Imagjinoni sikur jeni në një varkë, në lumë, të rrethuar me pemë, me qiellin blu dhe profesionistë të licencuar që janë në gjendje tju ndihmojnë të kaloni gjendjen depresive në të cilin ndodheni.

Gjysma e parë e asaj fjalie pasqyron pikëpamjen e epokës së Beatles për terapitë me psikedelikë. E dyta është një politikë e re që po iniciohet në Oregon, e cila mund të paralajmërojë një ndryshim të shumë mirëpritur në Amerikë dhe më gjerësisht.

Pikëpamja në vitet 1960 për trajtimet psikedelike nuk ishte dhe aq pozitive. Fatkeqësisht, paniku që ngjalli kjo në Shtetet e Bashkuara mbylli kërkimet për terapitë me psikodelikë dhe e shtyu qeverinë federale të deklaronte se shumica mund të abuzojnë me ilaçet dhe nuk i shërbejnë asnjë qëllimi legjitim mjekësor.

Ky vlerësim ishte i gabuar. Në fillim të vitit të ardhshëm, pas miratimit në vitin 2020, banorët e Oregonit do të jenë në gjendje të përfitojnë nga terapia me psikedelikë. Disa shtete të tjera, duke përfshirë ato konservatore si Teksasi, kanë miratuar kërkime mjekësore për psikedelikët. Rregullatori i barnave në Amerikë mund të miratojë mdma, e njohur si ekstazi, për trajtimin e çrregullimeve të stresit post-traumatik dhe e ka cilësuar psikedelikë si një “terapi kryesore” në trajtimin e depresionit të rëndë.

Agjencia Europiane e Barnave po kryen prova në shkallë të gjerë të psilocibinës për të trajtuar depresionin. Kjo frymë e re është frymëzuar nga premtimi se këto ilaçe mund të trajtojnë sëmundje të ndryshme. Besohet që psikedelikët përmirësojnë depresionin, varësinë dhe çrregullimin e stresit post-traumatik.

Bioteknologjitë e zhvilluara së fundmi po përpiqen të eleminojnë stigmën që përgjon përdorimin e ilaçeve rekreative për qëllime medicinale. Hulumtimi po kryhet për të fituar më shumë njohuri në lidhje me psikedelikët si Psilocybin dhe Acid Lysergic Diethylamide (LSD), të cilat kanë dhënë rezultate premtuese në trajtimin e çrregullimeve të caktuara psikiatrike.

Psilocibina është një halucinogjen i pranishëm në disa kërpudha. Kjo gjithashtu përfshin LSD, një halucinogjen që mbart potencialin për të shtrembëruar perceptimin e njerëzve për realitetin.

Kohët e fundit, besohej se kompleksiteti i trurit paraqiste maksimumin kur një person ishte i vetëdijshëm, por ato në fakt paraqesin një përfitim tjetër, pasi kompleksiteti i trurit në një gjendje të shkaktuar nga psikedelika tejkalon kompleksitetin e trurit gjatë zgjimit normal, raporton abcnews.al

Por ende është e paqartë se si funksionojnë prandaj nevojiten më shumë kërkime. Në një studim, 14 muaj pas marrjes së psikedelikëve përdoruesit thanë se vendimi për të marrë këtë ilaç ishte ndoshta vendimi më domethënës i jetës së tyre.

Është e vërtetë që përvojat e raportuara janë subjektive. Psikedelikët do të jenë të disponueshëm vetëm pas ekzaminimit për probleme të tilla si skizofrenia ose problemet e zemrës. Disa mund të zbulojnë se psikedelikët nuk janë terapia e duhur, pasi sigurisht ilaçi nuk është një kurë për të gjitha sëmundjet.

Pas Oregonit, shumë shtete duhet të ndjekim shembullin e tij. Iniciativat si ajo e Oregonit janë thelbësore për të ndihmuar ata që sot vuajnë nga çrregullimet neurologjike.