Te fundit
Helidon Bushati jep dorëheqjen nga drejtuesi i Qarkut të Shkodrës: PD po kalon momente të vështira
26 Janar 2022, 14:17Politika
TEMA
Helidon Bushati është tërhequr nga roli i tij si Drejtuesit Politik i Partisë Demokratike për Qarkun e Shkodrës. Në një postim në llogarinë e tij në Facebook, Bushati bën të ditur se vendimi vjen pas një reflektimi të thellë rreth situatës politike dhe zhvillimeve të fundit në PD.
Vendimin, ai thotë se e ka komunikuar edhe tek drejtuesit e PD. Bushati shprehet se PD po kalon momente të vështira, por shton se është i bindur që demokratët do të bashkohen shpejt.
Deputeti demokrat thotë se largimi i tij krijon mundësi për energji të reja dhe mundësi promovimi për emra të rinj.
Ai shkruan:
Të dashur miq!
Bashkëqytetarë dhe shkodranët e mi të nderuar!
Pas një reflektimi të thellë rreth situatës politike dhe zhvillimeve në PD, kam marrë vendimin për t’u tërhequr nga roli i Drejtuesit Politik për Qarkun e Shkodrës. Këtë qendrim, e kam komunikuar me drejtuesit e PD, përpara kësaj shpallje.
PD po kalon momente të vështira por unë jam i bindur se demokratet do të dinë të bashkohen shpejt, e të ringrihen së bashku.
Çfarë i afron sot anëtarët e familjes sonë të madhe politike me njëri-tjetrin është shumë më e madhe se ajo që i ndan, dhe sidomos nevoja jetike që ka vendi për një përballje të fortë me regjimin e mandatit të tretë
Mendoj se me këtë tërheqje timen, krijohen mundësi për energji dhe impulse që do t’i shërbenin PD me synim përbashkimin. E po ashtu, hapen shanse për promovimin e emrave të rinj. Do të vazhdoj padyshim të jem përfaqësues dhe deputet i Partisë Demokratike dhe do të mbroj deri në fund interesat e qytetarëve të Shkodrës e në veçanti të mbështetësve tradicionalë e historikë të së djathtës.
Ndihem çdo ditë i bekuar nga përkrahja që kam marrë dhe marr prej tyre.
Dua të falenderoj përzemërsisht, të gjithë banorët e qarkut Shkodër, demokratët e palodhur, drejtuesit e strukturave dhe bashkëpunëtorët e mi të afërt për besimin dhe mbështetjen e pakursyer përgjatë këtij rrugëtimi.
Një besim që do bëj gjithçka për ta shpërblyer.
Asnjë post, përgjegjësi e karrierë, nuk vlen sot më shumë se sa analiza, dhe shikimi në sy e me përulësi i realitetit. Për PD dhe interesat e saj, nuk është hera e parë që unë bëj një hap të tillë, duke lënë në plan të dytë ambicien personale. Bindja ime e palëkundër është se PD dhe demokratët e meritojnë të japësh për ta.
Ndërkohë, kujtojmë se sa i përket garës për “6 Marsin”, grupi ish-kryeministrit Sali Berisha ka depozituar emrat e kandidatëve për primaret në Bashkinë e Shkodrës.
Mësohet se të dielën në Shkodër do të votojë anëtarësia e PD dhe kandidatët potencialë për këtë bashki janë ish zëvendësministri i Shëndetësisë Bardh Spahia dhe kryetarja aktuale e Bashkisë Voltana Ademi.
Ndërkohë, nga ana tjetër, kryeministri Edi Rama ka zgjedhur Olta Xhaçkën si të deleguarën e socialistëve për të menaxhuar zgjedhjet në Bashkinë e këtij qyteti.
Në Shkodër, PS pritet të kandidojë një grua. Majlinda Angoni, prefektja e qarkut pritet të zyrtarizohet si kandidate për Bashkinë. Kurse, emri më i kuotuar nga PD në këtë garë është Xhemal Bushati.
3 komente në “Helidon Bushati jep dorëheqjen nga drejtuesi i Qarkut të Shkodrës: PD po kalon momente të vështira”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Sa te jete Sali non grata PD nuk do ta ngreje koken…. Qytetaria dufet te distancohet sepse ata qe i shkojne mbrapa jane shpellare….
Me kete opozite Edi Rama do bwj qejf….
Ke bërë gjysmën e punës. Mirë do të ishte të ishe larguar edhe si deputet. Kësaj i thonë një dorë në revani një në kadaif
Karrigen e deputetit e mban te shikoj “interesat e qytetareve”. Por per te zbritur ne terren dorehiqet. Li mandatin meqe do ti japesh nje shanc brezit te ri.. Ahhh putana qe jeni ju..