Te fundit
Muli i mahnitur si dasmor në Romë
14 Shtator 2025, 18:22Antena
TEMA
Pas ftesës për të marrë pjesë në dasmën luksoze të djalit të Jozefinës, Muli u ndje shumë i respektuar që merrte pjesë për herë të parë në një dasmë luksoze në “Villa Miani”. Vila ishte në qendër të Romës, nga ku dukej edhe katedralja e Vatikanit.
Surpriza e parë ishte që Jozi kishte ftuar vetëm atë dhe Argitën nga hierarkia e PD. Domethënë, i bie që ajo njeh trashëgiminë e Argitës në parti për numrin 1 dhe të timen si nr. 2.
Surpriza e dytë për Mulin ishte që dasma bëhej në Itali për të theksuar lidhjet e vjetra mes Italisë dhe familjes së zonjës Topalli. Kjo do të thotë që lidhjet e reja mes Italisë dhe Tritanit që gënjejnë Doktorin janë kot.
Surpriza e tretë ishte se Muli e kishte për herë të parë të merrte pjesë në një dasmë pa orkestër dhe pa tupanë.
I kënaqur nga ftesa, zuri vendin e vet në tavolinë dhe po ndiqte dasmën.
Kur hyri brenda, u porosit të mos bëheshin foto, sepse dasma ishte private.
Pastaj pa në krah një gazetare nga këto që bëjnë lajme për vajzat kur zënë të dashur.
– Po ti këtu? – i tha. – Si je futur? Se ndalohet rreptësisht të bëhen foto.
– Jo, ne jemi të ftuar kastile nga nusja – tha ajo.
Nga krahu tjetër pa një regjisor të TV Klanit, nga këta që bëjnë kronika lajmesh kur ndahen vajzat nga të dashurit.
– Po ti? – i tha. – Si je futur këtu? Se më thanë që ndalohen filmimet.
– Jo o, – tha ai, – ndalohen për ju që t’i kemi ne ekskluzive.
– Ah, dakord, – tha Muli.
Pastaj pa zonjën Karo që po fotografohej në hollin e vilës duke ndërruar fustanet.
– Po dhe ti do t’i postosh? – i tha.
– Patjetër – tha zonja Karo.
– Po do t’i prishësh punë se ajo ka thënë që është dasmë private dhe nuk do të dalin këto gjërat luksoze, se jemi në opozitë dhe të varfër.
– E kështu tha dhe Zeni kur bëmë dasmën luksoze në veri të Italisë. Me Zenin mos i ndani fotot, pastaj Amrisa i ndau vetë e para. S’kam pse dështoj këtë radhë – tha.
– Dakord, – tha Muli, – por të kemi zëdhënëse të partisë për t’u treguar popullit që qeveria jeton në luks dhe ne në varfëri dhe jo e kundërta.
– Është strategji e gabuar – i tha zonja Karo. – Vetëm kur të na shikojnë sa mirë jetojmë do plasin nga inati dhe do na japin votën. Ndryshe nuk të respektojnë.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Fshati digjet Jozi krihet.
Sigurisht që zhelja ka ftuar dy kokat pa tru të PD Saliun dhe flamurin, ndërsa :Sala ka dërguar të bijen në këmbë të tij.