Te fundit
“Cunami” i variantit të ri po trondit botën, por çfarë ndodh kur godet të moshuarit?
25 Dhjetor 2021, 21:20Bota
TEMA
Ditën e enjte varianti i ri Omicron u konfirmua edhe në Shqipëri. Shfaqja e Omicron shkaktoi një “lumë” informacionesh herë shqetësuese e herë optimiste. Por ku qëndrojmë në të vërtetë?
“BBC” shkruan se i gjithë planeti po përballet me “cunamin” e variantit të ri shqetësues Omicron të koronavirusit.
Kufizimet po forcohen në të gjithë Evropën për të trajtuar valën e re të shkaktuar nga Omicron.
Edhe pse duket se e harrojmë lehtë, sot jemi në një pozitë shumë më të mirë krahasuar me vitin e kaluar, kur shumë njerëz nuk mund të ishin as me familjet e tyre ditën e Krishtlindjes.
Rritja e rasteve të variantit Alfa në fund të vitit 2020, çoi në një bllokim të ri që nga nëntori, ndërkohë që fushatat e vaksinimit nuk kishin filluar.
Nga studimet rezulton se nëse dikush është i infektuar me Omicron ka më pak gjasa të sëmuret rëndë sesa variantet e mëparshme të virusit.
Studimet nga e gjithë bota tregojnë se Omicron është më i butë se Delta, ndërsa probabiliteti i shtrimit në spital për shkak të tij është 30 deri në 70% më i ulët.
Omicron mund të shkaktojë simptoma të ngjashme me të ftohtin, si dhimbje të fytit, rrjedhje hundësh dhe dhimbje koke, por kjo nuk do të thotë se do të jetë e lehtë për të gjithë dhe disa njerëz janë ende në rrezik për sëmundje serioze.
Ndryshimet në virus duket se e kanë bërë atë më pak të rrezikshëm, por rreziku i zvogëluar është kryesisht për shkak të imunitetit të fituar nëpërmjet vaksinimit dhe/ose infeksionit me virusin.
Omicron transmetohet më shpejt se variantet e mëparshme të virusit dhe në një farë mase i shpëton mbrojtjes imune të vaksinave.
Çfarë do të ndodhë kur Omicron godet të moshuarit?
Të moshuarit ishin gjithmonë në rrezik më të madh nga sëmundje të rënda sesa Covid.
Në Mbretërinë e Bashkuar, shumica e rasteve dhe shtrimeve në spital për shkak të Omicron janë nën moshën 40 vjeç, kështu që ende nuk dihet se çfarë do të ndodhë kur të fillojë të infektojë të moshuarit dhe të pambrojturit.
Aftësia e Omicron për t’i shpëtuar një pjese të sistemit imunitar do të thotë se ka të ngjarë të infektojë më shumë të moshuar sesa gjatë valës Delta.
Shumë prej tyre janë imunizuar, por mbrojtja është në rënie.
Dy dozat e vaksinës nuk ofrojnë mbrojtje të mjaftueshme kundër infeksionit Omicron, gjë që ka çuar në një zgjerim masiv të fushatave të vaksinimit me dozën e tretë.
Në Mbretërinë e Bashkuar, më shumë se 31 milionë njerëz kanë rritur imunitetin e tyre nëpërmjet dozave përforcuese.
Mbrojtja kundër infeksionit Omicron duket se zvogëlohet pas rreth dhjetë javësh. Mbrojtja kundër sëmundjeve të rënda, megjithatë, ka të ngjarë të zgjasë shumë më gjatë.
Shpejtësia me të cilën po përhapet do të thotë se do të dimë shumë shpejt se si do të zhvillohen gjërat. Vaksina mbetet zgjidhja e vetme për momentin.(ABC News)
2 komente në ““Cunami” i variantit të ri po trondit botën, por çfarë ndodh kur godet të moshuarit?”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Kur i godet te moshuarit fitohen rekorde te reja, p.sh. plaka 107-vjeqare e kalon Covidin.
Ore njerez, mblidheni mendjen dhe jetoni jeten. Si omicron apo i gjithe alfabeti grek do te shplaoset nga ata qe i prodhojne ne laboratore keto variante. Eshte nje lufte mendore. Kompanite farmaceutike po mbushin arkat e tyre me triliona dolare, dhe kaq. Edhe pse qellimi ishte qe te vrisnin sa me shume njerez. Nuk ja dolen. Deshtuan! Ata njerez te varfer qe vuajne nga semundjet mendore do te shkaterrohen me mbylljet dhe kufizimet. Por shumica e njerezimit, as qe do t’ia dije nga ky alfabet grek i peshtire qe keta maskarenj qe i zhvillojne ne laboratore menduan se do te shkaterronin njerezimin. Ja moren te keqen njerezimit. Njerezimi eshte ne gjendje te mbrohet nga 10 ne fuqi te 12 shkaktare semundjesh ose 10 trilion shkaktare qe mund te jene ne te gjithe universin. Pra, eshte i pathyeshem. Do kete disa vdekje te nje numri te vogel njerezish si ai i deltes me 99.97% mbijetese dhe vetem 0.03 vdekshmeri. ASGJE! Prandaj, jetoni jeten! Ne Shqiperi nga 2-4 njerez vdesin ne dite. Ka me shume vdekje nga kanceri, ataket ne zemer apo ishemia ne tru se sa nga ky virus qe ka shkaktuar nja reagim psikoipatik te qeverive te botes. Eshte nje loje e felliqur, e ndyre e globalisteve qe deshtuan! Njerezit i kuptuan lojerat e tyre dhe ja perse jane ngritr ne te gjithe boten ne protesta. Planet e tyre te ndyra deshtuan! Shpresoj qe ju qe nuk ju kane shplare trute akoma do ta botoni kete koment!