Te fundit
Tri argumenta, për të bindur kundërshtarët e vaksinimit
25 Gusht 2021, 09:12Politika
TEMA
Nga Carlo Alberto Carnevale-Maffè
Argumenti i parë lidhet me analizën kosto-përfitim. Një trajtim me vaksinë kushton disa dhjetëra euro. Trajtimi i një rasti të rëndë të Covid-19 kushton disa dhjetëra mijëra euro. Efekti paradoksal i mospranimit të detyrimit të vaksinimit, në një sistem të bazuar në një shërbim shëndetësor universal dhe në thelb falas për pacientët, është se shumica e tatimpaguesve besnikë po subvencionojnë papërgjegjshmërinë e individëve oportunistëve Anti-Vaksinë, të cilët kështu nxiten të mos vaksinohen duke menduar dhe bazuar në faktin se gjithsesi dikush tjetër do të paguajë për trajtimin e tyre. Eshtë një efekt i papranueshëm i rrezikut moral që duhet të korrigjohet, në mënyrë që të mos minojë parimin themelor të solidaritetit në sistemin shëndetësor.
Ata që nuk vaksinohen, edhe nëse nuk sëmuren menjëherë, shkaktojnë tashmë kosto të mëdha shtesë shëndetësore, në formën e reparteve speciale për pacientët me Covid dhe vendeve shtesë të kujdesit intensiv. No-Vax-ët, në fakt, u imponojnë një shtesë të padrejtë prej dhjetëra miliarda taksapaguesve, të cilët po paguajnë tashmë për një shërbim parandalimi përmes vaksinimit falas dhe lehtësisht të arritshëm.
Argumenti i dytë lidhet me eksternalitetet negative të shkaktuara nga “No vax”. Probabiliteti më i madh i infektimit, veçanërisht në kontekste kolektive, i shtyn autoritetet të vendosin kufizime për lëvizjen e lirë, të kërkojnë leje dhe të organizojnë kontrolle të kushtueshme, të kufizojnë aksesin në institucionet publike, infrastrukturat dhe transportin, duke penalizuar tej mase “efikasitetin e përgjithshëm ekonomik në mos – dhe ky është rasti i shërbimeve turistike, industrisë kulturore dhe argëtuese, shërbimeve sportive dhe personale – duke zhvendosur plotësisht qëndrueshmërinë financiare të sektorëve të tërë.
Për më tepër, për çdo infektim shtesë, kostot e pagesave sociale për karantinat e detyrueshme bien ose mbi taksapaguesit, ose mbi bizneset apo të vetëpunësuarit, duke penalizuar produktivitetin dhe vlerën e shtuar në çdo rast. Eksternalitetet negative nuk janë vetëm ekonomike, por edhe shëndetësore, edukative, sociale: mbingarkesa e strukturave shëndetësore kufizon shërbimet e disponueshme për patologji të tjera, duke zvogëluar veprimet e parandalimit dhe diagnostikimit të hershëm, me dëme të mëdha në të ardhmen për miliona pacientë ; funksionimi i çrregullt i strukturave shkollore dhe joefektiviteti relativ i mësimit në distancë kanë nxjerrë në pah vonesa të konsiderueshme arsimore tek të rinjtë, duke shkelur të drejtën kushtetuese për arsim.
Argumenti i tretë ka të bëjë me pritshmëritë ekonomike që ndikojnë në zgjedhjet e investimeve dhe konsumit. Zgjerimi i detyrimit të vaksinimit do të zvogëlonte shumë nivelin e pasigurisë në lidhje me kohën dhe modalitetet e kthimit gradual në normalitet, dhe do të eliminonte shumë nga faktorët e pasigurisë organizative, tipike në konteksteve e emergjencave: legjislacion i improvizuar dhe i pasaktë, shkarkim reciprok i përgjegjësiveë të burokracisë publike dhe private, fragmentimi i interpretimeve dhe dispozitave, me ballkanizimin relativ të tregut kombëtar të mallrave dhe shërbimeve.
Rifillimi i investimeve private dhe konsumit të mallrave të qëndrueshme është një kusht thelbësor për rikuperimin e vlerës së shtuar, të humbur me pandeminë dhe kthimin në një trajektore të qëndrueshmërisë së borxhit publik kombëtar.
Po, sepse një politike monetare hiper-akomoduese dhe pezullimi i kufizimeve të buxhetit të shtetit nuk mund të zgjasin pafundësisht, siç ka të ngjarë të ndodhë me këtë virus. Detyrimi për të vaksinuar është pra një mënyrë pragmatike për të mësuar të jetosh me Sars-Cov-2, por edhe me parimin e mungesës së burimeve.
Il Foglio
4 komente në “Tri argumenta, për të bindur kundërshtarët e vaksinimit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Nje argument nga ata qe jane kunder vaksinimit.
nje person qe ka kaluar infeksionin Covid ka rreth 20 muaj imunitet. Ky imunitet mund te jete edhe i perjetshem por ende nuk dihet pasi Covid eshte nje semundje e re e pa studiuar mire. Por ndalemi tek 20 muaj imunitet. Pfizer te siguron ne rastin me te mire 9 muaj imunitet. Perse duhet te vaksinohem ne rast se e kam kaluar Covid 8 muaj me pare?
Sepse jane imunitete ne forma te ndryshme dhe kur behen te dyja bashke jane mbrojtje me e forte dhe me afatgjate se secila vec e vec.
Padiskutim qe nje qe e ka kaluar virusin eshte me pak i rrezikshem se nje qe as nuk vaksionohet dhe as e ka kaluar, por ne cdo rast vaksinimi eshte i dobishem.
Duhet te vaksinohesh se nqs te kap covid prape mund ta kalosh me shume me pak probleme. Pse nuk degjon te tjere ani-vax qe luteshin te behet vaksinat nje dite para se te shkonin ne parajse?? Mendimi im eeshte qe ata qe nuk duan te bejne vaksinat te mos pranohen ne spitale nqs I ze covid.
Perjashto politikanet dhe aktoret qe e kan profesion aktrimin, sportistet ne pergjithesi nuk jan vaksinuar me vendosmeri te plote. Ata kuptojne diqka nga shendeti dhe nga makineria shendetesore me te gjitha deget e saje. Eshte vertetuar nga hulumtimet e shumta se te vaksinuarit prap semuren nga Covid19 edhe pa i bere 9 muaj, mandej prap jan bartes te Covid19, e poashtu shum njerez, duke perfshi edhe pleqet e plakat mbi 100 vjeqare, e kan mbijetuar semundjen Covid19 edhe pa ndihmen mjekesore. Poashtu ka pasur mjaft lajme per keqperdorime ne dhenjen e vaksinave kunder Covid19, pra ne shishe ka pasur permbajtje tjeter nga ajo qe shkruan ne etikete, e keto kan ndodhur edhe ne vendet me te zhvilluara si Gjermania. Natyra sheron vet, shum ma mire nese nuk perzihen grupet e interesit.