Te fundit
Po Lulzim, është e vërtetë: Peshku qelbet nga koka!
11 Korrik 2021, 17:07Blog
TEMA
Nga Alfred Peza
Nga atje ku është duke larguar vapën e madhe të kësaj vere, Lulzim Basha rri që rri kot si gjithmonë, ka nisur tia këpusi herë pas here ndonjë postimi në rrjetet e tij sociale. E përbashkëta e tyre është bërë mbyllja, me një shprehje të vjetër popullore, të cilën me sa duket ai vetë e ka mësuar tani vonë.
“Peshku qelbet nga koka”,- është refreni, me të cilën ka nisur ti mbyll postimet Lulzim Basha. E përdori atë kur u mor vendimi i Gjykatës Kushtetuese, për çështjen e godinës së Teatrit Kombëtar. Apo kur SPAK kërkoi arrestimin e Kryetarit të Bashkisë së Lushnjes dhe zyrtarëve të tjerë lokalë atje. E më pas edhe për arrestimin e zyrtarëve të Ministrisë së Brendëshme, të akuzuar për çështjen e tenderit të uniformave të policisë.
Me siguri që do ta përdori, edhe në rastet e tjera që mund të ndodhin në vijim, por vetëm atëherë kur bëhet fjalë për zyrtarë apo “ish”-a të kësaj mazhorance. A thua se temat që janë objekt i punës së drejtësia si; abuzimi me postin, me pushtetin, korrupsioni, keqpërdorimi i fondeve publike, buxhetit të shtetit, taksave të qytetarëve, etj., janë çështje të majta. Janë çështje qeverie. E për rrjedhojë, opozita gëzoka apriori të drejtën ekskluzive, për të akuzuar për to kolektivisht kundërshtarët politikë, e jo përgjegjësitë juridike të të akuzuarve konkretë.
Ka dy qasje të pështira, në kulturën e të bërit opozitë në Shqipëri, kur vjen puna tek raporti me drejtësinë në përgjithësi dhe institucionet e reja të drejtësisë në veçanti:
E para, tani që SPAK po demonstron vullnet konkret për të goditur krimin pa parë ngjyrat e partive por vetëm provat e veta juridike, opozitarët po mundohen ta banalizojnë me çdo kusht, çmontimin e shpejtë që po i bëhet kulturës së deridjeshme të pandëshkueshmërisë. Duke i quajtur të gjithë të akuzuarit e të arrestuarit, sado lart në hierarkinë e shtetit e pushtetit, thjeshë ca “peshq të vegjël”.
E dyta, kur të goditurit dhe të shënjestruarit nga SHBA e deri tek SPAK, janë pjesë e opozitës dhe ish pushtetarë të saj, atëherë ata kanë gati akuzën e një drejtësie selektive që synon ruajtjen e stabiliteti në dëm të demokracisë në Shqipëri. Pra për ta, nëse Departamenti i Shtetit godet një socialist kjo është OK, por nëse në listën e zezë është një opozitar, atëherë kjo është e keqe dhe e dëmshme për vendin tonë.
Lulzim Basha është bartësi kryesor i kësaj kulture të të parit të gjërave me dy standarde të kundërta, kur vjen puna tek ndëshkueshmëria. Ndaj kushdo që goditet në Shqipëri, për Kryetarin e PD nuk mjafton. Për të dhe opozitarët e tjerë gjithçka do ishte në rregull vetëm në një rast: Nëse i godituri, ai akuzuari, i shpalluri “non grata”, i futuri në listën e zezë të SHBA, do të ishte vetëm ai e kush tjetër: Edi Rama!
Përderisa i godituri nuk është kundërshtari kryesor i Lulzim Bashës dhe zhbërësi i ëndrrave me pushtet i opozitarëve të tjerë si ai, i vetmi ngushëllim mbetet që të thonë: Peshku qelbet nga koka!
Sigurisht që “peshku qelbet nga koka” Lulzim. Ndaj SHBA e kanë akuzuar babain tënd politik Sali Berisha si “të përfshirë në korrupsion të rëndësishëm”.
Sigurisht që “peshku qelbet nga koka” Lulzim. Ndaj Departamenti Amerikan i Shtetit e ka akuzuar liderin tënd historik si “të përfshirë në veprime korruptive, të tilla si shpërdorim i fondeve publike dhe ndërhyrje në proceset publike, duke përfshirë përdorimin e pushtetit për përfitimet e tij dhe për të pasuruar aleatët e tij politikë dhe anëtarët e familjes së tij në shpenzimet e besimit të publikut shqiptar në institucionet e tyre qeveritare dhe zyrtarët publikë”.
Po Lulzim, është e vërtetë: Peshku qelbet nga koka! Ndaj Antony Blinken thotë për paraardhësin tënd në krye të PD dhe garantin e qëndrimit tënd akoma aty, se “retorika e tij (Sali Berishës) tregon se ai është i gatshëm të mbrojë veten, anëtarët e familijes dhe aletatet e tij politik në kurriz të hetimeve të pavarura, përpjekjeve antikorrupsion dhe masave të përgjegjësisë”.
Po Lulzim, po. Peshku qelbet nga koka. Ndaj DASH thotë se “do të vazhdojë të përdorë autoritetin për të promovuar përgjegjësinë për aktorët e korruptuar në këtë rajon” si Sali Berisha.
A quhesh peshk i madh nëse ke qenë për 30 vjet me radhë Kryetar i PD, President, Kryeministër dhe lider real i opozitës në Shqipëri? Po kokë peshku, a quhesh Lulzim, nëse e ke emrin Sali Berisha?!
5 komente në “Po Lulzim, është e vërtetë: Peshku qelbet nga koka!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Nje shkrim brilant.
Te vertet qe i duhen thene Lulushkes ne sy!
E gjith tufa e peshqeve Berisha , Meta , Basha Mona lukunia qe u shkone mbrapa , ska ku shkon me te qelbur .Landfili REC i pret ti djegi ne krematoium qe te mos infektoje popullin .Welbesira
Kafshojme bishtin, kur kerkojme ti mbushim mendjen pa reshtur nje tru peshku. Tani, pas gati 20 vjetesh kur edhe me fanatiku pedeist eshte i bindur qe ne krye te partise se tyre, tragjedia e politikes, i ka ndeshkuar dhe poshteruar me nje tru peshk. Nje teveqel i tille i sodomizuar, nuk habit askend me parafabrikatet infantile qe poston, ku edhe vete ai, L.B, eshte ne nje mendje me te gjithe shqiptaret kur mendojne per te, qe nuk eshte koke por kukull.
Historia e ka thirrur ne apel me jashteqitjen e Vicidolit, por trangulli pa fara, nga rehatia e shezllongeve te plazhit, keput ndonje kumbull ne internet dhe mendon se eshte ne rregull, a thua se nuk eshte lekura e tij, ne kete bast te rrezikshem.
Ky idjot akoma nuk po e kupton, se historia e tij mbaron me Sali kermen. Dhe se zgjedhja qe eshte i detyruar te beje tani, percakton vetem llojin e fundit te tij; osé ne te njejtin arkivol me baglen e Vicidolit, osé ne rehatine e harreses ne Holande.
Deri tani i ka pare hajrin budallallekut, si bagla e Vicidolit terbimit, por llogaria e fundit eshte aq e kripur, sa nuk ja vlejne miljonat, pushteti dhe luksi ku kane notuar ne dekada.
Ky lloj teveqeli nuk eshte ne gjendje te luftoje as per karrigen qe ja kane dhuruar duke e mbajtur peng dhe as per fundin e tij, qe po vjen si rrenim i tmerrshem.
Pret tja nxjerrin geshtenjat, duart e te tjereve; tutoret Vicidolas, pengmbajtesit, Rama, kunati, ambasadat…
po o zoti luli ishalla fillon nga saliu ju ilir mete e me radhe
Ai nuk e tot kot e ka provuar se kur ka qene ne krye ka qene “Koke e Kembe i qelbur”. por si i tille duhet ta di se prandaj populli si “peshk te qelbur
kok e kembe e ka hedhur ne plra dhe prandaj nuk mund te rigjenerohet dhe kur nuk fiton e ska per te fituar zgjedhje,
Populli e di se Basha eshte kok e kembe i qelbur , kundermon. dhe zgjedhesit si afrohen perseri nje mostre te qelbur.