Te fundit
Pse nganjëherë na vjen sikur e liga bëhet shumicë?
1 Nëntor 2024, 14:24Blog
Nga Frrok Çupi
Gruaja që kishte mbërritur në studion televizive me ‘misionin’ për të mbartur të ligën, për një çast na u duk më e fuqishme se vetë kryeministri i vendit. U ngul diku nga fundi i radhës, qetë- qetë…, ore si nuk i lëvizte asnjë nerv dhe përsëriste të njëjtat fjalë: ‘Pa dhënë lekë nuk shërbehesh në spital!’.
Çfarëdo që të thoshte kryeministri, gruaja që bënte ‘një gënjeshtër’ dukej më e fuqishme.
E tërë çështja nuk është se një person rekrutohet për të thënë të pavërteta, i jepet mikrofoni, dhe ajo e thotë ‘pa pikë nervi’! Jo, sigurisht, ajo ashtu jeton.
Themeli është ky: Pse na mbyt e liga, edhe pse gjithnjë në jetë është më e vogël se e mira. Sidomos tani në vendin tonë, e mira është padyshim maxhorancë.
Ose: Si ndodh herë pas here që ti, psh., sapo je kthyer nga spitali, ke parë me sy e ke prekur atë çfarë ndodh aty…, vjen në shtëpi, hap ekranin dhe dëgjon njeriun që gënjen po për spitalin. A nuk të ka ndodhur që të ndalosh për një çast para të ligës që thotë tjetri e t’i thuash vetes: ‘Jam unë apo nuk jam?”. Unë për vete pata rastin që sapo kthehem nga spitali ‘Nënë Tereza’. Shkoni dhe hidhini një sy, shikoni një realitet që s’ka ndonjë ndryshim nga spitalet më të mira në Evropë… Po derisa të mbërrish në Spital ku shikon më shumë bluza të bardha se pacientë, sigurisht do të jetë vonë për t’u çliruar nga e liga që t’u hodh para syve në ekran. Ekrani kurrë nuk shkon te realiteti.
Por më konkrete: Biseda ime me një mik po kaq dyshues mes të ligës dhe të mirës. Çfarë më tregoi?
I ishte ulur një i njohur aty pranë, me bisedën po për spitalet.
-I dhashë infermieres 50 mijë lekë!- i paska thënë tjetri.
-Sa, more? Ti 50 mijë. Ku i paske gjet more dreq?
– Ia dhashë me zor, në fakt!,- tha ky si i përvuajtur. “Jo!” më tha, por unë ia dhashë…
– Ia dhe, apo t’i kërkoi?
“Në atë moment mu bë sikur kisha pranë vetë ligësinë- më tha miku im, zakonisht dyshues.- I thashë ‘çohu, çohu e mos të të shikoj këtu; mashtrues!’ Iku’.
Po çfarë ndodh që edhe kur e ke parë vetë spitalin- bie fjala- të vjen ta dëgjosh për një çast të ligën që nuk ekziston. A thua po i japim argat të ligës? Edhe mundet, sepse njeriu për nga natyra, tërheq për nga lajmi i keq. Këtë ‘natyrë’ e merr media si ushqim dhe i nxin pamjen gjithë shoqërisë.
Apo ndodh sepse që në ngjizjen e vet njeriu është ‘mëkatar’; mëkati i duket më i lehtë kur e thotë. Që me mollën e Adamit u krijua dobësia e djalit; edhe pse nuk ishte ashtu. Shkaktar i të këqijave, që edhe nuk ekzistojnë, bëhet njeriu. Në rastin tonë, edhe globalisht, nuk ka gjë më të keqe se lajmi i rremë. Ja, sjell në studio shtatë a tetë militantë që i merr nga ‘nën- ballkoni tetë’ dhe ata gënjejnë ‘pa i lëvizur qerpiku’.
Edhe vetë kryeministri i vendit duket si më ‘i pafuqishëm’ se gënjeshtari. Sigurisht, jo vetëm këtu. Botërisht njihet zotësia e të ligut, ai po të futi në rrethin e tij, ti nuk e mund dot… Për ta mundur duhen mjetet e tij, që janë mashtrimet. Ti a i ke këto mjete?
Më e përtejme, shqetësimi është se shpesh herë hajdutët që nga burgu vishen me fuqinë e viktimës. Këta duket se po thonë “Populli na ka hyrë në hak pse e vodhëm ne”. Edhe mëkatarët e tjerë, në mini- minorancë, na bëhet herë pas here sikur kthehen në shumicë.
Është vetëm opsesion, por ja që është diçka.
8 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Frroku kokrra e legenit. Ky nuk ka ndjesi as per moshataret e tij sepse te ligut Frrok per poashtersine qe shfaq ne cdo shkrim i japin kocen per ta lepire dhe nuk jeton me hallet e brezit te trete.
Luan, genjen veten, nuk je gje tjeter veçse nje qen, por qen i saliut, qe here pas here te hedhe nga nje cop buke, .... keshtu vazhdo
Perse shkon k/ministri të Blendi i zi?
Që të shpërndajë erën (aromën) e keqe të mashtruesve. Ja që ti, unë e të tjerë nuk e kemi atë mundësi.
Ne spital po nuk pagove nuk te kap njeri me dore ,dhe analizat te thone beji te privati qe te paguash z. Cupi fshije ate artikull se te lexoj gjithmone e kam respekt per ty ,po gabon njeriu ndonjehere edhe shume i zgjuar te jete
Gjeli, Frroku ate artikull e ka shkruajtur per ty, dhe shoket e tu, . . . Ne kohen e saliut spitalet vinin era urin, ate do ti, ...
jam bere operacion ,ne urgjence, vite perpara Pervec kujdesit te shtuar ,2 here scaner brenda disa oreve, per shkak te dhimbjeve,u futa ne operacion me mjeket qe ishin roje, Operacion 4 oresh ,.Nuk me kerkoi njeri leke as para as pas operacionit . Po asnje asnje,Ndenja nje jave ne spital nuk .e kerkoi as personeli ndihmes ( beja shume serume e gjelpera ,as bleva ilaçe,as materiale. Ju skllever bij sklleverish i jepni vete leket, se ju duket se do te jua bejne me mire sherbimin . ,Vazhdoni te ankoheni kur dilni nga spitali seskllever jeni.
Në 90% të rasteve është ashtu siç thotë Drini. Vetë si para, edhe pas '90, jam shtruar 8 herë në spitale, por lekë as më ka kërkuar njeri dhe as kam dhënë. Ç'është e vërteta deri ca vite më parë (nuk e di sot), shërbimi linte për të dëshiruar dhe në këto rrethana kishte njerëz që u jepnin diçka, tek 500-1000 lekë, kryesisht infermierëve. Kur ishte fjala për mjekët, kryesisht kirurgëve u jepnin dhe më shumë, por këta edhe pse nuk i kërkonin përsëri i pranonin. Duhet pranuar, se meqë nuk kam paguar unë, nuk e kanë bërë këtë të tjerët, ndaj ky fenomen ka ekzistuar. Por duhet parë ca dhe nga vetja. Dëgjoj shpesh pensionistë me kostume, kollaro e borselino që ankohen se pensioni nuk u del (në vend që të ankohen vërtet hallexhinjtë), sepse paguajë ilaçet. Gënjejnë sepse pensionistët për sëmundje kronike si diabet, zemër, tebsion, sistemi kardiovaskular etj. si këto ilaçet i marrin falas. Frroku ka të drejtë, sepse fatkeqësisht tek ne mashtrimi ka fituar të drejtën e qytetarisë dhe e keqja është që shtypi, media në përgjithësi, edhe pse e dinë që nuk është ashtu, përsëri u bëjnë vend mashtruesve, kur si pushtet i katërt, ky nuk është ky misioni i saj.?!?!...