Arritja e marrëveshjes dypalëshe, Kurti: Tani fillon epoka kur Serbia nis e mësohet me reciprocitet

Kryeministri i Kosovës, Albin Kurti ka reaguar pas arritjes së marrëveshjes mes Kosovës dhe Serbisë, në Bruksel për reciprocitetin e targave.

Kurti shkruan në “Facebook” se meqë targave të Republikës së Kosovës në Serbi do t’iu mbulohet simboli shtetëror, të gjitha targave të Serbisë pa dallim do t’iu mbulohet po ashtu simboli i tyre në territorin e shtetit tone, ndërsa shton se tani fillon epoka kur Serbia nis e mësohet me reciprocitet.

“Reciprociteti i targave të automjeteve është vendosur. Meqë targave të Republikës së Kosovës në Serbi do t’iu mbulohet simboli shtetëror, të gjitha targave të Serbisë pa dallim do t’iu mbulohet po ashtu simboli i tyre në territorin e shtetit tonë. Njësia Speciale e Policisë së Kosovës ka shkuar në Jarinje dhe Bërnjak më 20 shtator për të mbrojtur vendkalimet dhe policinë kufitare nga bllokuesit e rrugëve dhe qarkullimit të lirë.

Meqë ata do të largohen, njësia jonë speciale nuk ka pse qëndron atje, dhe mbetet gjithnjë e gatshme për ndërhyrje në çfarëdo cenimi të njëjtë apo të ngjashëm në të ardhmen. Natyrisht, policia jonë kufitare në vijim do të zbatojë reciprocitetin e targave. KFOR-i do të qëndrojë aty, rreth dy javë, që gjithçka të jetë e sigurt.

Në javën e shkuar, Presidenti i Serbisë vuri katër kushte për takimin në Bruksel të përfaqësuesve tanë. Natyrisht që nuk ju plotësuan ato dhe dje u zhvilluan bisedimet në Bruksel. Tash fillon epoka kur Serbia nis e mësohet me reciprocitet”, shkruan Kurti.

Presidentja e KE përshëndet marrëveshjen Kosovë-Serbi: Zhvillim pozitiv pas takimeve të mia me Kurtin e Vuçiç

14:05 Rajoni

Marrëveshja për targat Kosovë-Serbi, reagon Vuçiç: Nuk futemi në BE derisa të zgjidhim marrëdhëniet me Prishtinën

13:37 Rajoni

Lajçak nga Brukseli: Arrihet marrëveshja Kosovë-Serbi për targat

12:38 Rajoni

Von der Leyen takon Vuçiç: Të përdoret dialogu i lehtësuar nga BE për zgjidhjen e situatës me Kosovën

11:55 Rajoni

“Mos të kthehemi në situatën ku KFOR-i menaxhon kufijtë e Kosovës”

11:55 Rajoni

Vulin: Sa kohë që Vuçiç të jetë në krye të Serbisë, Kosova s’është shtet

11:10 Rajoni

Si mund të shmangen krizat, si ajo e fundit në kufirin Kosovë-Serbi?

10:27 Rajoni

Kërcënimi i Serbisë ndaj sigurisë në Ballkan kërkon përgjigje të koordinuar dhe të menjëhershme

10:03 Rajoni

Kriza në veri të Kosovës, Serbia mes Rusisë dhe Perëndimit

09:21 Rajoni

Kosova dhe gazi i lëngshëm në “Ballkan”: Si po refuzon Albin Kurti, gazsjellësin amerikan

09:19 Rajoni