31 vite protagonist politik mes akuzash dhe skandalesh: Berisha veç dy herë në prokurori

Në 31 vite karrierë si një protagonist kryesor në politikën shqiptare, Sali Berisha ka mbi supe akuza të shumta publike e jopublike nga kundërshtarët politikë, por edhe nga bashkëpunëtorët e tij në parti e qeverisje.

Berisha është akuzuar për skemat piramidale, për trazirat e ’97-s, për shkeljen e embargos së naftës ndaj Jugosllavisë së Millosheviçit, për zhdukjen e Remzi Hoxhës, për grushtin e shtetit të 1998-s, për shpërthimin e Gërdecit në 2008-n, për 21 janarin në 2011.

Lista e mësipërme janë akuzat më të rënda të ngritura ndaj tij, ku është përfolur deri për krime kundër njerëzimit, si në rastin e ’97-s dhe deklaratat e disa prej protagonistëve të atyre viteve se kërkoi bombardimin me avionë luftarakë të protestuesve në qytetin e Vlorës.

Akuza të tjera që janë artikuluar ndaj tij lidhen me korrupsionin, keqqeverisjen dhe ndërhyrjen në sistemin e drejtësisë gjatë qeverisjes nga 2005 deri në 2013. Pikërisht për korrupsion dhe ndikim në sistemin e drejtësisë, Berisha u shpall më 19 maj të vitit të kaluar “non grata” nga SHBA.

Por, megjithë morinë e akuzave të hedhura ndaj tij ndër vite, Berisha e ka parë vetëm dy herë derën e Prokurorisë dhe në të dyja rastet me statusin e deputetit të thjeshtë. Berisha e ka shmangur prokurorinë si President, si kryetar opozite dhe si Kryeministër.

Organin e akuzës do ta vizitonte për herë të parë si deputet i thjeshtë në pranverën e 2015-s për të dëshmuar në atë kohë te Prokuroria e Krimeve të Rënda për një deklaratë të bërë në Kuvend, ku akuzonte Ramën e Metën për një skenar vrasjeje të deputetit Tom Doshi dhe përpjekje për fshehjen e këtij krimi.

Shtatë vite më vonë, Sali Berisha thirret sërish në prokurori për t’u marrë në pyetje për trazirat e 8 janarit në selinë e Partisë Demokratike. Edhe këtë herë Sali Berisha e lidh paraqitjen e tij në prokurori me prapavijë politike, duke u shprehur se është thirrur me urdhër politik të Edi Ramës.

“Do të dëshmoj bashkëpunimin në shkallën më të lartë të krimit në narko-shtetin shqiptar që doli qartë si drita e diellit më datë 8 janar. Për më shumë ju ftoj se sa të dalë nga dera e Prokurorisë do ju informoj juve hollësisht. Basha është një vegël i Qeverisë. Duhet të kërkonte të falur dhe të ndëshkonte policinë që ndaloi njerëz të pafajshëm”, tha ai pasi u nis për në prokurori.

Në të shkuarën, ka edhe një tjetër një precedent të ngjashëm, por jo krejtësisht të njëjtë. Ishte 29 nëntori i vitit 2000, kur në atë kohë Ilir Meta Kryeministër urdhëroi ndalimin e Sali Berishës kryetar të Partisë Demokratike për ta marrë në pyetje në lidhje me sulmin me armë që i ndodhi ato ditë komisariatit të Policisë së Tropojës./si/

Berisha mbi dy orë në Prokurori: Lulzim Brava ishte rrethuar nga një bandë vrasësish e trafikantësh më 8 janar, momenti më kriminal i 30 viteve

13:50 Politika

Berisha del nga Prokuroria e Tiranës pas 2 orë e 40 minutash: Ky është një narkoshtet, janë vrasës dhe banditë

13:49 Politika

Albana Vokshi: Liri Berisha është simboli i gruas, nënës, mjekes dhe humanistes shqiptare

13:37 Politika

Meta nga Shkupi: Integrimi në BE i dy vendeve sjell stabilitet dhe siguri në rajon

11:54 Politika

Evropianët ndjehen të përjashtuar nga bisedimet SHBA-Rusi

11:41 Politika

Protesta e 8 janarit, anëtari i Kryesisë së PD: Berisha bëri thirrje për dhunë, fluturuan gurë, tulla dhe vare mbi kokat e demokratëve

11:27 Politika

109 vjet Policia e Shtetit, Çuçi: Keni krijuar standard të lartë profesionalizmi, e dëshmuat edhe në menaxhimin e ngjarjes së fundit

11:14 Politika

Protesta e dhunshme në selinë e PD, Berisha niset drejt Prokurorisë për të dëshmuar: Po thirrem nga Rama, jo nga Basha vegla e qeverisë

10:59 Politika

Opozitarizmi shqiptar matet me urrejtjen ndaj Edi Ramës

10:44 Politika

Pas Ukrainë vjen radha e tyre: Këto shtete i tremben pushtimit rus

10:30 Politika