Te fundit
SHIFRAT: Tregtia me Italinë, në krye të eksporteve dhe importeve shqiptare
29 Korrik 2021, 21:15Ekonomia
TEMA
Italia është vendi prej dhe drejt të cilit Shqipëria ka kryer më shumë shkëmbime mallrash në 6 muajt e parë të këtij viti. Sipas të dhënave nga Instituti i Statistikave, eksportet e mallrave “Made in Albania” drejt Italisë arritën vlerën e më shumë se 75 miliardë lekëve, 18,2 miliardë më shumë se në të njëjtin hark kohor të vitit të shkuar.
Në të njëjtin trend pozitiv u paraqitën edhe importet të cilat arritën nivelin e 91,4 miliardë lekëve 25.4 miliardë më shumë se në të njëjtin hark kohor të vitit të shkuar.
“Rritja gjatë vitit 2020, të cilës ju i referoheni është një tregues i rëndësishëm që tregon ringritje. Gjatë vitit të shkuar shkëmbimet thuajse u ndaluan, pra është normale një rigjallërim në shifra dyshifrore përqindjeje i shkëmbimeve të mallrave. Fakti që vendi partner kryesor në shkëmbimin e mallrave me Shqipërinë është Italia na jep më shumë shpresë për rritje të mëtejshme, por kjo rritje duhet të mbështet nga politika fiskale dhe ekonomike koherente”, shpjegon Antonio Nidoli, President i Dhomës Italiane të Tregtisë.
Teksa marrëdhëniet tregtare mes Shqipërisë dhe Italisë fqinje sa vijnë e forcohen vit pas viti, Presidenti i Dhomës Italiane të Tregtisë, Antonio Nidoli rekomandon mbrojtjen e investimeve ekzistuese, për të tërhequr më pas ndërmarrje të reja.
“Është e nevojshme të kuptohen drejtimet e dinamikave të reja të zhvillimit ekonomik dhe të gjendet formula e duhur për të tërhequr investime të reja. Duhet gjithashtu të garantohen, mbrohen dhe zhvillohen ato që tashmë janë aktive në Shqipëri pasi mbeten shumë të rëndësishme për një vend të vogël si ky. Ajo që na intereson edhe ne si Dhomë, dhe që jemi duke kërkuar ta arrijmë me institucionet shqiptare është të garantojmë mbrojtjen e ndërmarrjeve ekzistuese pasi është e vërtetë, madje është shumë e rëndësishme të tërheqim investime të reja, por duhet gjithashtu të mbrojmë ato ekzistuese pasi nëse largohen ato që janë tashmë, pastaj bëhet e vështirë për të bindur të tjerë të rinj që të vijnë.”
Edhe një vit më parë ku kriza e pandemisë dha efekte të konsiderueshme në tregti, drejt Italisë u eksportuan 123.5 miliardë lekë mallra. Tekstilet dhe këpucët janë edhe produktet kryesore që kanë destinacion vendin fqinj, që me gjithë goditjen duket se i janë rikthyer rritjes edhe pse me ritme më të ngadalta se grupet e tjera.
2 komente në “SHIFRAT: Tregtia me Italinë, në krye të eksporteve dhe importeve shqiptare”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Rritje malli me fasonet qe prodhojne kepuce.Edhe keta grupe prodhimi jane private,ku fuqia puntore numerohet me kokrra ,sepse ndryshohe puntoret per efektet e oreve te punes se tejzgjatur ,dhe pa asnje te drejte .Pervec kepuceve qe prodhohen ,dhe gjerave artizanale artistike ,c’fare uzine ,apo fabrike keni ndertuar,pervece asaje fabrike te birres ekzistuse qe nuke u shkaterrua ,pore e mori privati.Perse nuke permenden tipat e mallrave te eksportit nga shqiperia per ne itali??????APO e quani malle kompanite e xhestoreve te telekomunikacionit ,apo eksportin e kanabisit?????perse nuke permendeni importin e millit te bukes mbase periudhes se tranzicionit,ku SHqiperise nuke i mungojne fushat ,dhe uji per te prodhuar dritherat bujqesore?????Cili eshte ky gazetare more Mero qe shkruan te tille artikuj ne kete gazete???keni 30 vite qe fluturoni me preshe ne bythe ,edhe se populli jetone me asistencen ,apo me rrogat e pensionisteve.Ne ate vende ku karrocat me kale ecin mese bulevardit ,dhe makinat ne rruget me zhavorre. Shikoni zhvillimet ne zonat rurale ,ku nuke shkohet ase me gomere ,edhe se kane risorset te medhaja per ti shfrytezuar ,qe u mungojne dritat ,rruget ,dhe makineri te punes.
Mir dakorte ,po kush ma thote pse policia e portit te BRINDIZIT jan bere sikur i kaq kafshuar qeni i terbuar?.