Myslim Murrizi: Berisha e Basha kanë dashur të kruhen aty ku u hante, por "lufta" e tyre është lojë. Mos u gënjeni

I ftuar në Spotlight nga Alban Dudushi, në Vizion Plus, Myslim Murrizi, kryetar i Lëvizjes Demokratike Shqiptare deklaroi lidhur me ngjarjet e ditëve të fundit se kreu i Partië Demokratike, Lulzim Basha dhe lideri historik i kësaj partie janë në një lojë të përbashkët. 

Sipas tij, të dyve iu ka interesuar loja, veprimet e të cilës gjatë 8 viteve udhëheqje të Lulzim Bashës, t’i fshihnin pas njëri-tjetrit.

“Ato kanë 16 vjet që njihen me njëri-tjetrin, në kushtet e qeverisjes. Unë besoj që në këto 8 vite që Basha është kryetar i PD-së, iu ka ardh mirë të dyve, se padashje e kanë patur dorën në qafë të njëri-tjetrit dhe e kanë kruajtur aty ku u hante të dyve. Basha ka dashur ta shesi si ‘të gjitha vendimet që marr unë, nuk janë të miat, por janë të atij pas meje’.

Berishës i ka ardh’ mirë, sepse duke qenë në një farë mënyre në stok, pension aktiv, i ka ardh mirë të duket dhe para demokratëve dhe para qytetarëve, që ‘unë kam fuqi akoma tek PD-ja’. Pra, ka qenë një marrëveshje e heshtur që vetëm ata të dy mund ta bëjnë transparente.”

Sa i përket vendimit të Bashës për përjashtimin e Berishës nga grupi Parlamentar, Murrizi e ka quajtur edhe këtë akt si një teatër midis liderit dhe Berishës. Sipas kryetarit të LDSH-së, Basha nuk e ‘vrau’ babain e tij politik, pasi e gjitha është një lojë.

Myslim Murrizi: Kjo është marrëveshje, midis të dyve.

Alban Dudushi: Bashës dhe Berishës?

Myslim Murrizi: Patjetër, nëse do të qëndrojmë këtu, tek rregullorja e Kuvendit për funksionimin e grupeve…

Alban Dudushi: Po, z.Berisha ka një javë që ka dalë dhe ç’nuk ka thënë deri tani për Bashën. Dje i tha ‘ish-kryetari’…

Myslim Murrizi: Çfarë kam dëgjuar unë në këto 30 vite, ça e kanë pështy këta njëri-tjetrin në mëngjes dhe e kanë lëpi në darkë. Merrni ça i ka thënë Nanos dhe si u ul me Nanon, ça i tha Metës dhe si u ul me Metën, ça i tha Meta Ramës dhe si qeverisën të dy bashkë, ça i kanë thënë njëri-tjetrit dhe si janë ul për të nda paratë.

Pra, Basha duhet të thotë ‘kam përjashtuar Sali Berishën nga Partia Demokratike.’ Dhe për forca, ai nuk është më pjesë e listës së zgjedhur nga KQZ-ja si deputet i PD-së. Grupet parlamentare do të krijohen në bazë të zgjedhjes politike dhe në bazë të orientimit politik.

Po ngelëm thjeshtë tek përjashtimin nga grupi, është lojë.

‘Unë marr imunitetin dhe rri 4 vjet në Parlament, ti je në rregull me amerikanët se iu thu që e përzura’.

Ky se ka përjashtuar nga partia, sa herë t’i mbushet mendja ai shkon në Këshillin Kombëtar. Pra, Basha duhet ta ndajë, çfarë ka bërë në fakt… nuk e ka vra.

Flamur Noka: Rruga e vetme që ka Berisha dhe e vërteta e sherrit me Bashën në zyrën e tij

21:40 Politika

Flamur Noka: Basha vrau PD-në me largimin e Berishës, të marrë plaçkat e të iki në shtëpi

20:11 Politika

Bujar Nishani: Largimi i Bashës çlirim për PD-në, e ka mbushur kohën e tij dhe ka dobësuar partinë

19:50 Politika

Të qeshurat në parlament, deputeti i PD-së: S’më shqetëson fare, tregova të vërtetën e Lushnjës e mbarë vendit me doza humori

19:20 Politika

Përrallat mitologjike me cikllopë për hallin e Sali Berishës

18:45 Politika

Fatos Lubonja: Berisha është burrë i ndershëm, jo i korruptuar. Atë e groposi Rama me ndihmën e amerikanëve dhe Sorosit, që ka kapur PD-në

18:24 Politika

Çim Peka: SHBA ka kaluar “vijën e kuqe” me Berishën. Rama bllokoi tubimet nga frika e tij

18:15 Politika

U shkrinë me deputetin e PD-së, profesor Gjekmarkaj: Ishte e qeshur kënaqësie, e pamundur t’i rezistoje

17:49 Politika

Si po ‘vret’ Berisha për të dytë herë gardën e vjetër të PD

17:41 Politika

Rama dhe ministrat e rinj betohen nesër në presidencë

17:25 Politika