Te fundit
Alarmi i OKB për luftën në Afganistan: 27 fëmijë janë vrarë në 3 ditë
10 Gusht 2021, 08:58Bota
TEMA
Të paktën 27 fëmijë janë vrarë në Afganistan në tri ditë mes luftimeve të ashpra mes talebanëve dhe forcave qeveritare. Alarmi është dhënë nga Agjencia e Kombeve të Bashkuara për fëmijët. UNICEF deklaroi se ishte tronditur nga përshkallëzimi i shpejtë i shkeljeve të rënda kundër fëmijëve.
Talebanët kanë bërë përparime të mëdha në të gjithë vendin ndërsa trupat e huaja tërhiqen, duke marrë të paktën gjashtë kryeqytete rajonale që nga e premtja.
Ata kanë refuzuar thirrjet ndërkombëtare për armëpushim. Më shumë se 1.000 civilë janë vrarë si rezultat i konfliktit në muajin e kaluar. Në një deklaratë të hënën, Unicef tha se mizoritë që po kryheshin ndaj fëmijëve po rriteshin “nga dita në ditë”.
27 viktimat u regjistruan në tre provinca; Kandahar, Khost dhe Paktia. Rreth 136 fëmijë u plagosën gjithashtu në këto zona gjatë tre ditëve të fundit, tha Unicef.
Fëmijët janë vrarë dhe plagosur nga bombat në rrugë dhe nga zjarri. Një nënë i tha grupit se familja e saj ishte në gjumë gjatë fundjavës kur shtëpia e tyre u godit nga fragmente, të cilat filluan një zjarr dhe lanë djalin e saj 10-vjeçar me “djegie të tmerrshme”. Shumë fëmijë gjithashtu flenë jashtë pasi ikin nga shtëpitë e tyre.
UNICEF u ka bërë thirrje të gjitha palëve të sigurojnë mbrojtje për fëmijët.
Dhuna është përshkallëzuar në të gjithë Afganistanin pas tërheqjes së forcave të udhëhequra nga SHBA, pas 20 vitesh operacionesh ushtarake.
1 komente në “Alarmi i OKB për luftën në Afganistan: 27 fëmijë janë vrarë në 3 ditë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
terheqja e trupave nderkombetare pa shfarosur deri edhe talebanin e fundit, eshte gabim i madh e do t’u kushtoje shume here me shtrenjte