Te fundit
"Më duket se ishin shqiptarë, më morën orën 35 mijë euro", ish-lojtari i kombëtares italiane rrëfen orët e tmerrit të grabitjes
19 Dhjetor 2021, 14:32Sport
TEMA
Ish-lojtari i kombëtares italiane, Antonio Di Natale i cili ra pre e grabitjes bashkë me familjen e tij ka rrëfyer tmerrin që përjetoi. Për Corriere Dello Sport, ai ka theksuar se ka dyshime se grabitësit ishin me origjinë shqiptare.
Di Natale ndodhej në shtëpi me bashkëshorten Ilenia dhe vajzën e tij Diletta, ndërsa priste të rikthehej edhe djali i tij nga stërvitja, kur mbrëmjen e së enjtes grabitësit mësynë në shtëpinë e tyre.
Sipas Corriere Dello Sport, grabitësit e kishin planifikuar me detaje grabitjen. Njëri prej tyre ka qëndruar jashtë shtëpisë së Di Natales për të bërë roje, ndërsa pesë të tjerë hynë në shtëpinë e ish-lojtarit duke e tmerruar bashkë me familjen.
“Tani jemi të gjithë mirë, tani jemi më të qetë. Në përgjithësi shkoi mirë. Por ato ishin momente tmerri. Gjithçka zgjati, maksimumi 20 minuta. Ne ishim në shtëpi, e gjithë familja. Nuk ishte e lehtë”, rrëfen i tronditur Di Natale.
Ish-lojtari i kombëtares italiane rrëfen edhe detaje të tjera nga ngjarja: “Ata ishin të huaj, dukeshin shqiptarë. Ishin pesë persona dhe të armatosur. Çfarë sendesh me vlerë grabitën? Morën vetëm një orë, ishte shumë e çmuar.
Dhe pastaj një gjerdan të djalit im. Kjo është e gjitha, sepse mund të them që shkoi shumë mirë. Ata nuk na prekën me dorë dhe kjo është më e rëndësishmja. Se të gjithë jemi mirë.
Në rrëfimin e tij për mediat italiane, ish-sulmuesi 44-vjeçar i Empolit dhe Udinezes shprehet se fakti që ai u tregua gjakftohtë gjatë grabitjes ishte vendimtare që ngjarja të mos përfundonte tragjikisht.
“Pasi negocioi me ta, Di Natale arriti t’i bindë kriminelët të largoheshin duke marrë vetëm orën dhe gjerdanin. “I dhashë orën. Ata morën gjerdanin e Filippos dhe u larguan. Për fat të mirë”, shprehet më tej Di Natale.
Ndërkaq, hetuesit janë duke këqyrur videot e vilës së Di Natales dhe po përpiqen të gjejnë autorët për të gjetur edhe orën Rolex, të veshur me ar, dhe që mban një vlerë prej rreth 35 mijë euro.
5 komente në ““Më duket se ishin shqiptarë, më morën orën 35 mijë euro”, ish-lojtari i kombëtares italiane rrëfen orët e tmerrit të grabitjes”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Napoletan lal, si puna jote .
Të kam thene o Cane. Ke faj. Të thashë, mbaj nje qen. Jo dhe Jo ti.
Me duket se ishin shqipetare – thotë.
Jo mor Jo! Seriozisht? Se mos ishin napoletanë, si thote komentuesi me lart? Apo ju napoletanët nuk vidhni?
Blej nje ore 500 euroshe tani, dhe rri rehat.
Grabitsit nuk kane nazionalitet, jane thjesht krimba qe mbjellin terror aty ku hyjne.
Po sikur grabitesit mos te jene shqipetar?
sakte e ke thene. Edhe ai greku qe vrau gruan ja hodhi fajin shqiptareve, duke shkaktuar ca legene shqipfoles te hidhen ne sulm per te justifikuar ato 300 evrot qe u japin per te lehur ne forumet e shqiptareve, por e verteta doli ne shesh qe ishte ai vete qe kreu krimin.