor: “ndikim në ndarjen e mandateve për zgjedhjet në Kuvend (do të kemi) kur numri i zgjedhëse, që kanë votuar apo mund të kishin votuar në qendrën apo qendrat e votimit të shpallura të pavlefshme, është i barabartë ose më i madh se numri i zgjedhësve të nevojshëm për caktimin e një mandati në zonën zgjedhore përkatëse, mbi bazën e përllogaritjes…”sipas formulës d’Hond të nenit 162.

Pra me fjalë të thjeshta, asnjë argument i ngritur nga opozita, nuk mundet që t’i rrëzojë votimet e 25 prillit në 12 qarqe. Kjo pasi zgjedhjet deri në mbyllje kanë qenë normal, numërimi ka qenë normal e administrimi po ashtu. Dhe në të gjitha këto hapa, “noterë” janë komisionerët e opozitës që kanë firmosur procesverbalet. E ky është thelbi i Marrëveshjes së 5 Qershorit, pasi Basha kërkoi që zgjedhjet të administrohen nga komisionerët partiakë. E këto të fundit kanë vulosur “OK”.

Ndërkaq, përveç parodisë së kontestimit, çka KAS e shpjegon në mënyrë të qartë gje ligjërisht të blinduar, PD-ja edhe në objektin e kontestimit ligjor që bën në Kolegjin Zgjedhor, ka ndjekur një nonsens total juridik.

Kështu, PD ka kërkuar që nga procesi të përjashtohen 7 anëtarë të Kolegjit Zgjedhor, për të gjitha paditë në qarqe, kur i gjithë ky institucion ka gjhithsej 8 gjyqtarë. Edhe një avokat krejt fillestar që do të informohej për procesin që ka përballë, nuk do të kishte bërë këto gafa që i kanë firmosur, “konstuticionalistët” e Bashës.

Por thelbi është se nuk se intereson as logjika, apo argumenti ligjor. Thjesht PD kërkon ta lërgojë sa më larg “këtë top” deri më 13 qershor. Më pas? “Avazi ndryshon”. Siç ka ndodhur gjithmonë!

TemA  

Kush është Soros-i, ky ‘përbindësh i pandëshkuar’ që financon Partinë Demokratike dhe lufton komunizmin

17:31 Politika

Djali i Sali Lushajt braktis Bashën, mbështetje për Agron Shehajn: Të priftë e mbara

16:18 Politika

Balluku takon ministrin hungarez Palkovics: Rritje të bashkëpunimit me fokus energjinë. Interesi i investitorëve hungarezë mjaft i lartë

16:09 Politika

Gaz Bardhi thyen statutin e PD, del hapur në mbështetje të Bashës: Nuk i mbështes tri kandidatët e tjerë se e kanë pranuar humbjen, ne kemi fituar thellë

15:11 Politika

Zgjedhjet brenda PD-së: Vetëvendosje i vjen në ndihmë Bashës, Albin Kurti sjell në Tiranë bashkëpuntorin më të ngushtë

14:10 Politika

Vizita në Hungari, Rama: Bashkëpunim bilateral në ekonomi, shëndetësi, arsim dhe për ecurinë e integrimit europian

12:30 Politika

Gazeta e Nikoll Lesit: Rama punon me këshilltarë e bashkëpunëtorë dhe jo si këta që na shohin si shërbëtorë. Do u hedhë ndonjë kockë ketyre te PD, se kane mbi tetë vite pa bukë e mish

12:01 Politika

Lulëzim Basha "jeta në rrenë" dhe Zëri i Amerikës

11:39 Politika

Rama vizitë në Hungari e Bullgari, më pas kthehet në Tiranë për shkarkimin e Metës

11:26 Politika

Fatos Lubonja: Këtë vend mund ta shpëtojë vetëm PD dhe LSI, ndryshe do i vihet flaka si më ’97-n. S’më dëgjuan më 25 prill

11:12 Politika