Te fundit
Armando Broja thyen heshtjen, nuk mungon një koment për Tifozat Kuq e Zi
15 Nëntor 2021, 21:58Sport
TEMA
Shumë zhurmë krijoi mungesa e Armando Brojës në sfidën Angli-Shqipëri. Ylli i ekipit kombëtar donte të luante në vendlindje, të njëjtën dëshirë kishin edhe tifozët e stafi teknik, por një dëmtim në kavilje ndikoi që sulmuesi i talentuar të përfundonte në tribunë.
“Zv trajneri Salihi e ka pare në ndeshje, ka pasur kontakte të vazhdueshme, stafi ynë mjekësor ka pasur komunikim me stafin e mjekëve të Southampton.
Broja erdhi një ditë përpara ndeshjes, por kishte sërish dhimbje dhe na kërkoi të kthehej në klub për të vazhduar rikuperimin, kaq e thjeshtë është, nuk ka probleme të tjera.
Doja ta përdorja ndaj Andorrës, por lojtari ndjeu sërish probleme në kavilje”, deklaroi trajneri Edi Reja në konferencën e djeshme për shtypin.
Tani vjen edhe reagimi i lojtarit, i cili karikon shokët e skuadrës për ndeshjen ndaj Andorrës me anë të një postimi në “Instagram”, aty ku shkruan:
“I uroj çunave suksese sonte! Një urim të veçantë e kam për të gjithë Tifozat Kuq e Zi për mbështetjen e madhe që na jepni gjithmonë.
Të luftojmë për flamurin tonë, ne jemi Kuq e Zi, ne jemi Shqipëria. Forca”, shkruan 20-vjeçari nga Malësia e Madhe.
1 komente në “Armando Broja thyen heshtjen, nuk mungon një koment për Tifozat Kuq e Zi”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Bravo Broja, me kete postim ke treguar se je patriot i vertete.
Flamuri yne eshte i shenjte dhe para lavdise se kombit nuk vlen lavdia personale.
Broja, me kete postim ka treguar se eshte njeri me kembe ne toke. I lumte prinderve per djalin qe kane rritur.
Respekte, prej tifozeve shqiptare kudo ku ndodhen.