Te fundit
Doli e para në konkursin e Akademisë së Policisë, nuk e pranojnë me arsyen: Nuk je e besueshme
12 Korrik 2021, 21:10Kronika
TEMA
Në muajin Mars të këtij viti në emisionin “Stop” është publikuar rasti i një vajze nga Kukësi, e cila në Shtator të vitit të shkuar ka konkurruar për t’u bërë pjesë e Akademisë së Sigurisë në Tiranë.
Ajo fitoi të trija fazat e konkurrimit, madje duke dalë e para në renditje, por nuk u lajmërua si fituese nga Drejtoria Vendore e Policisë së Kukësit.
“Në të tri fazat kam dalë shumë mirë, me rezultate shumë të mira. Kjo është konfirmuar edhe nga drejtori i policisë që unë jam fituese, e vetmja dhe e para në Qarkun e Kukësit. Kur erdhi momenti që të lajmërohen konkurrentët për vazhdimin e shkollës, unë nuk jam lajmëruar. Nuk e di për çfarë arsyeje, nuk e di se kush mund ta ketë blerë vendin tim.
Këtu kështu funksion, dikush mund të ketë dhënë lekë dhe janë detyruar të marrin atë dhe të më heqin mua që i kam marrë të gjitha provimet me forcat e mia, pa asnjë ndërhyrje. Kjo është arsyeja pse iu drejtova Stop-it. Duke parë që askush nuk po më jep përgjigje, zgjidhje, mendova që më mirë t’ju drejtohem ju pasi keni zgjidhur shumë probleme. Doja ta bëja publike këtë rast pasi nuk është fare e drejtë”, ka qenë kjo dëshmia e denoncueses.
Një ditë pas transmetimit në “Stop” vajzës denoncuese i shkon shkresa, se ajo nuk plotëson kriterin e besueshmërisë, por sërish nuk i janë dhënë shpjegime pse ajo nuk është e besueshme për të qenë pjesë e Policisë së Shtetit.
Lidhur me këtë emisionin “Stop” iu drejtua me shkresë zyrtare te institucioneve, Ministrisë së Brendshme, Policisë së Shtetit dhe Shërbimin për Çështjet e Brendshme dhe Ankesat.
Nga këto institucione, vetëm dy kthyen përgjigje dhe thuhet se skualifikimi është bërë për shkak të nenit 139 të rregullores, që do të thotë se nuk është pranuar se dyshohet se ajo ose familjarët e saj mund të kenë probleme me ligjin.
Emisioni “Stop” lidhur me këtë rast ka pyetur, Erzen Breçanin, ish-zyrtar i Policisë së Shtetit, i cili shprehet se policia mund të bëjë verifikime në fillim dhe pastaj kandidatët të futen në konkurrim, për shmangur situata të tilla.
“Për mendimin tim procedurat e testimit duhet të jenë me format tjetër. Në fillim duhet të bërë verifikimi i figurës së aplikantit, dhe jo të vazhdojë testimin me shkrim dhe me gojë dhe në fund të thuhet që nuk je e besueshme. Në fillim duhet të jetë verifikimi dhe kontrollimi mjekësor dhe më pas të gjithë të tjerat“, shprehet Breçani.
5 komente në “Doli e para në konkursin e Akademisë së Policisë, nuk e pranojnë me arsyen: Nuk je e besueshme”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Kane zbuluar se je agjentja saliut spiuni dixhital.
Ke paskeni pyetur dhe ju, Brecanin… cberi me djalin Brecani junior, do i shpetoi burgut? Jep dhe mendime ai qe policia te beji verifikime paraprakisht! Po pra, nga 2000 aplikime, dhe 200 fitues (prsh.) sipas ketij “eksperti” duhet qe policia te beje 2000 verifikime paraprake! Kulmi dmth. Duket qe ky rrinte kot dhe merrte miliona ndryshe. Se si mund te flasesh me kete gjuhe, ky e di.
Megjithëse ky bremuti ka të drejtë, sepse siç thotë ai duhet vepruar, unë do ti sugjeroja emisionit STOP që ka policë të tjerë sa të duash ku ata mund të marrin mendim, sepse ky njeri mund të japi mendime të drejta por vepron komplet ndryshe kur bëhet fjalë që ligjin e ka thyer dhe i biri që i këputi këmbën qytetares dhe i bëri presion me kallash dhe para që të mos ankohesh për të birin por të thosh që ajo ish fajtore dhe se kopuku i këtij Breçanit s’kishte faj fare.
Policia e shtetit nuk eshte vend i shenjte ku mund te futet kushdo. Per mendimin tim stop fut hundet kot dhe pa asnje pergjegjesi ne te tilla pune. Me vjen keq per vajzen, por kur i ploteson kushtet nuk mund te vazhdoje shkollen. Mendimet e vajzes duken qarte qe ne fillim te letres ku thote se i kane shitur vendin e saj, etj. Me keto mendime ajo nuk mund te jete punonjese e shtetit, duke akuzuar te tjeret pa asnje baze, bile sigurisht per te mbuluar fajet e saj. Atehere si do te me sherbeje mua si qytetar kjo ne te ardhmen. Stop te mos promovoje figura te tilla por te zgjedhi me te miret per ti mbrojur ne keto raste. Mendimi i brecanit ne keto raste eshte zero, per te mos thene qe jep efektin e kundert.
Ky tpergjigjet i here per cunin e vet pastaj tjapi men. Pastaj ceshte kjo rregullore qe dyshon per probleme me ligjin?! Probleme me ligjin o ke o ske.