Te fundit
Pse nuk hyn në sy sfida e Bashkisë te PD?!
28 Shtator 2025, 18:40Blog
TEMA
Nga Ben Andoni
Sot duhet të ishte emri i kandidatit demokrat për Bashkinë e Tiranës dhe madje i gjithë shtabi i tij. Ose më saktë: Qysh ditën që Velija mori udhën e përballjes me drejtësinë, strukturat e Partisë Demokratike duhet të mendonin për alternativën e tyre. Koha po tregon se edhe protestat e vazhdueshme të opozitës më 2024 dhe bash në periudhën më të vështirë të vitit gjatë verës e kishin një qëllim: Rrëzimin e Velisë. Por sot, gati shtatë muaj më pas nga ndalimi i tij, kur Partia Socialiste ka kandidaten dhe madje edhe drejtuesit politikë, nga ana e PD-së ka një rehati dhe qetësi, sikur ta kenë pasur drejtimin e bashkisë së kryeqytetit prej kohësh. Problemi i parë statistikor që lidhet me përballjen zyrtare të vitit 2023 duket se është i pakapërcyeshëm. Votat e Këlliçit nuk mjaftojnë (100.425 votat: 34.58%); votat e Bejkos nuk ‘përfillen’ (12,398 vota: 4.27%) edhe pse u la në baltë nga të tijët (!); kurse partia e Qorrit (arriti plot 13,851 vota: 4.77 %), pjesë e partive të vogla por më shumë identitet, nuk pranon bashkëpunimin me Berishën; kandidatët e tjerë kanë peshë të papërfillshme po të ndiqet ajo logjikë elektorale. Problemi i dytë duket edhe më shqetësues. Askush nuk do të donte një fitues nga opozita nga njerëzit e saj, për shkak se ai hiqte narrativën kryesore që lidhet me qenien e Berishës në krye dhe këtë lloj status quo-je. Kryetari historik nuk mund ta udhëheqë dot fushatën në terren, kurse të tjerët fshihen pas kurrizit të tij. Berisha e justifikon lehtë humbjen, kurse për këdo tjetër është gati vrasje politike. Që do të thotë: Një fitore e një individi të PD-së ose opozitës së bashkuar do të krijonte një perceptim për mundësitë edhe pa Berishën. Askush nuk e do këtë realitet sepse nuk duan protagonistë në një hapësirë ku janë të ndara zonat e influencës dhe e dyta është se aristokracia e Opozitës është më mirë në pozitën që të kritikojë, ofendojë dhe të nëmi, në vend që të ndërtoj dhe të sfidojë. Këtë e shikon sot publiku në një fushatë të panisur për të kandiduar një emër dhe që po zgjat kaq shumë e pa sens te Partia Demokratike, por edhe amalgamën e qëndrimeve të njerëzve të saj sa i përket betejës më të afërt. (Javanews)
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Te pjerdhsha mu ne shkrim o Ben,si gjithmon na servir qofte me leng.
Në PD janë bërë pishman që protestonin kundër Erjon Veliajt. Këlliçat protestonin,,por nuk ua merte mëndja se Erjoni do të largohej në mes të mandatit.... . Kjo e ka vënë në pozitë shumë të vështirë PD , sidomos Sali Berishën...... Ç'na u deshën neve ato protesta. Hë tani!? ....... . Dhe problemi nuk është se nuk po gjejnë kandidat.... . Problemi është humbja.... . Dhe çdo personi që Berisha e thërret, prandaj nuk pranon të kandidojë. Sepse e pret humbja........ . Dhe pikërisht, kjo garë me humbje të sigurtë, nuk i duhet Berishës....... . Rama i thotë : - Ti vodha zgjedhjet. Urdhëro, ja ku po përsëritet Tirana. Fitoje në ta mban..... . Vërtetoje se zgjedhjet parlamentare u vodhën...... . Dhe humbja më këto 6 bashki, do të jetë një problem për Berishën..... . Largimi i tij, pas kësaj, qëndron në rendin e ditës të çdo diskutimi për shpëtimin e PD.