E gjithë familja me precedentë: Arrestohet xhaxhai i Aldi Ramës

Jo vetëm Aldi Rama, 21-vjeçari që vrau veten pasi qëlloi për vdekje nënkomisarin Saimir Hoxha, teksa ai ndodhej në krye të detyrës. Arresti shtëpiak është thyer edhe nga xhaxhai i tij Baki Rama. Burime bëjnë me dije se ai ishte lënë nga gjykata në “arrest shtëpie” pasi ishte vënë në pranga 6 muaj më parë për tregti të lëndëve piroteknike.

Gjatë kontrollit të ushtruar nga policia ditën kur ndërroi jetë Aldi Rama, xhaxhai i tij nuk është gjetur në banesë. Dyshohet se familjarët i thanë policisë se ai kishte shkuar në Tiranë për të marrë trupin e pajetë të nipit. Ditën e sotme Baki Rama do të dalë para gjykatës në Durrës për t’u njohur me masën e sigurisë.

Aldi Rama kreu krimin tre ditë më parë, teksa ndodhej në arrest shtëpiak të vendosur në Maj të këtij viti. Ai qëndroi për disa orë i fshehur në zonën e Kune Vain dhe më pas qëlloi ndaj vetes me një plumb në pjesën anësore të ballit. 21-vjeçari ndërroi jetë një ditë më pas në spital.

I riu ndodhej në makinë me dy shokë kur u ndalua nga Hoxha dhe dy efektivë të tjerë të cilët po ktheheshin nga operacionin për asgjësimin e lëndëve narkotike në këtë zonë. Në momentin e kontrollit Aldi Rama i tha Saimir Hoxhës: “Unë nuk jam për kontroll”,  dhe më pas e qëlloi me dy plumba. Një prej tyre i kapi zemrën. Hoxha ndërroi jetë rrugës për në spital.

21-vjeçari kishte pasur një jetë mjaft të vështirë, sidomos pas divorcit të prindërve. Ai jetonte me gjyshërit e tij. Gazetari Artan Hoxha deklaroi dje në ABC se në moshën 9-vjeçare ai kishte parë të atin duke kërcënuar të ëmën me motosharrë. Rama u arrestua që në moshën 18-vjeçare për trafik të lëndëve narkotike. Ndërsa më pas ai ishte akuzuar për dhunë ndaj të dashurës së tij.

Pushohet çështja ndaj Altin Hajrit, pasuritë e para të sekuestruara nga OFL i rikthehen pronarit

11:53 Kronika

Pezullohet nga detyra shefi i Komisariatit të Gjirokastrës, dyshohet se lejoi kultivimin e kanabisit

10:07 Kronika

KPA hap dhe mbyll hetimin gjyqësor për gjyqtarin Genti Shala

19:39 Kronika

Komisioneri ankimon vendimin për gjyqtaren Atalanta Zeqiraj

18:03 Kronika

U vidhte kartat e ID pacientëve dhe merrte kredi në emër të tyre, lihet në burg infermierja

17:08 Kronika

Paralajmërimi: Gjykata e Korçës drejt kolapsit të plotë

16:51 Kronika

SHÇBA nis hetimin, sekuestrohen materialet në Policinë e Lezhës

16:50 Kronika

Akuzohet për korrupsion, GJKKO rrëzon kërkesën e Edvin Priftit për heqjen e masës “Pezullim nga Detyra”

15:15 Kronika

Goditi efektivin e policisë rrugore, shpallet në kërkim DJ MIND (Armand Basha)

13:29 Kronika

Sekuestrohen 21 kg kanabis në Durrës, arrestohen 4 persona, do të shitej në treg për 38 mijë euro

11:22 Kronika