Te fundit
Beteja 10-vjeçare e SHBA për të shpëtuar PD-në dhe Bashën nga Sali Berisha
22 Shtator 2021, 10:16Politika
TEMA
Nga Adriatik Doçi
Beteja e Shteteve të Bashkuara të Amerikës për të shpëtuar Partinë Demokratike dhe Lulzim Bashën nga Sali Berisha nuk ka nisur pas datës 19 maj 2021, kur Departamenti Amerikan i Shtetit shpalli Berishën non grata si i korruptuar, shantazhues i drejtësisë dhe minues i demokracisë në Shqipëri. Lëvizjet e para të diplomatëve të SHBA në Tiranë për të ndarë Berishën nga Basha dhe PD-ja kanë nisur të paktën që në vitin 2011, kur Lulzim Basha nisi të konturohej si pasardhës, ndërsa Berisha nisi të përjetonte izolimin e dytë dhe të fundit ndërkombëtar, pas vrasjeve të 21 Janarit.
Në vitin 2011, sidomos pas zgjedhjeve lokale, Aleksandër Arvizu, në atë kohë Ambasador i SHBA në Tiranë, nisi të intensifikonte takimet me Lulzim Bashën, duke shmangur Sali Berishës, si një politikan konfliktual dhe rrezik i vazhdueshëm për stabilitetin në vend. Jo vetëm kaq, por Arvizu kujdesej për t’i ekspozuar në publik takimet me Bashën, duke dhënë mesazhe të qarta, se Basha ishte i përzgjedhuri për të nxjerrë jashtë loje një ditë Sali Berishën.
Në shkurt të vitin 2012, Arvizu i siguroi disa takime Lulzim Bashës në SHBA si kryetar i Bashkisë së Tiranës. Para vizitës së Bashës në SHBA, Aleksandër Arviu, do të shprehej kështu:
“Disa njerëz e kanë parë atë si një yll në ngritje në qiellin politik shqiptar dhe pres me kënaqësi që të flas me të kur të kthehet dhe të dëgjoj disa prej përshtypjeve të tij nga vizita në SHBA. Nuk e di ekzaktësisht sa vjeç është, është afërsisht 30 e ca vjeç, është kryetar i Bashkisë së Tiranës, është një arritje shumë e madhe dhe për respektin që kam për politikanët që janë diku në të 50-tat apo në të 60-tat, mendoj se gjithashtu është e rëndësishme që të ketë gjak të ri, sepse duhet të ketë… freski”.
Në vitin 2013, pas rrëzimit të Sali Berishës nga pushteti, Aleksandër Arvizu artikuloi një deklaratë të fortë. Ai e konsideroi rrëzimin e Sali Berishës nga pushteti po aq të rëndësishëm sa rrëzimi i Ramiz Alisë në vitin 1992.
“Zgjedhjet e 23 qershorit 2013 ishin historike dhe po ashtu si ato të vitit 1992, ishin shumë të rëndësishme për Shqipërinë, pasi sollën ndryshimin. Këtë radhë, PS-ja punoi më fort e mori 90 mijë vota më shumë. I rëndësishëm për SHBA-në është konsolidimi i demokracisë”, tha Arvizu.
Betejën e Arvizu, për të ndarë Berishën nga Basha dhe PD-ja e vijoi pasardhësi i tij, Donald Lu, një nga ambasadorët më të sulmuar nga Berisha, ashtu si ambasadorja aktuale Yuri Kim. Ish-kryeprokurori Adriatik Llalla, sot i dënuar për fshehje pasurie, ka pretenduar madje se Lu i ka kërkuar arrestimin e Sali Berishës, pretendim ky që në fakt është mohuar nga Lu. Gjithsesi, ambasadori Lu luajti një rol të rëndësishëm për të shkëputur Bashën nga Berisha dhe Meta në korrik të vitit 2016, për votimin e ndryshimeve Kushtetuese, arkitekturën e drejtësisë së re.
Në maj të vitit 2017, ambasadori Lu si dhe ish-zv/ndihmës sekretari amerikan i Shtetit, Hoyt Brian Yee, ushtruan presion mbi Bashës për të braktisur linjën radikale të Berishës dhe mbyllur çadrën e protestës para Kryeministrisë. Presioni është pranuar më pas edhe nga vetë Basha. Kjo është edhe arsyeja se pse sot Berisha e quan Bashën një ‘lider të thyer’.
Edhe pse sot akuzon Bashën, Sali Berisha është njeriu që hodhi i pari idenë e djegies së mandateve në shkurt të vitit 2019, në funksion të një skenari për të rrëzuar qeverinë Rama. Lulzim Basha ishte thjeshtë një zbatues i këtij vendimi me pasoja të rënda politike për opozitën. Djegia e mandateve u pasua me protesta të dhunshme dhe në fund bojkotin e zgjedhjeve lokale të 30 qershorit 2019.
Aksionit të Berishës iu bashkua edhe Ilir Meta, duke zhdekretuar zgjedhjet e 30 qershorit dhe zhvillimin e tyre në 15 tetor 2019. Këtë herë ishte zv.ndihmës sekretarit i Shtetit të SHBA Matthew Palmer, i cili deklaroi prerë se SHBA nuk njohin asnjë datë tjetër përveç 30 qershorit.
“Ne presim që zgjedhjet të zhvillohen më 30 qershor. Presim që ato të zhvillohen në mënyrë të qetë e transparente… Është një situatë më pak se ideale, që zgjedhjet vendore të zhvillohen pa pjesëmarrjen e opozitës, por kjo nuk do të thotë që zgjedhjet në vetvete nuk janë të vlefshme. Njerëzit do të kenë mundësi të dalin për të votuar, për të shprehur mendimin e tyre, askush nuk duhet t’i pengojë për këtë”, tha Palemer.
Dy ditë para zgjedhjeve të 30 qershorit 2019, Palemer shtoi presionin mbi Bashës për t’u ndarë nga Sali Berisha. Palmer paralajmëroi: “Pengimi i zgjedhjeve mund të përbëjë bazë për t’u përjashtuar nga marrëdhëniet me Shtetet e Bashkuara. Përtej kësaj nuk mund të komentoj për situata hipotetike. Por, po; absolutisht është përgjegjësi e udhëheqësve të opozitës që, në këto rrethana, t’ua bëjnë të qartë përkrahësve të tyre se dhuna është një mjet i papranueshëm”.
Ndërhyrja energjike e diplomatëve amerikanë detyroi Lulzim Bashën të braktiste linjën radikale të Berishës dhe të mos njihte dekretin e dytë të Metës për zhvillimin e zgjedhjeve në 25 tetor 2019. Ndërsa Berisha vijonte thirrjet për revolucion, Ilir Meta akuzoi Bashën për tradhti në korrik 2019.
Akuza për tradhti ndaj Bashës, Meta i përsëriti edhe në maj 2020, teksa tha se “Këtu ka një mungesë korrektësie nga opozita, se unë kam marrë fjalën nga z. Basha se do të hynin në zgjedhje pastaj ata mbajtën atë qëndrimin edhe kështu edhe ashtu. Kjo është punë dhe përgjegjësia e tyre. Nuk kam asnjë problem”.
Beteja e Perëndimit për të shpëtuar opozitën në Shqipëri nga Sali Berisha do të kulmonte në 19 maji dhe 30 qershor 2021. Në 19 maj, DASH shpalli njoftimin e shpalljes non grata të Sali Berishës dhe Familjes së tij për korrupsion madhor, shantazh ndaj drejtësisë dhe minim të demokracisë. Fillimisht Lulzim Basha mbështeti alibinë e Berishës se ndëshkimi amerikan nuk ishte bazuar në prova.
Mesditën e 30 qershorit, ndihmës sekretari amerikan i Shtetit, Philip Reeker, u shfaq në selinë blu, ku zhvilloi një takim 60 minuta me Lulzim Bashën për çështjen e Sali Berishës.
Siç edhe u konfirmuar më pas, në këtë takim, Philip Reeker i ka kërkuar Lulzim Bashës në mënyrë ultimative përjashtimin e Sali Berishës nga Partia Demokratike, duke i zbuluar detaje tronditëse nga dosja e Berishës. Janë pikërisht këto detaje të cila bindën Lulzim Bashën për të braktisur alibinë Berishës dhe vendosur më pas përjashtimin e tij nga grupi parlamentare dhe rrjedhimisht nga partia.
“Arsyet se përse u largua Berisha nga grupi parlamentar janë publike për aq sa mund të bëhen publike, detajet më të hollësishme i di edhe vetë Sali Berisha, për të cilat mbase publiku dhe ju nuk do të informoheni kurrë”, tha Basha tre ditë më parë në një mbledhje të kryesisë së grupit parlamentar të PD-së.
Përjashtimi nga PD-ja duhet se nuk shënon fundin e betejës së Perëndimit për të shpëtuar PD-në dhe Lulzim Basha nga Sali Berisha dhe Familja e tij. Sali Berisha ka nisur një aksion për të rimarrë partinë, duke e shpallur Lulzim Bashën tradhtar dhe akuzuar për dorëzim të sovranitetit të PD-së tek amerikanët. Ditën e djeshme, nga Fieri, Berisha i dha një mesazh të koduar Lulzim Bashës, duke e paralajmëruar që të ‘ikte atje nga erdhi’, pra në Holandë, edhe pse në fakt Basha u shndërruar në ‘birin politik’ të Berishës me rekomandim dhe si shok i Argita Berishës.(Shqiptarja.com)
4 komente në “Beteja 10-vjeçare e SHBA për të shpëtuar PD-në dhe Bashën nga Sali Berisha”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Diplomati Amerikan ardhur ne Shqiperi qe urdehroj bashen ,
te largoje berishen nga Politika ,
nder te tjerash e ka pyetur bashen :
Ke pasur maredhenje seksuale me berishen ?
basha i ka thene Po .
atehere i ka then Diplomati ,largoje dhe kercenoje se nuk ka cte bej .
Dhe basha e beri .
Zoti Adriatik Doçi,qartesisht si drita e diellit, pasqyron etapat e qendrimit Amerikan ndaj shkeljeve të njepasnjeshme të Sali Berishës në zhvillimet politike në Shqiperi, dhe perpjekjet Amerikane per te ndikuar gradualisht, në shmangien e devijimit të pluralizmit dhe demokracisë në zhvillimet Shqiptare.Vetem hipokritet dhe bashkepuntoret e Sali Berishes në shmangien e demokracise ne Shqiperi, nuk e pranojnë kete, dhe i janë bashkangjitur Berishes per “Sovranitet të PD-së dhe shkelje te Statutit te Saj”.
Shume analiste,paneliste.politologë,gazetare dhe komentatore te mediave sociale,nese kerkojnë të verteten,përmes parimeve që parashtron Berisha,mund ti pyes:Qysh kur JU,besoni se do ta gjeni të drejten dhe të vërteten e “Kartes Morale” nga Berisha,personit, të cilit i është zeruar kjo “Kartë Morale” nga SH.B.A. per siç shprehet Departamenti i Shtetit Amerikan: per:”Korrupsion,shantazhus i Drejtesisë dhe minues i Demokracisë në Shqiperi”?.Nuk do të doja t’ju etikoja,nëse nuk ju bashkon interesi me Berishën,se me gjithë “zgjuarsinë që ju karakterizon”keni një fije të hollë budallallëku që ju pershkon nga koka te kembet.
Pra, një shkeles presistent 30 vjeçar i të gjitha parimeve të pluralizmit,demokracisë,drejtesise dhe luajalitetit brohoritet,mbeshtetet dhe i besohet të rivendose “Karten Morale” në PD dhe në politiken Shqiptare.Pra jeni gati ta ktheni Shqiperinë mbrapa,jo në Dritën që shkrepi nga levizja studentore,por në errësirën që pasoi nën drejtimin autokrat të Sali Berishes,personit që Demokracia Amerikane e etiketoi “NON GRATA” me kater cilesime të renda antidemokratike.Domethene,Ju ASPIRONI të vini në Pushtet nëpërmjet ‘Kartes Morale” te një TE PA MORALI.Kundervenie më të madhe anti Amerikane se sa këjo nuk ka.”ORE!LERENI TRAUN,JU,PO KESAJ FIJES SI DO T’JA BËJMË”,thoni JU.
ZOTI BAZE! artikullin themelor te Adriatik Doçit qe duhej ta lije në krye te Editorialit e ke arkivuar duke ja fshahur publikut dhe antareve te PD-se.Me qellim apo gabimisht?.Kujdes!
Te pakten Arvizune mos e kishe futur ne kete linjë , ai qojti Berishen BURE SHTETI , fill pas 21 janarit , ndersa Lulin ,YLL NE NGJITJE kur dihet qe per ate ngjarje ,pra 21 janarin , ishte pergjegjesi kryesor i linjes, MINISTER I RENDIT !
Yll ne ngjitje mund te jete vertet Luli , por kur vete nuk ka SHTYLLE KURIZORE , pra muk eshte vetvetja , te pakten deri ne VENDIMIM E MADH te fundit nuk e ka mare vete por i diktuar nga te tjeret , kur akoma realisht nuk eshte shprehur prere per distancim nga Berisha duke thene qe , ky eshte vendim i perkohshem deri ne sqarimin(harimin) e çeshtjes , dhe se Saliu do jete pjese e struturave te partisë .
Nuk e dinte Arvizu , se me proçedura dhe raporte mjekesore Luli ishte çliruar nga akuza , per aferen 230 milion te rruges te kombit , po per shkollimin e dyshimte te tij qe ka mbi 10 vjet qe nuk paraqet nje Diplome shkolle, te mbaruar ?!