Te fundit
Sali Berisha si Tinto Brass, por vetëm në revolucion s’ka seks!
13 Shkurt 2023, 18:40Blog
TEMA
Nga Ardit Rada
Sali Berisha ka një javë që shantazhon diplomatët e huaj në Shqipëri, se disponon video me përmbajtje erotike. Inatin e ka me Yuri Kim të SHBA dhe Alastair King-Smith të Mbretërisë së Bashkuar, por nuk ua adreson atyre videot drejtëpërdrejt. Qëllimi është i qartë: Të mbajë nën presion sa më shumë diplomatë që përfaqësojnë vendet e tyre në Shqipëri, sepse mund të këtë dhe të tjerë që e kanë në listën e zezë.
Turpi i parë në këtë histori është fakti se një 80-vjeçar shantazhon me video erotike, pavarësisht se çfarë përfaqëson dhe sa zgjedhës ka pas. Nuk besoj se Sali Berishën e kanë votuar për të sfiduar regjisorin italian të filmave me pullë të kuqe, Tinto Brass. Turpi i dytë ka të bëjë me mentalitetin që përfaqëson ky individ sa herë që drejtësia kujtohet për të.
Në momentet që dhëndrin ia therrasin për ish-kompleksin Partizani dhe djalin për Gërdecin, ky njeri i dalë mendsh para kamerave përpiqet t’i prekë në sedër shqiptarët se McGonigal, ambasadorë dhe anëtarë të qeverisë kanë bërë seks. Dhe mbrohet kur i kërkojnë hesap publikisht se “nuk bien në nivelin që t’i publikoj”.
Shkon edhe më tej, duke fyer gratë e Kuvendit: “Kush është e interesuar? Kush ka frikë? Se ua nxjerr unë, por pranojeni kush ka frikë”. Kush nuk bën seks Sali? Seksi është i ndaluar vetëm gjatë revulcionit. “Në revolucion nuk ka seks, ka miqësi revolucionare” – thoshte një ish-idhulli yt para se të ndërroje lëkurë.
Në ditën e dytë të revolucionit duket se populli e ndëshkoi këtë personazh të lodhshëm e të lodhur më shpejt se mazhoranca dhe drejtësia. I katandisur një thelë si kokoshi i fabulës, braktisja që i kanë bërë atij është përgjigja më e mirë për zgjedhjet që pritet të vijnë. Por është edhe një tegues për gjysmën tjetër të opozitës nëse ia vlen të bashkohen më një çerek opozite dhe një gjysmë burrë?!
Sot Shqipëria diskuton në Perëndim se kur do të bashkohet me Europën. Kjo është sfida e vërtetë, që me ç’duket e pengon akoma Sali Berisha që do të na paraqitet si arshivist përgjimesh. Ndaj, në mos drejtësia të bëjë punë, lidheni me këmishën e forcës. Se ia mori fytyrën një vendi të tërë…
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Arrestojeni nje minut e me pare, o prokurore! Arrestojeni te cmendurin! Arrestojeni intrigatin, Arrestojeni injorantin, Arrestojeni kryekriminelin, Arrestojeni halene, Arrestojeni, njeriun qe po shkaterron vendin, Shqiperine!
Ta arrestojne?! Je vertet naiv, apo ben miun elektronik. Pa Saliun perballe kjo Qeveri bie per tri dite.
Shume fyese per nje parti qe pretendon te marre pushtetin dhe duke filluar nga kryetari merren me konspiracion me erotike me babale dhe nje here te vetme nuk i degjon per ata qe i interesojnë popullit ,qe te japin voten,se si dhe çfarë do bejne me mire po moren pushtetin,si do bejne per uljen e çmimeve ,qe po na rjepin te gjalle a do vrasin perseri njerez ne protesta ,si do veprojnë me reformën ne drejtesi.Mirepo ata nuk merren me keto pune por o burra te rrezojne Ramen me ata pak njerez si Haxhi Qamili se e kujtojnë vendin tone si ne 98