Te fundit
A ka "shpëtim" Donald Trump
2 Gusht 2023, 10:27Bota
TEMA
Donald Trump të martën u akuzua për lidhjen e tij mbi tentaivën për përmbysjen e zgjedhjeve të vitit 2020.
Aktakuza, e treta me të cilën përballet aktualisht, komplikon sfidat e tij ligjore teksa kandidon për nominimin presidencial republikan në vitin 2024.
Aktakuza e akuzon Trumpin për komplot për të mashtruar SHBA-të, komplot për të penguar një procedurë zyrtare, pengimi dhe tentimi për të penguar një procedurë zyrtare dhe konspiracion kundër të drejtave.
Tre nga këto akuza janë konspiracione, që do të thotë se prokurorët pretendojnë se Trump i ka kryer ato së bashku me njerëz të tjerë.
Prokurorët pretendojnë se çdo komplot “shënjestroi një funksion themelor të qeverisë së Shteteve të Bashkuara: procesin e mbledhjes, numërimit dhe certifikimit të rezultateve të zgjedhjeve presidenciale”.
Prokurorët pretendojnë se Trump me vetëdije ka përdorur gënjeshtra për votat në shtete të ndryshme për të prishur certifikimin e zgjedhjeve të vitit 2020.
Ai akuzohet se u ka bërë presion zyrtarëve federalë dhe shtetërorë për të kundërshtuar rezultatet e zgjedhjeve, pavarësisht se këshilltarët e tij të lartë dhe aleatët e ngushtë i thanë atij se akuzat për mashtrim të votuesve nuk ishin të vërteta.
Aktakuza detajon bisedat e supozuara që ai dhe bashkëpunëtorët e tij kanë pasur në ato përpjekje, duke përfshirë përpjekjet për të detyruar zëvendëspresidentin e atëhershëm, Mike Pence, të refuzojë votat elektorale në procedurën e certifikimit më 6 janar.
Aktakuza thotë se Pence i ka shtyrë në mënyrë të përsëritur këto kërkesat.
Në një bisedë, Trump dyshohet se i thotë Pence: Ti je shumë i sinqertë.
Në aktakuzë, prokurorët thanë se Trump kishte të drejtë si qytetarët e tjerë amerikanë të fliste publikisht për zgjedhjet, madje edhe të pretendonte se kishte pasur mashtrim votuesish.
Megjithatë, Trump ka shkelur ligjin kur përdori gënjeshtra për të destabilizuar procesin zgjedhor, thanë prokurorët.
Trump është i pandehuri i vetëm i përmendur në aktakuzë.
Ndërsa prokurorët thonë se Trump përdori bashkëpunëtorë për ta ndihmuar në përpjekjet e tij për të përmbysur rezultatet e zgjedhjeve dhe për të qëndruar në pushtet, këta njerëz nuk përmenden.
Prokurorët mund të kenë akuzuar vetëm Trump në një përpjekje për ta mbajtur çështjen sa më të drejtpërdrejtë që të jetë e mundur dhe për të shmangur betejat ligjore që mund të vijnë me bashkë-pandehur të tjerë.
Çdo bashkëpandehur shtesë që shtoni, shton numrin e betejave ligjore dhe kohëzgjatjen e kohës nga aktakuza deri në gjykim.
Duke akuzuar vetëm Trump-in, ekziston një shans shumë realist që ky gjyq të ndodhë shumë përpara zgjedhjeve të vitit 2024.
Pas aktakuzës së të martës, Trump dërgoi një email duke iu referuar aktakuzës si një përpjekje për të ndërhyrë në zgjedhjet e 2024.
“Siç e dini, nuk kam bërë asgjë të keqe”, thuhej në email.
Statutet e akuzuara nga prokurorët kërkojnë qëllime kriminale.
Trump mund të argumentojë se kur ai bëri pretendime për zgjedhjet ai po vepronte me mirëbesim.
Megjithatë Trump ka të ngjarë të përballet me një betejë të vështirë.
Akuza tregon se prokurori i posaçëm ka prova që individë nga Shtëpia e Bardhë deri te fushata e rizgjedhjes së Trump në Departamentin e Drejtësisë dhe zyrtarë shtetërorë i thanë të gjithë Presidentit Trump se përpjekjet e tij për të përmbysur zgjedhjet ishin të gabuara dhe të paligjshme.
Statutet parashikojnë dënime maksimale.
Përpjekja për të penguar një procedurë zyrtare, për shembull, sjell një dënim maksimal prej 20 vjetësh burgim.
Por të pandehurit rrallë përballen me dënime të tilla.
Megjithatë, për Trump, i cili është 77 vjeç, çdo vit burg mund të jetë efektivisht një dënim i përjetshëm.
Problemet e tij ligjore kanë vendosur një barrë të konsiderueshme në financat e fushatës së tij.
Të dhënat e publikuara së fundmi tregojnë se komiteti i tij kryesor politik ka derdhur më shumë se 20 milionë dollarë për shpenzimet ligjore deri më tani këtë vit.
Megjithatë, sondazhet e fundit e kanë treguar atë shumë përpara rivalëve të tij GOP për nominimin presidencial të partisë./ Marrë nga “Wall Street Journal”, përkthyer nga Albanian Post
Më të lexuarat
24 oret e fundit
Javen e fundit
Blog Tema
Lini një Përgjigje