Te fundit
Shtëpi me 1 euro në Itali: Si funksionon dhe kush mund t’i blejë?
27 Tetor 2021, 22:00Lifestyle
TEMA
Me çmimet e larta që kapin vlera deri në €1500 euro/m2 për një apartament pranë qendrës së Tiranës, lajmi se për vetëm €1 euro, mund të bëhesh pronar i një shtëpie tëndes në Itali, ka fuqinë të tërheqë vëmendjen e çdokujt – por si ndodhi e gjithë kjo?
Gjatë 2 viteve të fundit, disa qytete të vogla italiane janë bërë pjesë e titujve kryesorë në media, pasi ato nxorën në shitje shtëpia boshe për vetëm €1 euro.
Por si funksionon kjo skemë dhe cilat janë kushtet që duhen përmbushur për t’u zgjuar një mëngjes në vilën tuaj private diku në Toskana?
Të rinjtë italianë prej kohësh po ‘emigrojnë’ nga qytetet e vogla rurale për të punuar dhe jetuar në vende më urbane dhe kozmopolitane. Kjo ka bërë që shumë prej qytezave të vogla italiane të mbeten thuajse të braktisura, me një popullsi të tkurrur, që sa vjen e plaket.
Shumë pensionistë italianë e kanë pasur të pamundur t’ia lënë shtëpinë dikujt, duke bërë që pronat e tyre t’i kalojnë autoriteteve lokale, të cilët kanë vendosur të ndërmarrin këtë vendim radikal, me një qëllim vërtetë inteligjent.
Të pasurit e një shtëpie të dytë në Itali, vjen me detyrime dhe taksa të veçanta, ndaj shumë e mendojnë më të thjeshtë t’i shesin këto shtëpi për një çmim tejet të ulët, se sa t’i mbajnë ato.
Për momentin, gjenden rreth 25 bashki italianë që i kanë lënë kartat e hapura për pronarët e rinj, oferta është e thjeshtë – një shtëpi në Itali për çmimin simbolik prej €1.
Ideja që këto shtëpi do të rinovohen dhe banohen në vitet e ardhshme ka vlerë më të madhe për autoritetet lokale të këtyre vendeve se sa të presin derisa ato të shiten me çmimin e tregut.
Ata gjithashtu shpresojnë se popullimi i këtyre zonave do të stimulojë ekonominë vendase, pasi banorët e rinj do të blejnë prodhimet e zonës, do të punësojnë ndërtues si dhe do të hedhin para në atraksionet lokale duke i kthyer shtëpitë në hotele apo Airbnb, që do të rriste turizmin dhe rigjallëronte të gjithë vendin.
Ama, ju nuk jeni duke blerë një vilë të shndritshme – shtëpitë e përzgjedhura për këtë skemë shpesh duhet të rinovohen. Ju po investoni në një shtëpi, nuk po e blini atë të gatshme për të lëvizur që të nesërmen.
Gjithsesi, kostoja për rinovime është relativisht e ulët në krahasim me shtete të tjera – në këtë rajon, ajo shkon nga €20,000-50,000 euro në varësi të madhësisë së pronës.
Pra sigurisht, çmimi nuk është realisht €1 euro, por varijon nga €5,000 – €20,000 euro ose më tepër – një vlerë që gjithsesi mbetet më shumë se tërheqëse për qytetarë të interesuar nga e gjithë bota, që kanë zbarkuar në momentin e parë që e kanë dëgjuar dhe janë bërë pjesë e këtyre skemave dhe pronarë të rinj në shtetin e tyre të preferuar.
Emilia-Romania
Abruco
Kampania
Sicili
Piedmonte
Le Marche
Liguria
Puglia
Sardinia
3 komente në “Shtëpi me 1 euro në Itali: Si funksionon dhe kush mund t’i blejë?”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Duhet çuar Rama atje tu mësojë si bëhet biznesi i shtëpive
Shtepite me 1€ jane ne fshatra te barazvlefshme me Çepanin e Likes apo Vuçidolin e Birrishes. Te duhet dhe nje helikopter per te cuar femijet ne shkolle, te besh pazaret dhe te shkosh ne pune. Shtepite e tjera ne keto fshatra, kushtojne njelloj sa rinovimi i atyre 1 eurosheve.
Jo sot qe nuk ka asgje per te bere ne keto humbetira, por edhe para 100 vjetesh jeta ishte shume e veshtire sepse pergjithsisht jane ne zona malore pa toke te kultivueshme. Edhe turistet qe aventurohen neper te tilla humbetira jane te paket.
Keshtuqe paralelja e hequr me cmimet e qendres se Tiranes eshte totalisht pa vend.
Rasti me i shkelqyesher per mijera te korruptuar shqiptare!