Te fundit
Në tre vitet në vijim shtohen 48 mijë pensionistë, duhen 100 mln euro shtesë
5 Janar 2022, 09:45Sociale
TEMA
Përgjatë tre viteve në vijim 2022-2025, skema publike e pensioneve do të zgjerohet edhe me rreth 48 mijë pensionistë, për pagesën e të cilëve duhen edhe së paku 100 milionë euro shtesë.
Shqipëria po përballet me rritje të shpejtë të numrit të pensionistëve për shkak të daljes në pension të periudhës bumit të lindjeve në vitet 1950-60.
Gjatë vitit 2022, shpenzimet për skemën publike të pensioneve do të arrijnë në 148.9 miliardë lekë me një rritje 4.7% në raport me planin 2021, sipas projektbuxhetit 2022. Ato do të jenë 6.7 miliardë lekë (50 milionë euro) më të larta se fakti i pritshëm i këtij viti.
Qeveria ka parashikuar që gjatë tre viteve në vijim rritja është llogaritur me indeksin mesatar 2.5 % në vit, duke filluar në periudhën nga 1 prilli i çdo viti, duke respektuar kështu edhe fondet e kontigjencës. Fondet kontingjente sipas viteve janë; viti 2022-3,000 milionë leke; viti 2023-3,120 milionë leke.
Sistemi publik i sigurimeve shoqërore do të vazhdojë të mbështesë me të ardhura mesatarisht nga 744-792 mijë persona që kanë përfituar dhe përfitojnë pensione publike, pensione suplementare si dhe një sërë të ardhura të tjera të parashikuara me ligje si dhe, vendime të veçanta si dhe vendime kompensuese të Këshillit të Ministrave.
Numri mesatar i kontribuuesve në skemën e sigurimeve shoqërore parashikohet mbi 820 mijë persona me një rritje në masën 4% më shumë se i pritshmi i vitit 2020.
Shkalla e mbulimit të popullsisë në moshë punë (kontribues / popullsi në moshë pune) do të jetë mbi 43%. Pjesa e kontributeve të sigurimeve shoqërore ndaj totalit të fondeve të alokuara për skemat e sigurimeve shoqërore do të arrijë të mbulojë mesatarisht rreth 65.8 % të totalit.
Por skema publike e pensioneve me gjasë do të lehtësohet në vitet në vijim, për shkak të ngjarjeve që po ndodhin në krahun e shpenzimeve.
Pensionistët e rinj, vitit pas viti, po përfitojnë pagesa më të ulëta. Sipas të dhënave zyrtare nga instituti i Sigurimeve Shoqërore (ISSH) në 6-mujorin e parë 2021, mbi 12 mijë persona plotësuan kushtet për pension pleqërie.
Masa e pensionit mesatar për grupin e ri të pensionistëve rezultoi 14,900 lekë ose 134 lekë (-1%) më e ulët se masa mesatare e pensioneve të reja, që u lidhën në vitin 2020. Edhe gjatë vitit 2020, pensioni mesatar në qytet shënoi ulje për herë të parë që nga viti 2000.
Ekspertët nga instituti i Sigurimeve Shoqërore pohojnë se pensionet e reja kanë nisur të reflektojnë problematikën e tranzicionit, sidomos punës në të zezë. Personat, që kanë paguar sigurime në mënyrë të rregullt dhe plotësojnë kriteret, do të kenë të ardhura më të larta, se me ligjin e vjetër që zbatohej para vitit 2014. Por personat, që nuk kanë paguar kontribute, duket se do të vuajnë pasojat gjatë pensionimit, pasi pagesat me reformën e re të pensioneve, që nisi të zbatohet pas vitit 2014, bëhen në bazë të kontributeve.(Monitor)
7 komente në “Në tre vitet në vijim shtohen 48 mijë pensionistë, duhen 100 mln euro shtesë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ne Shqiperine e varfer, grate dalin ne pension 61 vjec e 6 muaj, ne Ameriken e pasur, grate dalin ne pension 66 vjece e 6 muaj.
Po sikur te beje ndonje paralelizem per sasine ne dollare te pensionet midis amerikaneve dhe shqiptareve , nuk do qe gje e keqe …..tung
O idiot, është e kundërta. Nëse ke para del dhe 30 vjec nga puna, o rrotë kari që s’di as aritmetikë.
Nik , grate shqiptare jo 66.5 vite te punojne , po dhe 166.5 te punojne , noc rokun do marin ….mos bej gabimin dhe ngateron siatemet e siguracionit midis Shqiperise dhe USA Nik , jane si nata me diten , atje te ben vete sistemi te qendrosh ne detyre sa me shume te jete e mundur , 66.5 eshte kufiri max , ama mund te qendrosh edhe me shume ….kurse ne Shqiperi presin me padurim , jo ne 61.5 po edhe ne 50 vjece te largohen te ikin nga syte kembet …..gjithsesi ke nje te drejte , pasi sa me e pakte te jete koha e punes dhe dalja ne pension , po kaq problematike mund te jete vete sistemi i sigurimeve …..megjithate nese dicka nuk shkon mire qeverite e levizin me nje ligj dhe nje vendim ….keshtu qe muk eshte dhe kaq tragjike …..
Ne 2014,u prezantua reforma e pensioneve nga “mjafti” (emrin nuk ia permend se eshte neveri),dhe madje na thane qe moren levdata te papara nga e. u.
7 vjet dhe reforma u shkerrmoq.
Ja keto jane punet e edvinit, pune he per he.
Te shkruash sesi behen reformat, kohe e humbur!
Te shkruash se jemi vendi me kotributet me te vogla per pension ne bote, kohe e humbur me lexues-komentues-popull.
Vazhdoni keshtu, gjermanet-italianet-anglezet-greket, fuqi puntore duan
Pse nuk rritin moshën e pensionit?
Vendet e zhvilluara dhe në ekonomi të mirë, i nxjerrin në moshë në të madhe, në rrjepacuket ….nuk dimë çfarë bëjmë.
Stockholm Syndrome