“Betejat e Humbura të Tiranës”, Bamir Topi surprizon me librin e ri: Kam folur me emra, kjo është e vërteta ime

Bamir Topi ka prezantuar pasditen e sotme, librin e tij të ri të titulluar “Betejat e Humbura të Tiranës”.

Në aktivitetin ku merrnin pjesë artistë, politikanë, si edhe historianë, ish presidenti tha se ka përfshirë çështjen e vjedhjes së pronave në vitin 1990, për të cilën thotë se ka folur me emra.

Sipas tij, në këtë vepër ka përfshirë të vërtetat nga këndvështrimi i tij si ish kreu i shtetit.

“Në vitin 1990 kur të gjithë prisnin me padurim rikthimin e plaçkës së vjedhur, për pronën, ajo pronë pastaj u rivodh në mënyrën më të sofistikuar. Pikërisht këtu, jam i detyruar të flasë për një gjë që ka ndodhur këtu. Megjithatë dua ta dëshiroj që ta lë këtë pjesë në kuriozitetin e lexuesit. Kam folur me emra dhe mbiemra. Kam folur për të vërtetën. Kjo histori ngjan si historia e një operatori që merr aparatin dhe filmon. Unë them të vërtetat e mia në këtë libër. Gjëja e parë që kam lexuar, kur të thuash të vërtetat përgatitu mirë. Sepse, gënjeshtarët do të përgatiten mirë për të kundërshtuar. Këtë e kam pasur mirë, çdo ditë që kam shkruar.

Unë jam nisur nga qenia ime patriot dhe njeri i paqes, një njeri që do të ndërtojë ura komunikimi. Një njeri që do të thotë të vërtetën. Këtu ka shumë të vërteta. Do shikoni gjëra interesante që kanë parë sytë e mi. Njeriu kujton shumë, personazhe, personalitete. Ka qenë një fat i madh, që sa dilje shikoje Vaçe Zelën, se e kisha komshie. Ishte këtu. Rrethuar nga institucionet, këta njerëz nuk i sheh më. Kjo nuk është vepër e vetëm një individi. Këtu çdo njeri tregon për mirë ose për keq.

Do ju them një moment që lidhet me vitin 1989. Kjo i jep një dimension tjetër asaj që unë jam munduar të paraqes. Në pritje të datës së doktoraturës në universitetin e Torinos, vjen një studente me tabaka në dorë dhe më tha, a mund të hamë drek bashkë. Patjetër i thashë. Ku e ke të fejuarën më tha. Unë në mencë shkoja me kolegen time. Është kthyer për pushime në Shqipëri i thashë. Nga jeni ju? Shqiptarë. U ngrit menjëherë. Më tha që ju jeni jashtëtokësorë. Ajo më tha se jetonte në një vend në Itali, është hera e parë që kam parë një shqiptar” – tha Topi.

Ndërkohë, historiani Neritan Ceka, gjatë fjalës së tij, u shpreh se në këtë libër Bamiri ka dashur të tregojë Tiranën e të tjerëve dhe jo vetëm Tiranën e tij.

“E kujtojmë të gjithë që Tirana ka pasur një revolucion të gjatë. Libri që të mbush me emocion. Është një histori e përpjekjes për të kthyer Tiranën në një hierarki vlerash, duket se beteja janë të humbura, por brenda ka edhe disa beteja të fituara. Unë mendoj që atje ku përmendet Vace Zela, sportistët që ne i mbajmë mend, kemi vlerat e krijuara nga Ismail Kadare dhe vetë lindja e disidencës ku ne themi se Tirana nuk ka pasur, ju them të lexoni librin e Bamir Topit. Fakti është që disidenca gjithmonë ka qenë tek rinia…Diçka nuk mund të na e merrnin dhe ato janë kujtimet…”, tha Ceka.

Roli i shqiptarëve në konfliktet jashtë kufijve politik

11:29 Kulturë

O të mjerë, Elsa Lila është ikonë e muzikës shqiptare, para se të jetë socialiste

19:39 Kulturë

Kërkesa që Fan Noli të varrosej në Shqipëri shkaktoi debate në Vatër dhe në Këshillin e Peshkopatës Shqiptare në SHBA

17:12 Kulturë 1 koment

Të shkëmbesh letra me një ukrainas, në kohë lufte...

09:38 Kulturë

Publikohen mesazhet e Koço Devoles: Nga rrëfimet për pushimet, tek lufta me shëndetin dhe humori me bashkëshorten në natën e parë të martesës

13:41 Kulturë

"Shenjat e Kujtesës", historia mijëra vjeçare e Durrësit

13:27 Kulturë

Vera Bekteshi fiton Çmimin Kadare me romanin “Pusulla Letre”

11:27 Kulturë

Shuhet shkrimtari Luan Starova, një nga intelektualët më të njohur shqiptar në Maqedoni

23:10 Kulturë

Frano Prendi themelues i arkeologjisë së periudhës së prehistorisë

11:24 Kulturë

143 vite nga lindja e hartuesit të proklamatës së Pavarsisë

14:42 Kulturë