Te fundit
‘Sondazhi’ i qeverisë, qytetarët pyeten për legalizimin e kanabisit
18 Janar 2022, 21:10Sociale
TEMA
Qeveria e Shqipërisë do të realizojë një pyetësor për disa nga çështjet më të diskutuara të viteve të fundit.
Në këtë nismës, që kryeministri Edi Rama, e cilëson “Këshillimi Kombëtar”, gjenden 12 pyetje mes të cilave dhe lejimi i kultivimit të kanabisit për qëllime mjekësore.
Disa nga pyetjet ku kërkohet mendimi i qytetarëve janë mbi procesin e integrimit në BE apo nismën ‘Open Balkan’.
Pyetje e tjera kanë të bëjnë me ekonominë, punësimin, Bashkimin Evropian apo luftën kundër krimit.
Ky pyetësor është anonim dhe mund të plotësohet nga kryefamiljari ose çdo pjesëtar i familjes mbi 18 vjeç.
Ndryshe nga sondazhet profesionale, pyetësori i qeverisë shoqërohet me një shpjegim duke orientuar qytetarët që të zgjedhin një alternativë të caktuar.
Pyetja nëse duhet që “Shqipëria të lejojë kultivimin, përpunimin dhe eksportimin e kontrolluar nga shteti të kanabisit për qëllime mjekësore, pa e legalizuar për arsye përdorimi vetjak”, shoqërohet me shpjegimin se kanabisi mjekësor ka efekte kurative dhe se shfrytëzimi i kontrolluar ka sjellë ndikim pozitiv jo vetëm në shëndetësi por edhe në ekonomi.
Në këtë rast, qytetari orientohet që të zgjedhë alternativën e parë ku thuhet “Shqipëria duhet të lejojë kultivimin, përpunimin dhe eksportimin e kontrolluar nga shteti të kanabisit mjekësor”.
3 komente në “‘Sondazhi’ i qeverisë, qytetarët pyeten për legalizimin e kanabisit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Shqiperia eshte vone. Legalizim i duhet total. Mjaft me ju la ne dore trafikanteve kjo bime.
Cilsat…. Cfare cilsash mor..?
Cilsat ua kane dhane Afganeve..,, atehere s’paskeni kuptue hic…
Hahahhhaaaa
Po aman ore bejeni same pare ,jeni te vonuar . Ka shume njerez qe vuajne nga semundje te tmerrshme dhe do benit mire formen mjeksore ta aprovoni sa me shpejt. Do shpetoni jete njerezish dhe do ulni fitimet e trafikanteve. Vecse duhet te kete rregulla shume rigoroze.