Lajmi i “The Sun”, reagon Ministria e Jashtme: Fake news i turpshëm

Ministrja për Evropën dhe Punët e Jashtme, Olta Xhaçka, ka reaguar lidhur me publikimin e një lajmi nga tabloidi britanik “The Sun”, ku përshkruhej një skemë e mundshme e ngritjes së një kampi azilantësh në Shqipëri, duke e përkufizuar atë si një “fake news” të turpshëm.

“Kaq turpëruese të shpërndash këtë lajm të rremë në një media britanike, ku parashikohet ngritja e një kampi në Ballkan, saktësisht Shqipëri, ku do të strehohen emigrantët e jashtëligjshëm, të cilët kalojnë kanalin midis La Manche dhe Britanisë”.

Kjo përgjigje e Xhaçkës vjen pas përgënjeshtrimit që drejtori i Komunikimit pranë Kryeministrisë, Endri Fuga, i bëri lajmit.

Përmes një statusi në median sociale “Twitter” deklaroi se “lajmi i ngritjes së një qendre azilantësh për llogari të palëve të treta është absolutisht i pavërtetë”.

Më tej, Fuga shkruan se Shqipëria hapi dyert për katër mijë afganë e jemi krenarë për këtë.

Por, në rastin e marrëveshjes me Mbretërinë e Bashkuar, drejtori i Komunikimit shprehet se autoritetet shqiptare nuk bëjnë “detyrat e atyre që janë më të mëdhenj e më të pasur se ne”.

Më herët, tabloidi britanik “The Sun”, zbuloi se qeveria britanike po bashkëpunon me autoritetet shqiptare për ngritjen e një qendre përpunimi për azilkërkuesit në Shqipëri.

Kjo do të thotë që emigrantët të cilët kalojnë “kanalin anglez” nga Franca do “të ndalohen” në Shqipëri.

“Hyrësit e paligjshëm do të fluturojnë 1 mijë e 500 kilometra në një qendër në det të hapur në Ballkan, ndërsa kërkesat e tyre janë duke u përpunuar”, shkruan “The Sun” lidhur me detajet e funksionimit të qendrës.

Sekretarja e Brendshme britanike, Priti Patel, shpreson që kjo perspektivë do të pengojë ata që planifikojnë të bëjnë këtë kalim të rrezikshëm.

Ndër të tjera Patel, sipas “The Sun”, ka ravijëzuar se qeveritë “duhet të jenë në gjendje të konsiderojnë çdo mundësi” kur merren me azilkërkuesit.

E përditshmja britanike shkruan ndër të tjera se zyrtarët në Londër dhe Tirana zyrtare janë afër përmbylljes së një marrëveshjeje për qendrën e përpunimit.

Shefi i shtabit të kryeministrit britanik Boris Johnson, Dan Rosenfield, është shtytësi kryesor i kësaj politike.

Duke cituar një burim të brendshëm, “The Sun” shkruan se Patel dëshiron që kjo marrëveshje dhe ngritja e qendrës së përpunimit të ndodhin.

Më tej burimi i panjohur shton se negociatat janë në një fazë teknike – duhet përcaktuar vendndodhja dhe numrat e saktë.

Krijimi i një qendre përpunimi jashtë territorit britanik është pjesë e “Projektligjit të ri për Kombësinë dhe Kufijtë”.

Propozimi vjen mes presionit në rritje për të vepruar, pas një rekordi prej më shumë se 17 mijë emigrantësh që kanë kaluar në Britani nga Franca deri më tani këtë vit.

Sekretarja e Brendshme, Priti Patel

Ministrat gjithashtu duan të shkatërrojnë bandat e kontrabandës së njerëzve që kërkojnë mijëra paund për kalimet.

Mbretëria e Bashkuar aktualisht nuk ka marrëveshje dypalëshe me shtetet e BE-së për kthimin e azilkërkuesve.

Çështja e kalimeve të emigrantëve shihet si shumë e dëmshme për qeverinë britanike.

30 deputetët konservatorë që përbëjnë “Grupin e Forcave Kufitare” po kërkojnë veprime. Francës i janë premtuar 54 milionë paund për të ndihmuar në ndalimin e kalimeve.

Kohët e fundit u shfaqën pamjet e një stërvitjeje me avionë të blinduar për të “kthyer” anijet që po i drejtoheshin Anglisë.

Një 16-vjeçar me origjinë nga Sudani, u shtyp për vdekje ndërsa përpiqej të hipte në një kamion për në Mbretërinë e Bashkuar në Marck, pranë Calais në Francë.

VIDEO/ “Nga lufta vijmë, në luftë shkojmë”, Rama konferencë të jashtëzakonshme për shtyp: Mesazh drejtuar të gjithë shqiptarëve

13:59 Politika

Dita e Bashkimit të Gjermanisë, Meta mesazh presidentit gjerman: Procesi i Berlinit jetik. Mirënjohje për avokatinë në procesin e integrimit

13:00 Politika

Refugjatë të paligjshëm në Shqipëri? Qeveria shqiptare: Lajm i pavërtetë

12:21 Politika

Erdogan mund të jetë shumë i sëmurë për të vazhduar udhëheqjen e Turqisë

12:08 Politika

Ardian Çela: Parashikime për rritjen e jashtëzakonshme të çmimeve në tregun global të energjisë

12:05 Politika

Beqaj: Pse kjo rritje e lartë ekonomike gjatë vitit 2021?!

11:10 Politika

Siguria Rrugore, prezantohet “makina inteligjente” që monitoron qarkullimin rrugor: Nuk ka më mik, nëse shkelni rregullat gjoba ju vjen në shtëpi

10:31 Politika

Dhëndri i Berishës: Çfarë trishtimi të shohësh Bashën që mendon veç për pazarin me Ramën

20:55 Politika

Vdekja e nënës, Meta i shpreh ngushëllime Pirro Dhimës: Mund të jetonte kudo, por e ndjera zgjodhi Himarën e mrekullueshme

20:35 Politika

Ambasada e SHBA: Mbështesim miratimin e një harte të re gjyqësore, të adresohen vakancat në drejtësi

19:40 Politika