DETAJET/ Masakra për shezlongët në Velipojë: Policia arreston 2 të plagosurit dhe shpall në kërkim 3 të tjerë

Forcat e rendit kanë arrestuar në flagrancë dy nga të plagosurit e ngjarjes së rëndë të ndodhur gjatë natës së djeshme në Velipojë, ku si pasojë e një konflikti për të drejtën e hapësirës ranore pranë hoteleve të tyre u vranë 4 persona.

Bëhet fjalë për Hasan Ferracakun (Verracakun), 54 vjeç,  lindur në fshatin Trush dhe banues në fshatin Pulaj, Velipojë, si dhe nipi i tij shtetasi Elmilind Dyli, 17 vjeç, lindur e banues në fshatin Guri i Zi, bashkia Shkodër.

Informacion zyrtar nga Policia Shkodër:

Në vijim të veprimeve hetimore të kryera grupi i posaçëm hetimor, për zbardhjen e ngjarjes së ndodhur rreth orës 00:30, në Pulaj Plazh, Velipojë, ku si pasojë e një konflikti të çastit mbetën të vrarë me armë zjarri 4 shtetas dhe u plagosën 2 të tjerë, bazuar në provat e grumbulluara u arrestuan në flagrancë shtetasit:

H. V., 54 vjeç, lindur në fshatin Trush dhe banues në fshatin Pulaj, Velipojë, si dhe nipi i tij shtetasi E. D., 17 vjeç, lindur e banues në fshatin Guri i Zi, bashkia Shkodër, të cilët janë në Spitalin e Traumës në Tiranë, të dyshuar për kryerjen e veprave penale “Vrasja në rrethana të tjera cilësuese, kundër dy ose më shumë personave” dhe “Prodhimi dhe mbajtja pa leje e armëve luftarake dhe municionit”, në bashkëpunim.

Gjithashtu janë shpallur në kërkim shtetasit A. V., Sh. V. dhe B. V., vëllezër, banues në fshatin Pulaj, Velipojë, bashkia Shkodër, të dyshuar si bashkautorë në këtë ngjarje, për kryerjen e veprave penale “Vrasja në rrethana të tjera cilësuese, kundër dy ose më shumë personave” dhe “Prodhimi dhe mbajtja pa leje e armëve luftarake dhe municionit”, në bashkëpunim.

Në cilësinë e provës materiale janë sekuestruar dy armë zjarri pistoleta, njëra prej të cilave u gjet në vendngjarje, ndërsa tjetra u gjet gjatë kontrollit në hotelin e familjes Gocaj.

Grupi hetimor, nën drejtimin e Prokurorisë, vijon punën për zbardhjen e plotë të rrethanave të ngjarjes, identifikimin dhe kapjen e personave të tjerë të përfshirë në konfliktin me armë.

Materialet procedurale do t’i kalojnë Prokurorisë së Rrethit Gjyqësor Shkodër, për veprime të mëtejshme.

Kalon me semafor të kuq te “21 Dhjetori”, aksidenton një këmbësore dhe 2 mjete: Po çoja një të sëmurë në spital

16:25 Kronika

Aksidenti me 4 viktima në Vlorë, Gjykata lë në burg 22-vjeçarin që drejtonte “Audin”

12:02 Kronika

Masakra në Velipojë: Shpallen në kërkim dy persona, 20 të shoqëruar, dyshohet se u përdorën 6 armë

11:30 Kronika

Hotelet i ndanin vetëm 50 metra, detaje të reja nga masakra në Velipojë: Shoqërohen në polici anëtarë të dy familjeve Ferracaku dhe Gocaj

09:53 Kronika

Pronarë hotelesh dhe punëtor, zbulohen emrat e viktimave të masakrës së Velipojës

09:46 Kronika

Mbeti i vrarë pas përplasjeve me armë në Velipojë, kush është 25-vjeçari Xhovan Gocaj

09:26 Kronika

DETAJET: Para tre vitesh i ekzekutuan djalin mbi kalë/ Masakra me katër të vdekur në Shkodër, kush ishte biznesmeni që mbeti i vrarë

09:19 Kronika

Turisti largohet nga hoteli në Velipojë: Krisma kallashi gjithë natën, ky është tmerr

09:20 Kronika

Masakra me 4 të vrarë e 2 të plagosur në Shkodër, drejtori i Policisë: Konflikti për hapësirat në plazh, është qëlluar me më shumë se një armë. Shumë shpejt do kemi të arrestuar

09:03 Kronika

U njohën në Facebook, shqiptarët përdhunojnë për tre ditë 19-vjeçaren në Athinë dhe më pas u nisën me pushime në Mykonos

20:30 Kronika