Te fundit
“Nuk e shes besën e babës”, zbardhen mesazhet e 17-vjeçarit që vrau fqinjin në Lezhë
25 Janar 2022, 21:00Kronika
TEMA
Zbulohen detaje të reja se si 17-vjeçari Florian Përvathi e kishte rrënjosur prej kohësh dëshirën e tij për hakmarrje për vrasjen e babait të tij.
Ngjarja ndodhi në 2009-ën kur ai ishte vetëm 4 vjeç dhe babai i tij Gjon Përvathi u vra në derë të shtëpisë nga fqinji i tyre Ndue Lekgjonaj pas një sherri banal për bllokimin e rrugës.
Në tentativë për t’u larguar Lekgjonaj aksidenti me makinë edhe vëllain e Florianit. Tragjedia u bë edhe më thellë pasi nëna e tij kur pa bashkëshortin e vrarë dhe djalin e aksidentuar helmoi veten.
Floriani u rrit jetim nga gjyshërit, por nëse sheh rrjetet e tij sociale duket se janë të mbushura me citime për një hakmarrje që ziente.
Të hënën ai qëlloi me një pistoletë Lek Lekgjonajn, vëllain e personit që i kishte vrarë të atin. Më pas u dorëzua në polici duke u shprehur: “Unë e bëra. Ja ku më keni”.
“Mos u dorëzo kurrë, gjërat e mëdha kërkojnë kohë” – shkruante Floriani në rrjetet sociale ku shihen edhe pasionet e tij për muzikën dhe pikturën.
Ai publikonte edhe këngë të ndryshme, mesazhi i të cilave ishte si më poshtë:
“S’jam ai tipi që e pi. S’jam ai tipi që e shes besën që ia kam dhënë babës. Nuk e thej deri sa të vdes. E nëse vdes diku qaty në Mercedes se dreqi më tha në ondërr ke me vdek.
I ri ia nisa t’u kesh thash moti e di kur des mos qaj. Po falendero Zotin që njëherë unë ekzistova”.
Në postimet e tjera i mituri shihet teksa udhëton me makinë dhe shfaqet në shoqërinë e miqve të tij.
Kryetari i misionit të pajtimit të gjaqeve në Lezhë, Pjetër Gjoka, tha se i njeh shumë mirë dy familjet.
“Disa media thonë se kanë qenë pajtuar. Jo nuk është e vërtetë. Ne kemi ndërhyrë me ato mundësi që kemi pasur, pasi s’ka pasur palë.
Fëmijët ishin të vegjël, bashkëshortja u vetëvra dhe s’kishim me kë komunikonim. Pas 4-5 ditësh kur ndodhi ngjarja, më tha se çfarë të bëj unë; i thash ki kujdes se ngjarja është e rëndë.
I ndjeri më thoshte; skam faj, s’kam pse druaj. Por ç’e do, nuk funksione gjërat kështu. E kam takuar para nja dy muajsh. S’kishte shqetësim.
Vëllai i viktimës së sotme, ka mbaruar dënimin, 4-5 vite burg. Ai ndodhet jashtë shtetit. S’kishte mundësi që të merrte kush përsipër që të bëhej pajtimi. Deri në moment që ndodhi, askush se ka pritur” – tha ai.
2 komente në ““Nuk e shes besën e babës”, zbardhen mesazhet e 17-vjeçarit që vrau fqinjin në Lezhë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Është një plagë në palcë të shpirtit!
Është një dhimbje që kullon gkak edhe tek unë që nuk kasnkë lloj lidhjeje gjaku apo miqësie me këta dy familje!
Është vetvrasja jonë-sociale në radhë të parë-pastaj edhe fizike! Më ushton në kokë: “KUR DO TË MUNDEMI TË TOLEROJMË NJËRI TJETRIN PA QENË NEVOJA TË MARRIM JETË?! KUR PRA?!!!
Askush se ka pritur…?! Sigurisht nuk e kane pritur sepse flinin.