Afera e inceneratorëve, Monika Kryemadhi: Do djeg mbetjet politike në krye të Rilindjes

Kryetarja e Lëvizjes Socialiste për Integrim, Monika Kryemadhi vijoi postimin në rrjetet sociale të shkesave zyrtare, të cilat sipas saj vërtetojnë aferën korruptive të krerëve më të lartë të shtetit me çështjen e inceneratorëve.

Kryemadhi publikoi disa dokumente, ku sipas saj, drejtori i Agjencisë së Prokurimeve, njoftonte ministrin Koka dhe sekretarin e Këshillit të Ministrave se procedura e përzgjedhur  për inceneratorin e Elbasanit, nuk parashikohet në ligj.

Monika Kryemadhi përsëriti thirrjen drejtuar SPAK që vijojë hetimet për zbardhjen e së vërtetës.

Postimi i Monika Kryemadhit

Inceneratorët që u nisën për të djegur mbetjet urbane, do djegin mbetjet politike në krye të Rilindjes!

Përgjegjësia penale për inceneratorët ka fytyrë, emër, firmë dhe vulë! Çdo ditë që kalon po shohim sesi presioni mbi prokurorët e SPAK po shtohet, ndaj do vijojmë të zbardhim çdo përgjegjës, me prova e fakte ku rezulton se janë konsumuar vepra penale, me qëllim që nesër të mos ketë askush dyshim, se e vërteta ishte e pamundur për t’u zbuluar.

Ftoj edhe njëherë prokurorët e SPAK, që të hetojnë thellësisht në zbardhje të së vërtetës, si dhe publikun të shikojë dokumentet që kanë firmosur zyrtarët e shtetit të tyre.

Po evidentoj sot para jush përgjegjësinë e Edi Ramës, Engjëll Agaçit, ish Ministrit Koka, në miratimin e një koncesioni të paligjshëm, duke shkelur çdo parashikim të ligjit.

Shikoni sesi, zoti Eduard Ahmeti, në cilësinë e Drejtorit të Agjencisë së Prokurimit Publik, e ka njoftuar zyrtarisht Ministrin Koka dhe Sekretarin e Përgjithshëm të Këshillit të Ministrave, Engjëll Agaçi, se procedura e përzgjedhur “negocim pa shpallje” për inceneratorin e Elbasanit, NUK PARASHIKOHET në legjislacionin e koncesioneve.

Sekretari i Përgjithshëm, Agaçi, i cili është personi përgjegjës në bazë të ligjit 9000/2003 “Për Organizimin dhe funksioninim e këshillit të ministrave”, për organizimin e rendit të ditës së mbledhjeve të Këshillit të Ministrave, si dhe është personi përgjegjës për verifikimin e përputhshmërisë ligjore të akteve që futen për miratim në Mbledhjen e Këshillit të Ministrave, me vetëdije ka vazhduar proceduren e miratimit të vkm për financimin e një kontrate të paligjshme, edhe pas njoftimit nga agjencia e prokurimit publik.

Mjafton ky fakt për të kuptuar se këta nuk pyesin as ligjin dhe as agjensitë e tyre kur bëhet fjalë për të vjedhur shqiptarët.

Këshilli i Ministrave financon me VKM, një kontratë që rrjedh nga një procedurë e paligjshme (sipas ligjit 125/2013 dhe shkresës së APP). Dhe nuk ndalemi këtu.

Është vetë kupola që kujdeset për lejen e ndërtimit, po po, ai i gjati që nuk firmos kurrë, ai që të gjithë ja punojnë pas krahëve. Është ai që këtë herë nuk ka alibi, pasi me firmë dhe vulë të tij ka firmosur leje ndërtimi për një procedurë të paligjshme.

Faktet janë, le të inkurajojmë të gjithë drejtësinë e re, që t’i shohë siç duhet dhe të veprojë siç ja parashikon ligji!

FOTO: Edhe Flamur Noka në rrethin e ngushtë të klanit Osmani, arrestuar për drogë

19:08 Politika

Pas 30 vitesh Berisha iu bën thirrje demokratëve të mos votojnë PD-në

19:45 Politika

Disa pikëpyetje për çështjen Meta dhe vendimin e Gjykatës Kushtetuese

18:30 Politika

Qyteti i rrethuar me mina, ushtria merr vendlindjen e bosit “10 milionë dollarësh” të drogës

17:45 Politika

Taulant Balla fillon fushatën në Lushnjë: T'i jemi mirënjohës Edi Ramës që siguroi aq shpejt fondet për tërmetin

13:32 Politika

Thirrja e ambasadorit britanik: Qytetarët shqiptarë meritojnë një fushatë zgjedhore të drejtë

13:10 Politika

Basha e nis me selfie fushatën: Dy dashni kanë shkodranët, PD-në dhe Vllazninë. Jeni kryeqendra e qytetarisë

12:41 Politika

Kandidati i PD në Shkodër: Program emergjent për të zgjidhur problemet e qytetit

12:13 Politika

VIDEO/ Zgjidhjet e 6 Marsit, Basha e nis fushatën nga Shkodra

11:40 Politika

FOTOT: brenda bunkerëve që u ndërtuan nga rusët dhe që tani do të shërbejnë kundër tyre

10:15 Politika