Te fundit
Pse u zemëruan hebrenjtë me korrigjimin e fjalorit Duden
17 Shkurt 2022, 20:10Bota
TEMA
Një korrigjim i fjalës “hebre” në fjalorin gjerman Duden zgjoi zemërim në komunitetin hebre të vendit.
Fjalori Duden kishte shkruar se “herë pas here, termi hebre perceptohet si diskriminues për shkak të kujtimit të përdorimit të gjuhës nacionalsocialiste”.
“Në këto raste, zakonisht zgjidhen formulime të tilla si populli hebre, bashkëqytetarët hebrenj ose njerëzit e besimit hebre,” – shkruhej në fjalor.
Kjo solli një protestë nga grupe hebrenjsh të cilët theksuan se identifikimi si hebre nuk është diskriminues.
Kreu i Këshillit Qendror të Hebrenjve në Gjermani, Joseph Schuster, tha javën e kaluar se për të fjala “hebre” nuk është as sharje dhe as diskriminuese.
“A është mirë të thuash hebre? Po”, tha Daniel Botmann, drejtori ekzekutiv i Këshillit Qendror të Hebrenjve.
“Ju lutemi mos thoni ‘bashkëqytetarë hebrenj’ ose ‘njerëz të besimit hebre’”, shtoi ai në Twitter.
Botuesi i Duden reagoi ndaj kritikave dhe përditësoi përsëri përkufizimin e tij të hënën për të pasqyruar kontributin e komunitetit hebre.
Çështja pasqyron ndjeshmërinë e vazhdueshme në Gjermani mbi antisemitizmin, më shumë se 75 vjet pas Holokaustit.
Më shumë se 6 milionë hebrenj evropianë u vranë nga Gjermania naziste gjatë Rajhut të Tretë.
Komuniteti hebre dikur i lulëzuar i vendit u reduktua nga rreth 600 mijë në vetëm 15 mijë para se rreth 200 mijë hebrenj të emigronin në Gjermani pas shpërbërjes së ish-Bashkimit Sovjetik.
4 komente në “Pse u zemëruan hebrenjtë me korrigjimin e fjalorit Duden”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
1 gje nuk arij dot ta kuptoj.
Si jane vrare 6 milione hebrenj. Gjermania shteti qe kishte me shume hebrenj kishte 600.000 , gjysma iken sa filloi lufta ,pra ngelen per tu vrare rreth 300.000 . Keta 5.700.000 ku kane jetuar, se nuk me del hesapi.
Wikipedia: nga gjithsej 15-17 milion viktima, 5-6 milion ishin hebrej.
Një fjalëe urtë thotë:Kali që kapet e fshinë lëmën.
Në këtë rast lëmën e fshiu gjermania!Hebrejtë që i vrau Stalini ia bashkangjitën gjermanisë.
O Ben , del llogaria po te mendosh se ne Europen e pushtuar nga nazistet u be nje gjueti shtrigash ndaj hebrenjve. Pra hebrenjte , u spiunuan e u mblodhen e egzekutuan jo vetem ne Gjermani, por dhe ne France, Greqi, Hollande, Belgjike,Itali,etj. Kulmi i rezistences qe bene hebrenjte ndodhi ne “Geton e Varshaves” qe perfundoi ne nje masaker te vertete. Eshte per tu shenuar qendrimi i Monarkut danez , i cili vendosi yllin e Davidit, duke u thene nazisteve pushtues ne krye te bashkadhetareve te tij, se te gjithe danezet ishin hebrenj duke dale hapur ne mbrojtjen e tyre.