Te fundit
REPLIKAT/ “Merr përgjegjësi për daljen e pagave dhe inceneratorët”, Rama-komentuesit: Janë çështje të drejtësisë
27 Dhjetor 2021, 15:58Politika
TEMA
Kryeministri Edi Rama është ‘përplasur’ me një qytetar përmes komenteve në rrjetin e tij social “Facebook” i cili i ka kërkuar që të japë sqarime mbi skandalin e publikimit të listës së pagave të mbi 600 mijë qytetarëve shqiptarë dhe aferën e inceneratorëve,
Rama ka theksuar edhe njëherë se sa i takon publikimit të të dhënave edhe në shtete të mëdha ka pasur raste të ngjashme dhe nuk ka dhënë llogari kreu i qeverisë por i ka kaluar drejtësisë.
Ndërsa lidhur me aferën e inceneratorëve, kryeministri e ka cilësuar gjithashtu si çështje të drejtësisë dhe nënvizon se çdo individ i akuzuar duhet të përballet vetë.
Replikat:
Komentuesi: Kjo është një arritje që meriton lëvdata, por unë mendoj që ju duhet të jepni gjithashtu llogari për aferën e inceneratorëve dhe për publikimin e të dhënave personale të qytetarëve shqiptarë.
Në çdo vend tjetër, kreu i qeverisë duhet të marrë përgjegjësi për atë çfarë ndodhi, por ne diçka te tille z.Rama nuk po e shohim ende as nga ju dhe as nga ata që janë përgjegjësit e kësaj pune.
Kjo nuk është pune partie, por është çështje respekti ndaj qytetareve dhe demokracisë të vendit tonë sepse diçka e tillë është e papranueshme në një vend që kërkon të anëtarësohet në BE.
Urimet më të mira!
Edi Rama: Nuk e di çfarë ke parasysh me çdo vend tjetër, sepse në Amerike, Angli, Francë, që mos vazhdoj me shumë vende të tjera, ka pasur raste të ngjashme, madje me impikime për krejt botën në ndonjë rast dhe nuk di t’i këtë shkuar në mend njeriu të kërkojë të japin llogari krerët e qeverive, por çështja i ka kaluar direkt drejtësise, si një çështje e drejtësisë për të identifikuar e dënuar autorët, ndërkohe që vendet kanë vijuar punën për forcimin e sistemeve përkatëse!
Sa për inceneratoret unë jam shprehur fare qartë, që impiantet e ndërtuara janë aty dhe janë shpëtim për zona e komunitete të tëra të vendit, ndërkohë që nëse drejtesia ka akuza për të ngritur për individë të caktuar ato janë çështje ekskluzive e drejtësise dhe çdo individ i akuzuar duhet të përballet vetë me drejtësine deri në daljen e të vertetës mbi cdo akuzë!
Ky është respekti ndaj qytetarëve dhe demokracisë, jo futja e të gjitheve në një thes me akuza kolektive që s’kanë asnjë lidhje me kulturën demokratike e me shtetin e së drejtës. Gezuar festat dhe shendet familjarisht?
3 komente në “REPLIKAT/ “Merr përgjegjësi për daljen e pagave dhe inceneratorët”, Rama-komentuesit: Janë çështje të drejtësisë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
INTERNETI ESHTE FATKEQSIA ME E MADHE QE I JEP MUNDESI BUDALLAIT TE FSHATIT TE KOMENTOJE .
RAMA THOTE BUKUR ESHTE PROBLEME I DREJTESISE NUK MUNDET NJE KRYEMINISTER ( PERVEC ENVERIT DHE SALIUT ) TE VENDOSI GISHTIN NE NJE AFERE .
DERI SA I KA MARE DREJTESIA TE PRESIM KUSH FSHIHET MBRAPA ?
Ka qenë një serial anglez, “Po, Kryeministër” (Yes, Prime Minister) dhe në një episod diskutohen problemet e ndryshme dhe zgjidhja gjithmonë ishte “Nuk është problemi ynë”.
Psh, kishte një skandal me furnizimin me armë nga qeveria britanike në zonat në konflikt. Dhe këshilltari i kryeministrit thoshte
“Nuk është problemi ynë. Problem i MInistrisë së Transporteve” dmth ata e kanë fajin për transportin e armëve.
Dhe kështu për çdo problem. Mesa duket e paska parë edhe kryeministri ynë atë serial se atë përgjjigje jep gjithmonë.
Ministra të korruptuar, problem personal i ministrave.
Nxjerrje të dhënash personale publikisht, problem i drejtësisë.
Krizë energjitike, faji i Perëndisë.
Rritje çmimesh, problem global.
Të gjithë duan të emigrojnë jashtë vendit, problem rajonal.
Kryeministri mban përgjegjësi vetëm për të kyçur derën e zyrës së vet kur mbyll ditën e punës.
Ky eshte edhe qesharak!Pse ka drejtesi shqiperia ?prandaj jane Salinjte e Metet jashte dhe shijojne madhin e vjedhur te ketij vendi?Pse nuk turperohesh o LEGEN?