Departamenti amerikan i Drejtësisë tha të premten (11 shator) se ka ngritur padi ndaj shtetit të Virxhinias për shkeljen e rregullave federale që ndalojnë përpjekjet sistematike për të hequr votuesit nga listat, brenda 90 ditëve nga zgjedhjet.

Më 7 gusht, guvernatori republikan i Virxhinias, Glenn Youngkin, nënshkroi një urdhër ekzekutiv që i kërkon komisionerit të Departamentit të Zgjedhjeve të vërtetojë se departamenti po bënte "përditësime të përditshme të listës së votuesve" për të hequr, ndër grupet e tjera, personat që nuk janë në gjendje të verifikojnë se janë shtetas në Departamentin e Mjeteve Motorike, ku jepet patenta e shoferit, që shërben si mjeti kryesor i identifikimit brenda Shteteve të Bashkuara.

Shtetasit amerikanë të cilët janë identifikuar dhe njoftuar, dhe që nuk kanë konfirmuar shtetësinë e tyre brenda 14 ditëve, do të hiqen nga lista e votuesve të regjistruar, tha Departamenti i Drejtësisë. Departamenti thotë se se kjo praktikë ka bërë që qytetarëve t'u anulohet regjistrimi në listat e votuesve përpara zgjedhjeve të 5 nëntorit.

“Duke anuluar regjistrimet e votuesve brenda 90 ditëve nga dita e zgjedhjeve, Virxhinia i vendos votuesit e kualifikuar në rrezik për t'u hequr nga listat dhe krijon rrezikun e konfuzionit për elektoratin”, tha ndihmës prokurorja e përgjithshme Kristen Clarke.

"Kongresi ka miratuar kufizime për këtë periudhë me Aktin Kombëtar të Regjistrimit të Votuesve, për të parandaluar përpjekjet e prirura për gabime, të orës së fundit, që shumë shpesh heqin të drejtën e votimit për persona që kualifikohen", shtoi zonja Clarke.

Departamenti tha se po kërkon një ndërhyrje urgjente që do t’u rikthente personave të prekur, që kanë të drejtën e votës, mundësinë për të hedhur votat e tyre të papenguar në ditën e zgjedhjeve dhe për të ndalur shkeljet në të ardhmen.

Guvernatori Youngkin e quajti veprimin të motivuar politikisht dhe një përpjekje për të ndërhyrë në zgjedhje.

"Me mbështetjen e Prokurorit tonë të Përgjithshëm, ne do t'i mbrojmë këto hapa të arsyeshëm, që na kërkohet ligjërisht t’i ndërmarrim, me çdo burim që kemi në dispozicion", tha ai nëpërmjet një deklarate të premten.

Ndërsa afrojnë zgjedhjet e nëntorit, republikanët në mbarë Shtetet e Bashkuara janë pozicionuar kundër votimit të jo-shtetasve, që është një veprim i paligjshëm. Disa zyrtarë zgjedhorë kanë paralajmëruar se masat mund të penalizojnë personat që gëzojnë ligjërisht të drejtën e votës./VOA

2 Komente

T
T

12 Tetor 2024, 14:48

U.mesuan lyshet e sorros e obames qe te votojne me te vdekurit, se ndryshe I rruajn bythen trumpit. Dhe nje.gomar.sikur te vene.perball families,gomari fiton

Përgjigjjuni
T
Trump, never again.

12 Tetor 2024, 15:47

Kari T. Nuk jane te paisur te gjithe shtetasit me patente, por te gjithe shtetasit adult kane te drejten e votes. Ne Virginia More bythqire lulishtesh, cereku i popullsise nuk ka me shume se 2 klase shkolle. Sipas teje, duhet mos ja njohin as ato klase se nuk kane bere 4?! Cfare mutin tjeter do shpikni per te mos pranuar humbjen e rradhes? Ju shkerdheu Biden pa bere asnje dite miting. Prape do ju shkerdhejene amerikanet edhe kete rradhe, por me keq se ne 2020. Duke pasur cdo mekanizem ne dore Trapi ne 2020 u”vodhen” zgjedhjet!!! Vetem ju karucat trampista dhe karaducat e Sales, besoni keto brockulla. Po ju vjen ngordhja edhe per 2 jave o gabel Brrake.

Përgjigjjuni