Hetimet për vdekjen e 4 rusëve, prokuroria refuzon t’i japë aktet ambasadës

Prokuroria e Kavajës ka refuzuar një kërkesë të Ambasadës Ruse në Tiranë, për tu pajisur me aktet hetimore të dosjes, që bën fjalë për vdekjen misterioze të 4 shtetasve Ruse në një hotel në Qerret.

Zyra diplomatike ka kërkuar që të njihet me dosjen e plotë dhe veprimet e prokurorëve shqiptarë. Por kjo kërkesë për dhënien e akteve hetimore në këtë fazë ku ndodhet hetimi, është refuzuar nga prokurorët shqiptarë.

Kjo pasi ligji procedurial penal shqiptar, nuk parashikon dhënien e akteve hetimore palëve të interesuara në fazën kur çështja është në hetim e sipër.

Rusëve u është dhënë një informacion i shkurtër dhe i përgjithshëm mbi ngjarjen, ku humbën jetën katër anëtarët e familjes ruse, Nataliia dhe Sergei Burenkov, Ekaterina Burenkova dhe i fejuari i kësaj të fundit, Nikita Belousov.

Me një informacion të hollësishëm është njohur dhe zyra e Prokurorit të Përgjithshëm në Tiranë, e cila ka kërkuar që të njihet në mënyrë shteruese me ngjarjen në fjalë që tronditi vendin.

Dyshimet e para dhe që vijojnë të mbetet ende në fuqi janë se katër shtetasit Rusë, janë asfiksuar nga klori, por ende nuk është përcaktuar plotësisht me saktësi dhe në mënyrë shkencore ky rezultat.

Rezultatet e analizave pritet të hedhin dritë mbi këtë ngjarje, ndërsa nga ana e policisë dhe prokurorisë, nuk është ndaluar asnjë person i dyshimtë.

Sipas dosjes hetimore, katër shtetasit Rusë, kishin mbërritur në Shqipëri si turistë. Së bashku me miq të tjerë, ata kishin qenë në Ohër të Maqedonisë së Veriut, ku dhe kishin drekuar, ndërsa darkën kishin vendosur që ta kalonin në kompleksin turistik në Qerret të Kavajës.

Madje gjatë ditës, ata kishin rezervuar me telefon dhomën e saunës me xhakuzi që ndodhet në katin e nëndheshëm të hotelit. Rruga e kthimit nga Ohri bëri që rusët të vinin me vonesë në Qerret. Ata u akomoduan rreth orës 20:30 dhe kërkuan që të kishin privatësi në sauna.

Bazuar në dëshmitë e punonjësve të hotelit, mësohet se katër turistët nuk kanë kërkuar të konsumojnë as pije dhe as ushqime nga hoteli.

Recepsionistja tregon se i ka pyetur nëse dy çiftet dëshironin të konsumonin pije, por ata kanë refuzuar. E njëjta punonjëse tregon se gjysmë ore më vonë ka shkuar sërish në katin e nëndheshëm dhe ka pyetur për të njëjtën gjë, por turistët i kanë kërkuar që t’i linin në privatësi.

Orë më vonë, thirrjet e miqve të tyre ukrainas bënë që pjesëtarët e stafit të hotelit të zbrisnin sërish për të parë se ç’kishte ndodhur me dy çiftet, por u përballën me katër trupa të pajetë.

“Ai do rroba të reja dhe jetë të shtrenjtë", nëna denoncon arratisjen e të birit 14-vjeçar të pakënaqur nga prindërit e varfër

17:10 Kronika

Vendimi për gradat: Ja si do veprohet tani e tutje me policët

15:42 Kronika

Lihet në burg Thoma Gëllçi, akuza rrëzon kërkesën e avokatit

13:13 Kronika

"Daily Mail" i nxori "të palarat" në kamerën e fshehtë, përgjigjet "Baroni tropojan i drogës": Jam hidraulik, mezi paguaj kredinë

10:51 Kronika

I gjendet drogë e futur nëpër fuçi në banesë, arrestohet kryeplaku në Krujë dhe shpallet në kërkim bashkëpunëtori i tij

10:24 Kronika

Incidenti, Komisioni i Vetingut: Dritan Gina hyri me forcë në sallë, sjellja e tij nuk riparohet edhe sikur ta çonim për ‘riedukim’ në Shkollën e Magjistraturës

20:46 Kronika

Dy vendime të KLGJ-së rrezikojnë t’u ofrojnë gjyqtarëve mburojë përballë ILD-së

19:20 Kronika

38-vjeçari shqiptar vritet nga pronari i vilës që shkoi për të grabitur

17:27 Kronika

Mbi 10 të burgosur me Covid-19 në burgun e Drenovës, një prej tyre në gjendje të rëndë, niset drejt Tiranës

15:10 Kronika

Shtyhet vendimi për ankimin e Thoma Gëllçit, ish-kreu i RTSH: Nuk jam i rrezikshëm! Avokati: Kjo është një fushatë baltosje ndaj tij

13:40 Kronika