Te fundit
"Do ishim të lumtur ta kishim Shqipërinë në BE”, ministri i Jashtëm hungarez: Kanë bërë punë të mirë!
15 Tetor 2024, 09:15Politika
TEMA
Në konferencën e Dytë Ndërqeveritare mes Shqipërisë dhe Bashkimit Evropian, përshpejtimi i integrimit të Ballkanit Perëndimor në BE do të jetë në qendër të agjendës.
Lajmi u bë i ditur nga ministri hungarez i Punëve të Jashtme dhe Tregtisë, Péter Szijjártó, i cili njoftoi se vendi i tij mban Presidencën e radhës së BE-së dhe do të drejtojë këtë konferencë.
Szijjártó theksoi rëndësinë e integrimit të vendeve të Ballkanit Perëndimor, duke shprehur dëshirën për pranimin e Shqipërisë në BE.
"Do të ishim vërtetë të lumtur të kishim vendet e Ballkanit Perëndimor në BE, sidomos Shqipërinë," tha ai. Ministri hungarez po ashtu nënvizoi se zhvillimi në paqe është thelbësor për rajonin, duke shtuar se "ne mund të ndihmojmë me zhvillimin e Ballkanit Perëndimor në situatën e tyre paqësore."
Szijjártó i dha merita kryeministrit të Shqipërisë dhe kabinetit të tij për përpjekjet e tyre të jashtëzakonshme në këtë proces, duke e cilësuar atë si një hap të rëndësishëm drejt stabilitetit dhe prosperitetit në rajon.
Konferenca pritet të sjellë diskutime të rëndësishme për avancimin e marrëdhënieve mes Shqipërisë dhe BE-së, duke theksuar angazhimin e përbashkët për një të ardhme më të ndritur dhe të integruar për Ballkanin Perëndimor.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Dhe do bejne akoma pune me te mire kur te rasin brenda miqte e tu dhe te te njejtit padron Putinit .....Apo nuk eshte miku juaj poliagjenti Metaj , dhe gam gami Sali Ram Berisha ...jo qe te rime shtrembur dhe te flasim drejt ...