Agron Gjana jep dorëheqjen pasi njihet me rezultatet e vetingut

Komisioni i Pavarur i Kualifikimit ka vendosur të ndërpresë procesin e rivlerësimit për prokurorin e Durrësit, Agron Gjana pas dorëheqjes së tij, si dhe t’i ndalojë rikthimin në sistemin e drejtësisë gjatë 15 viteve të ardhshme.

Nga Edmond Hoxhaj

Prokurori i Durrësit, Agron Gjana është dorëhequr nga detyra pasi u njoh me rezultatet e hetimit administrativ të Komisionit të Pavarur të Kualifikimit, KPK në kuadër të procesit të rivlerësimit të tij. Pas vendimit të Këshillit të Lartë të Prokurorisë, KLP për mbarimin e statusit të magjistratit të prokurorit Gjana për shkak të dorëheqjes së tij, Komisioni ka vendosur të ndëpresë vetingun ndaj këtij subjekti rivlerësimi, si dhe t’i heqë të drejtën për t’u rikthyer në sistemin e drejtësisë për 15 vite.

Në vendimin e arsyetuar të KPK sqarohet se hetimi administrativ për prokurorin Gjana ka filluar më 12 nëntor të vitit 2019. Më 6 korrik, trupi gjykues i kryesuar nga Suela Zhegu, me relator Olsi Komicin dhe anëtare Genta Tafa(Bungo) ka vendosur të mbyllë hetimin kryesisht për të tria kriteret e rivlerësimit, atë të pasurisë, pastërtisë së figurës dhe profesionalizmin.

Megjithëse subjektit i janë njoftuar rezultatet e hetimit, ai nuk është paraqitur për t’u njohur me provat dhe dosjet e procedurës së rivlerësimit. Më vonë ai i ka dërguar Komisionit prapësimet e tij për disa gjetje dhe njëkohësisht ka kërkuar ndëprerjen e procesit të rivlerësimit, duke shpjeguar se kishte dorëzuar në KLP dorëheqjen nga detyra.

Gjana ka vazhduar të japë shpjegime lidhur me gjetjet e Komisionit si dhe të dorëzojë prova, duke kërkuar që ato të administrohen në dosjen e tij.

Kur KLP ka dërguar vendimin për “deklarimin e mbarimit të statusit për shkak dorëheqje të subjektit Agron Gjana” si dhe ka konfirmuar mosankimin e tij, Komisioni ka njoftuar Gjanën që të paraqitet në seancë dëgjimore për t’u dëgjuar, por ai ka refuzuar ta ushtrojë këtë të drejtë.

Të mërkurën më 1 shtator, KPK ka vendosur të deklarojë ndërprerjen e procesit të rivlerësimit kalimtar për prokurorin Agron Gjana, si dhe t’i ndalojë atij emërimin si gjyqtar ose prokuror i çdo niveli, anëtar i Këshillit të Lartë Gjyqësor ose Këshillit të Lartë të Prokurorisë, Inspektor i Lartë e Drejtësisë ose Prokuror i Përgjithshëm, për një periudhë 15-vjeçare.

Mega-operacioni “DOBRA”, Çuçi: Kemi ende shumë punë përpara, hetimet nuk do të ndalen këtu

16:10 Kronika

Zbardhen detaje: Nga dyert të elektrifikuara te shifrat marramendëse të energjisë së harxhuar, si funksiononte grupi kriminal i drogës

13:25 Kronika

Operacioni ndërkombëtar “DOBRA”, Veliu: Do investigojmë provat e aktivitetit kriminal, vetëm kështu paralizojmë krimin

11:50 Kronika

Megaoperacion Shqipëri-Spanjë kundër kanabisit. Arrestohen 107 persona, kryesisht shqiptarë

11:30 Kronika

22-vjeçari nga Senegali tenton të korruptojë policin shqiptar me 50 euro, e arrestojnë

19:39 Kronika

Mbytet në Shëngjin pushuesi nga Kosova

19:00 Kronika

Gazetarja i shkruan letër Hafizit: Fildes, fëmijët të janë rritur, janë bërë për së mbari, vrasësi jot u dënua por burrat po vrasin sërish gratë, s’po dimë t’ju mbrojmë

17:13 Kronika

“Skema për azil”: I vendosi tritol makinës së kreut të Sindikatës së Minatorëve në Bulqizë, gjykata lë në burg vëllanë e Elton Debreshit

13:42 Kronika

“Na q… nanën mor burrë, m’ke çu në burg”, sulmi me tritol në “Benz”-in e kandidatit për deputet, i inskenuar: Donin azil në Francë

12:04 Kronika

Infermieri në Korçë pranon vjedhjen e ilaçeve të pacientëve me Covid: Kam kredi dhe borxhe

10:50 Kronika